Daniel 3:28 - Biblia Dc en Mixe de Quetzaltepec

²⁸ Ënet yujk'ënany ënätyë ja Nabucodonosor: Kënu'kxy mëjjawë nyaxëty yë Dios mëti'ipë y'ëwtajtëpën yë Sadrac, Mesac ets Abed-negó, mëti'ipë të tkexyën yë tsyajpjotmëtë kukäjpxy ets tyajtso'oky yë jyä'äy mëti'ipë oy mëtuunëpën, jä'ä ko yë'ëjëty ka'ap yë o'kën të tsë'ëkëtë ko të tkäjpxykyutëjtë yë yajkutujkpë jä'ä ko yë'ëjëty mëj tjëkyäptë yë Tyiosëty ets ka'ap të t'ëwtatë wiink tios.

Biblia Mixe de Quetzaltepec

²⁸ Ënät yujk'ënany ënätyë ja Nabucodonosor: Kënu'kxy mëjjawë nyaxëty yë Tios mëti'ipë y'ëwtajtëpën yë Sadrac, Mesac ets Abed-negó, mëti'ipë të tkexyën yë tsyajpjotmëtë kukäjpxy ets tyajtso'oky yë jyä'äy mëti'ipë oy mëtuunëpën, jä'ä ko yë'ëjëty ka'ap yë o'kën të tsë'ëkëtë ko të tkäjpxykyutëjtë yë yajkutujkpë jä'ä ko yë'ëjëty mëj tjëkyäptë yë Tyiosëty ets ka'ap të t'ëwtatë wiink tios.

Daniel 3:28 ပူးပေါင်းရင်းမြစ်များ

Génesis 9:26

Ënet ojts ok tjaaknikäjpxy ets jyaak'ënany: Yë nWintsënës Dios yë'ë kyënu'kxëp yë Sem, ets je'eyë tuunpë twa'anëty yë Canaán.

1 Crónicas 5:20

ojts pyutëkëtë ja Dios, paaty ka'ap tyajmëtaktë ja Agar ja'ayëty ets ja mëti'ipë mëët të nyäpyëkëtën, yë'ëjëty ënätyë ja Dios ijty tmëkajpxtë jam tsipjotm ets pyutëkëtëty. Ojts pyutëkëtë jä'ä ko nän jam ja wyinma'any ets ja myëpëjkën tpëjktaktë.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënety tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

2 Crónicas 32:21

Ënet ja Wintsën tkexy ja kyukäjpxy ets tyaj'o'ktaay ja Asiria ja'ayëty ja wyintsëntëjkëty ets ja ja'ayëty mëti'ipë ënety tsip'ixyëtyën ets ja kopktëjkëty mëti'ipë ja myëku'ukëty tyu'uwinye'eytyëpën. Tä ja Senaquerib ojts wyimpijnë wintsëtyu'un jëjptsëtyu'un ma kyajpnën, jam jyäjty ma ja tsajptëjkën ma jap tmëët'atyën ja tyios, ka'apë Tiosëtyën, e wäänë y'ijty tä jäpyë kyë'ëm u'unk yaj'o'kë.

Esdras 1:3

E paatyës yam nyikäjpxy, pën jää yaa pën mëti'ipë jam kukajpn'ajtpën ma Wintsën nyaax kyajpnën, yë Wintsën putëkëtëp ets nyëjkxtëty jam Jerusalén, ma Judá y'itjotmën, ets tkojtëty ja tsajptëjk, ja Wintsën Tsyajptëjk mëti'ipë yë Israel ja'ayëty y'ëwtajtëpën, jä'ä ko tääpë Wintsën yi'iyëm jam kukajpn'ajtp Jerusalén.

Esdras 6:11

Tyam näjyëtu'un ënä'ämën mpëjktä'äkyës, ko pën ya'atë aaw ayuk tnakumëtoownaxëty ëkë tkapatunëty, nëjkxëp ja tyëjk yajpa'atjijtu'uty ets nyijijtpätëtëty; ja jyëën tyëjk xit ko'ow jyajta'ajëty.

Salmos 103:20

Mëjjaw kënu'kxyjyawëtë yë Wintsën miitsëty Dios kukäjpxy ninu'un myaj'ënä'äm myajmëkajpxtën; ninu'un jëjp'ixy myajpaatën ets xymyëmëtowa'antë.

