Daniel 3:19 - Biblia Dc en Mixe de Quetzaltepec

¹⁹ Ko ja Nabucodonosor jëtu'un tmëtooy ja ëna'ktëjk y'ëna'antë, tsaptsëm ojts ja wyiin jyëjp jyajta'ay mëët ja joot'anë. Ënet ni'ënä'ämëy ets tyaj'aanpëktëty ja jëënjut wëxtujk'ok;

Biblia Mixe de Quetzaltepec

¹⁹ Ko ja Nabucodonosor jëtu'un tmëtooy ja ëna'ktëjk y'ëna'antë, tsaptsëm ojts ja wyiin jyëjp jyajta'ay mëët ja joot'anë. Ënät ni'ënä'ämëy ets tyaj'aanpëktëty ja jëënjut wëxtujk'ok;

Daniel 3:19 ပူးပေါင်းရင်းမြစ်များ

Daniel 3:13

Ja Nabucodonosor yajxon ojts jyoot'anpëjknë ets tnikäjxëy ja Sadrac, Mesac ets Abed-negó. E ko jam myiintë,

Proverbios 21:24

Nämyëja'aw näjyääntyja'awëpë, ets ëxëëk ja'ay ka'oyjyä'äy yajtijy mëti'ipë mëj këjxm ja'ay'ajtpën.

Hechos 5:33

Ko jëtu'un tmëtoowtë, tääts tukjoot'anpëjktë ets ojts tjayaj'ooka'antë.

Daniel 5:6

ënät tsyuxkëtyääy ets ja tsë'ëkë tyuktëjkëyë ets tyëjkëy tsëyuupë tu'kkuuytyänë.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

Hechos 7:54

Ko jëtu'un tmëtoowtë ja tsajptëkotyëtë yajuntë'ajtpë, ënät tukjoot'anpëjktë ja Esteban ets nyätyëtskä'pëtë mëët ja äkë.

Daniel 6:24

Ja yajkutujkpë ojts tni'ënä'ämë ets tyajmintëty ja ja'ayëty mëti'ipë ënety ja Daniel të tni'ëënëtë ets jap yajkujëpijpëtyë kaa kemyjoty mëët ja y'u'unkëty y'ëna'këty ets ja y'u'unk tyo'oxytyëjkëty; ka'ap ënety jap y'oyjya'tënëm ko ja kaa myajtstaayëtë ets tsyu'tstaayëtë.

Isaías 51:23

Yë'ëjës nmo'ojäämpy yë ja'ayëty mëti'ipë ëxëëk të mtunyën, mëti'ipë ijty m'ënëmaayëpën: Xii naaxkëjxy nekyo'okët, wä'änës jam nkëxye'eytyë; ets ojts mnäkyo'okyë tää myaj'ate'eny myajtukte'eny naaxwayën.

Proverbios 16:14

Ko tu'uk yë yajkutujkpë jyoot'anpëky, o'kën y'awäämpy; yi'iyë wijyjyä'äy mayëtëp tyajxäämëty ja yajkutujkpë ja y'äkë.

Ester 7:7

Ënet ja yajkutujkpë Asuero yajxon jyoot'anpëjky ets wyä'ätsë'ky, jap ojts nyijkxy tëjk'ëjxy ma ja pëjykyamën. E ja Amán ko t'ijxy ko tëë ja yajkutujkpë tuknipëjktaakë ko yaj'ooka'anyë, ënät tyëjkëy nu'kxtakpë ma ja Ester yajpaatyën ets t'ënëmaay ko wä'än pyokmye'kxyë.

Génesis 31:2

Näyjyëtu'un yë Jacob t'ijxy ko yë Labán äjkëp xëmë kyëxë'knë. Ka'ap ijty jëtu'un jyä'äy'äty ko yë Jacob jyemyjyä'äjty.

Daniel 2:12

Ënet ja yajkutujkpë jyoot'anpëjky ets ni'ënä'ämëy ja ijxpëkyjyä'äytyëjk ets wijyjyä'äytyëjkëty mëti'ipë jam Babilonyë yajpatëpën ets y'ooktëty.

Daniel 3:20

ets ojts tuknipëky ja tsyiptuunpëtëjk mëkëtypë ets tsumtëty mëët yë tejpxy ja Sadrac, Mesac ets Abed-negó ets nëjkx jap tkujëpipëtë ma ja jëënjutën.

Ester 3:5

E ko ja Amán tjanty'ijxy ko tëytyëm ko ka'ap ja Mardoqueo kyoxtänë ko nyäxy, ënät ojts yajxon jyänty jyoot'anpëky;