Daniel 5:19 - Biblia Dc en Mixe de Quetzaltepec

¹⁹ Mëët ja kuttujkën mëti'ipë yë Dios mmooyën, ojts yë ja'ay myintë ma yë'ëjën wiink naax wiink kajpnëpë tsyoontën ets mëk twinkutsë'këtyë. Ets yë'ë yaj'o'ky ëkë yajjuuky'äjtyp ijty mëti'ipë yë'ë tsyojkën'ajtypyën; ojts tyajwinpety mëti'ipë y'a'ijxëyën ets ojts tyajnaaxkëtä'äky mëti'ipë näjyëtu'un y'a'ijxëyën.

Biblia Mixe de Quetzaltepec

¹⁹ Mëët ja kutujkën mëti'ipë yë Tios mmooyën, ojts yë ja'ay myintë ma yë'ëjën wiink naax wiink kajpnëpë tsyoontën ets mëk twinkutsë'këtyë. Ets yë'ë yaj'o'ky ëkë yajjuuky'äjtyp ijty mëti'ipë yë'ë tsyojkën'ajtypyën; ojts tyajwinpety mëti'ipë y'a'ijxëyën ets ojts tyajnaaxkëtä'äky mëti'ipë näjyëtu'un y'a'ijxëyën.

Daniel 5:19 ပူးပေါင်းရင်းမြစ်များ

Daniel 3:6

Pën ka'ap kyoxtänë ets pën ka'ap t'ëwtaty ya'atë awinax, jap nëjkx yajkujëpipë ma jap yë jëëntooytyaknën mëti'ipë jap tyam aanpëjkpën.

Daniel 3:4

Ënet ja ja'ay tukkajpxëy mëti'ipë ënety të yajtuknipëkyën ets t'ënëmaay ja mayjyä'äy: Mëtoow'itë ya'atë aaw ayuk miitsëty naax kajpnëty, ninu'un të mja'tën ets ninu'un wiinkëtypë aaw ayuk xykyajpxtën.

Romanos 13:1

Ni'ëmukë mëpaat yajmëmëtoy ja ja'ay mëti'ipë myëët'ajtëpën ja kuttujkën. Jä'ä ko ka'ap ma kutuunk mëti'ipë ka'ap jam kyutukyën ma Tiosën, mëti'ipë jääjëtyën Dios yë të pyëjkta'akëtë.

Juan 19:11

Ënet ja Jesús y'ëtsooy: Mijts nitii kuttujkën xykyamëët'aty ma ëjtsën ko jeexyë ja Dios ka'ap të mo'oyë ja kuttujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Habacuc 2:5

Yë ja'ayëty mëti'ipë nämyëjja'aw näjyääntyjya'awëtëpën yë'ë tyäty tsyojkën'ajtëp wi'ix y'ënä'ämtëtyën; yajxon tjanty xy'ixta'atë ets ka'ap pyo'kxtë, ni'ikyë tpa'o'kta'aktë, oy tjanijawëtë ko ëxëëk ja'ay tmëjaty tmëkëpety yë kuttujkën ets ënä'ämën. Jëtu'un yë y'aaw tyajwa'kxtë o'kpëjutën; jëtu'un ka'ap kyu'uxëtë tä o'kënën, paaty tpajëtitë ja naax kajpn ets tjä'äniwa'ana'antë.

Daniel 4:22

tääpë kepy mijts yë'ë yajkutujkpë, mëti'ipë të yeekyën ets mëk të mëj'äämpy të m'awinpity. Yë mkutujkën tëë yajxon myëjë kyëjääjë jëtu'un tä jeexyë jampaat jyä'tyën tsajpjotm ets m'ënä'ämën tëë jya'ajta'ay naaxwiinyëtë apëtsëmy.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Proverbios 16:14

Ko tu'uk yë yajkutujkpë jyoot'anpëky, o'kën y'awäämpy; yi'iyë wijyjyä'äy mayëtëp tyajxäämëty ja yajkutujkpë ja y'äkë.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

2 Reyes 25:28

oy tsyojkë y'oyjya'awëyë, këtiinëm jyëtu'unëty ja wiinkëtypë ja yajkutujkpëtëjk mëti'ipë ënety jam mëët Babilonyë yajpaatyën.

Ezequiel 31:11

Paaty të ntimy nyajts'ixës, oy ënät nyiminëtëty yë myëtsip, mëti'ipë wiink kë'ëy wiink kajpn tso'onpën ets ëxëëk tyunëtëty jëtu'un tä nyitëkëtyën ko të tyuuntëkoy.

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Dios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kuttujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Daniel 11:3

Ok myina'any tu'uk yë yajkutujkpë mëti'ipë je'eyë tsiptunaanpën ets tyajkëjääjëja'any yë kyutujktakn ets jëtu'un winë tuna'any tä tyimjot tyimwinma'anyën.

Daniel 11:16

Ja mëtsip nëjkxëp winë tuntë ijxtëm ja tyimjot tyimwinma'anyëtyën, ni pën nëjkx kyamayë wyinkuwa'akëtëty, yë'ë nëjkx jam wyi'im ma ja naax kajpnën oypyë tsujpë ets wa'ats tyajkutëkooytya'aja'any winë ma ënety nyäxyën.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Eclesiastés 8:3

Këtii jëtu'unyë xywyimpëyë'ktu'utëty. Këtii xypyutëkëty ja ja'ayëty mëti'ipë tu'ukmujktëpën ets tuknipëjktaakëtë ja ëxëëkpë, jä'ä ko yë yajkutujkpë ko jyoot'anpëkëty, tsojk tii tunëty.

Daniel 4:19

Ënet ja Daniel, tmëmay tmëtajy jeky, natsë'k naja'awëp wäänjaty jä'ä ko kanaak ja wyinma'any jap nyäxy tyëkë kyëpajkjoty. E ëjts yajkutujkpë ënätës t'ënëmaay ja Daniel, këtii nëkooyë xymyëmay xymyëtajy yë nkuma'ayës ets këtii xymyëmay xymyëtajy wi'ix nyiwija'anyën. Ets ja Beltsasar y'ëtsooy: Mon tuk ja yajpaaty ja yajkutujkpë ja myëtsip ma kyëta'aka'anyën ya'atë ëyo'on mëti'ipë yë yajkutujkpë të twinkuma'ayën.

Daniel 11:12

Ko ënety ja yajkutujkpë ëpa'tkë'ëytsyowpë të myëtä'äky ets ko ënety may ja myëtsip të tyaj'ooky yë'ë nëjkx mëj këjxm nyätyukyajnaxyë, je'eyëp ko ja kyutujkën ka'ap nëjkx jeky y'ity.