Salmos 147:11

mëti'ipë tyukjotkëtäkpyën yë'ë ko pën wyintsë'ëkëty ets myëmëtoyë, ets mëti'ipë tyuk'ijxpäjtëpën ja tsyojkën jya'awën.

Salmos 33:18

E yë Wintsën Kyëwent'ajtyp xëmë mëti'ipë tukjotkujk'ajtëpën ets mëti'ipë tyukjotkujk'ajtëpën tsyojkën jya'awën;

Salmos 33:21

Yë njot nwinma'anyëtyës xoontä'äky yajpaaty ma Wintsënën, paaty ëëtsëty yë'ë ntuk'ijxpätës yë kyënu'kxy myëjxëëw mëti'ipë wa'atsën.

Salmos 34:22

Yë Wintsën yajtsokpy yë jyuukyajtën yë ja'ay mëti'ipë mëtuunëpën; ka'ap nëjkx yajtëytyuntë mëti'ipë tuk'ijxpäjtëpën.

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Dios yë'ë ntsoktakn'ajtëm.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 50:10

Miitsëty ninaak xymyëjjaw xykyënu'kxyjyawëtë ja Wintsën, ninaak xymyëtoow'itën mëti'ipë ja tyuunpë kyäjpxyp myëtyäkpyën, oy muum mku''ux mkukootsëtë, oy muum mkupi'itsëtë, jam ja mjot mwinma'any pëjkta'aktë ma Wintsënën, yi'iyë Dios tukjotkujk'atë.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Daniel 3:25

Nimajktaxkës jap n'ixtë ets tëë yajkë'ëkaj yajteky kyäjtë, najxtëp tëjkëtyëp jap jëënjoty ets ka'ap yaj'ixtë wi'ix jyatë, ja mëmajktaxkpë ja ja'ay jëtu'un yaj'ixy tä tu'uk Dios kukäjpxy.

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 6:16

Paaty ja yajkutujkpë ojts tni'ënä'ämë ets tyajmintëty ja Daniel ets jap tkujëpipëtëty kepyjoty ma ja kaa jap nimay yajpaatën. E ka'anëm ënety ja Daniel jap yajkujëpipë kaa kemyjoty ko ja yajkutujkpë jyaak nëmaayë: Yë Dios mëti'ipë mëtuumpyën ets mëti'ipë wyinkutsë'këpën yë'ë myajtso'okëtëp.

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Dios mëti'ipë Daniel y'ëwtajtypyën. Jä'ä ko juuky Dios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.

Mateo 4:10

Ënet ja Jesús y'ëtsooy: Nëjkx mëjku'u, jëtu'un ja Dios y'aaw y'ayuk kyëxja'ayëty: wintsë'ëkë mWintsën Dios. Yë'ë tu'ukyë m'ëwtatëp ets xymyëmëtowëty.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Dios wyintuuy ko miits myajmëmëtowtëty ets Dios ka'ap.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

1 Corintios 13:3

Ets pën npëjkwä'kxypës ja mpëjktä'äky ma ja ëyoopëja'ayën ëkë nkë'ëyäkyës ja ni'kx nkopk ets nyitoyëty, pën ka'apës ja nmëku'uk ntsoky njawë, nitiijës nkakëjxmëty.

Filipenses 1:20

Njëjp'ijxypës ëmuumtu'ukjot ko ka'apës ntsëtyu'unpaata'any, ni'ikyës xymyo'oja'any ja Dios ja mëk'ajtën wi'ix yajmëjjaw yajjaantyjäwëtyën ja Kristë, oyës n'ookëty ëkë njuuky'atëtyës.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 11:37

Wiinkpë ojts y'ooktë kuka'atsy ets ojts yajjë'ëtwa'ktë kujkm, ëkë kupuxy mëët ja mëtyäät. Tam mëti'ipë ja wyit xyox kakaajtën, tsajppax ak kupixyny jyaak wit'ajtëp ets yaj'ëyow yaj'ama'at jyëtijtë wyimpäjtë jyëjptaktë.

1 Pedro 1:21

Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Dios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.