Daniel 5:13 - Biblia Dc en Mixe de Quetzaltepec

¹³ Ënet ja Daniel ojts yajwoownëjkxy ma ja yajkutujkpën ets yajtëëwë: ¿Mijtsën mxëëwajtypë Daniel, mëti'ipë tsumy matsy yë nteetyës Nabucodonosor yajtso'onëm jam Judäjë?

Biblia Mixe de Quetzaltepec

¹³ Ënät ja Daniel ojts yajwoownëjkxy ma ja yajkutujkpën ets yajtëëwë: ¿Mijtsën mxëëwajtypë Daniel, mëti'ipë tsumy matsy yë nteetyës Nabucodonosor yajtso'onëm jam Judäjë?

Daniel 5:13 ပူးပေါင်းရင်းမြစ်များ

Esdras 10:7

Ënet yajmëkajpxmujktaaytyë ja ja'ayëty jam Judá ets Jerusalén, ets ye'eymyuktëty jam mëti'ipë të wyimpitën jatëkok nyaaxjoty kyajpnjoty ma ëxwopy ixkexy të y'itën.

Esdras 4:1

Ko ja Judá ets ja Benjamín myëtsiptëjk tnija'awëtyë ko tëë jatëkok wyimpitë ja Jerusalén ja'ayëty ma ja nyaax kyajpnëtyën ets ko tam tkojjë'ëktë ja Wintsën ja tsyajptëjk, mëti'ipë ja Israel ja'ayëty Tyios'ajtëpën,

Esdras 6:16

Ja Israel ja'ayëty, ja teetytyëjkëty, ja Leví ja'ayëty ets tëkokyë jënu'un ënety ëxwop ixkexy të y'itën ojts tnixëëwtuntë ja tsajptëjk mëët ja xoontakën mëjwiin këjää.

Daniel 1:1

Ma mëtëkëëk jëmëjt yajkutukyën yë Joaquim jam Judá, jää ojts yë Nabucodonosor, Babilonyë yajkutujkpë jyä'ty jam Jerusalén ets tyajnatujky ja kajpn mëët ja tsyiptuunpëtëjk.

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Dios jyä'ä'ajtypyën ets jap tpëjktaktaay ja Dios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Daniel 1:21

Yë Daniel ojts jääpaat tyuny ma ja kutujkëntëjkën ma ënety mëtu'uk jëmëjt yajkutukyën yë Ciro.

Daniel 1:6

Ma ya'atë ja ëna'ktëjkëtyën yë'ë ojts yajwin'ixtë yë Daniel, Ananías, Misael ets Azarías, aakyë'ë Judá y'u'unk y'ok,

Daniel 2:25

Ënet ja Arioc ojts twoownëjkxy ja Daniel jam ma ja yajkutujkpën Nabucodonosor ets t'ënëmaay: Ma yë jutië ja'ayëty tëëjës tu'uk npaaty yë ja'ay mëti'ipë nyija'apën wi'ix yë mkuma'ay nyiwijyën.

Daniel 2:48

Ënet ja Babilonyë yajkutujkpë ojts tpëjktä'äky mëj wintsën ma ja Babilonyë kajpnën, ojts näjyëtu'un tmo'oy may yë näynyamo'ojë ets näykyumayë, ojts tuknipëky ets y'itëty yajkutujkpë ma ja y'itjotmën ja Babilonyë ja'ayëty ets yë'ë ojts näjyëtu'un tpëjktä'äky ets tniwintsën'atëty ja ijxpëkyjyä'äytyëjkëty mëti'ipë jam ma ja naax kajpn yajpatëpën.

Daniel 5:11

ma kutujkëntaknën tam tu'uk yë ja'ay yajpaaty mëti'ipë tu'uwinye'eyëpën yë Wintsën yë myëj'ajtën y'oyajtën. Ko ijty yë'ë ja mteety kyutujkpë'aty tääpë ja'ay ojts tyaj'ixyë wi'ix wyijyëtyën ets wi'ix y'ijxpëkyëtyën, jëtu'un yaj'ijxy tiosën. Paaty yë Nabucodonosor yajkutujkpë ojts yë'ë tpëjktä'äky ets tniwintsën'atëty yë wijyjyä'äytyëjk, najtsja'apëtëjk, ijxpëkytyëjk ets xëëwmyääpyëtëjk mëti'ipë yajpatëpën ma Babilonyë naaxwiinyëtë tnitänën,

Daniel 5:14

Tëës nyajtuk'ëwaanë ko mijts mëët'ajtyp yë Dios yë kyënu'kxy pyoj ets mwijy ets m'ijxpëky.

Daniel 5:18

Yë Dios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Daniel 5:2

E ja yajkutujkpë tëë yajxon kom y'uuky, ënät ni'ënä'ämëy ets tyajmiinta'atëty ja a'ukën mëti'ipë pu'ts pujxn mëët y'oytyunyëtyën ets tyajmintëty texy mëti'ipë näjyëtu'un aak pu'ts pujxn mëët y'oytyunyëtyën, aakjä'ä mëti'ipë tyeety Nabucodonosor ënety jam të tmëtsoonyën Jerusalén ma ja tsajptëjkën. Tääts tu'ktä'ämëtyääytyë ja tsim texy aak pu'ts pujxn mëëtpë ets yë'ë tuk'ukëtyë ets tuktojkxëtyë ja yajkutujkpë ets tëkokyë ja wintsëntëjkëty yä'äypyë to'oxypyë mëti'ipë ënety të yajwoowmuktën.

Daniel 6:13

Ënet y'ënaan'ëtë'ëtstë: Yë Daniel, yë jutië ja'ay, mëti'ipë tsumy matsy yaa miinën, ninu'un yë wintsë'kën tkatimmyëët'aty ma yajkutujkpën ets ma ja ënä'ämënën mëti'ipë yë yajkutujkpë të tsa'ayën, jä'ä ko ëëtsëty tëëjës kë'ëm ntimy ixtë ko yë'ë tëkëëk ok nyu'kxtä'äky tu'kxëëwpë.

Daniel 8:1

Ma ënety mëtëkëëk jëmëjt y'ëne'emyën yë Belsasar, ëjts Daniel, ojts nwinkuma'ay, ëpëky mëti'ipës ënety të n'ëk wiinkumaapën.

Daniel 8:27

Ëjts Daniel, jëtu'unës të näjyawëty xejy tyujkpës yowë ets kanaak xëëwës të nmëko'knë pa'am mëët. Okës të niwijy ets jatëkok të ntuuntëkës ma ja yajkutujkpë ja kyutujktaknën. Je'eyëp mëk nmëmay nmëtajyës ja nkuma'ayës mëti'ipës ënety të nwin'ixyën, jä'ä ko ka'apës ënety oy nwinjawë wi'ixës jyaniwija'anyën.

Juan 7:1

Ko jëtu'un y'ëkjajty y'ëkkëpejty, jamtsow ja Jesús jyëtijty Galilea y'itjotm. Ka'ap ojts nyijkxy Judea y'itjotm, jä'ä ko yaj'ookanëp ënety ja jutiis ja'ayëty jam.

Juan 7:3

ets ja Jesús ja myëkä'äxtëjk y'ënëmaayëtë: Ka'ap yaa mwë'ëmëty, nëjkx jam Judea ets näjyëtu'un t'ixtëty yë m'ijxpëjkpëtëjk mëti'ipë yaa mtuunpyën.