Daniel 3:22 - Biblia Dc en Mixe de Quetzaltepec

²² E jä'ä ko tëë ënety ja yajkutujkpë y'ënä'äny ko yë y'ënä'ämën ënätyë mëpaat yajpaatuny, tëë ënety ja jëënjut nyayä'änpëjknë, ja jëën nëkooyë ojts pyëtë'knë paaty ja tsiptuupëtëjkëty y'o'ktaaytyë ko ja jëën pyatëtë mëti'ipë ënety ojts të tkujëpijpnaxtën ja nitëkëëkpë ja ëna'ktëjk,

Biblia Mixe de Quetzaltepec

²² E jä'ä ko tëë ënäty ja yajkutujkpë y'ënä'äny ko yë y'ënä'ämën ënätyë mëpaat yajpaatuny, tëë ënäty ja jëënjut nyayä'änpëjknë, ja jëën nëkooyë ojts pyëtë'knë paaty ja tsiptuupëtëjkëty y'o'ktaaytyë ko ja jëën pyatëtë mëti'ipë ënäty ojts të tkujëpijpnaxtën ja nitëkëëkpë ja ëna'ktëjk,

Daniel 3:22 ပူးပေါင်းရင်းမြစ်များ

Proverbios 21:18

Yë ëxëëk ja'ay mëti'ipë ka'ap mëtëy jyuuky'ätyën ets ëxëëk jyä'äy'äty, yë'ë nëjkx ëxëëk jyäty kyëpety jëtu'un tä jeexyë ëxëëk jyatën kyëpätën yë wa'ats ja'ayëty.

Proverbios 11:8

Yë Dios yajpëtsëëmpy yë oyjyä'äytyëjk ma monyë tukyën; ets ëxëëkja'aytyëjk yë'ë jam tpëjktä'äky.

Éxodo 12:33

Yë Egiptë ja'ayëty mëktä'äky t'ënëmaaytyë ja Israel ja'ay ets tsyoontëty jap Egiptë, jä'ä ko jëtu'un ënety myäytyë tyajtë ko tsojk y'ëk'o'ktaaynyëtëty.

Hechos 12:19

Ja Herodes ojts tni'ënä'ämë ets t'ëxta'atëty ja Pedro e ka'ap maa tpatë, paaty ojts yë'ë ja këwent'ajtpë yajpoky'ixtë ojts yajni'ënä'ämëtyë ets y'ooktëty. Ko ja Herodes jëtu'un y'ëtitsy, ënät ojts tsyo'onë jam Judea y'itjotm ets nyëjkxnë Cesarea.

Mateo 27:5

Ënet ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Daniel 6:24

Ja yajkutujkpë ojts tni'ënä'ämë ets tyajmintëty ja ja'ayëty mëti'ipë ënety ja Daniel të tni'ëënëtë ets jap yajkujëpijpëtyë kaa kemyjoty mëët ja y'u'unkëty y'ëna'këty ets ja y'u'unk tyo'oxytyëjkëty; ka'ap ënety jap y'oyjya'tënëm ko ja kaa myajtstaayëtë ets tsyu'tstaayëtë.

Daniel 2:15

Tääts tyajtëëy: ¿Wi'ix ko yë yajkutujkpë jëtu'unpë ënä'ämën janty poj'am të tyajpëtsëmy? Tä ja Arioc tyukmëmëtyakëyë.

Daniel 1:7

e ojts yajwëëwkuwitstë jä'ä ojts yajxëëwpätëtë ja mëti'ipë jam tuunpën ma ja kutujkëntaknën: Ets ja Daniel jä'ä ojts xyëëwpety Betsalsar; ja Ananías jä'ä ojts xyëëwpety Sadrac; ja Misael jä'ä ojts xyëëwpety Mesac ets ja Azarías, jä'ä ojts xyëëwpety Abed-negó.

1 Reyes 13:28

Ënet ja mëjja'aypyë käjpxynyajxpë ojts nyijkxy, ma jam ja o'kpën, tu'ujotm tpaty, tamnëm nyatänëty ja kaa ets ja krukts. Ja mëj kaa ka'ap ënety tsu'utsynyëm ja o'kpë, nän ka'ap ënety wi'ix të tuny ja krukts.