Daniel 2:49 - Biblia Dc en Mixe de Quetzaltepec

⁴⁹ Ojts näjyëtu'un yë Daniel t'amëtoy; ets yajkutujkpë tpëjkta'akëty yë Sadrac, Mesac ets Abed-negó ma mëj'äämpyëtypë tuunkën, mëti'ipë yajpatpën ma Babilonyë ja'ayëty yë y'itjotëtyën. Yë Daniel jam ojts wyi'imy wintsën ma ja yajkutujkpën.

Biblia Mixe de Quetzaltepec

⁴⁹ Ojts näjyëtu'un yë Daniel t'amëtoy; ets yajkutujkpë tpëjkta'akëty yë Sadrac, Mesac ets Abed-negó ma mëj'äämpyëtypë tuunkën, mëti'ipë yajpatpën ma Babilonyë ja'ayëty yë y'itjotëtyën. Yë Daniel jam ojts wyi'imy wintsën ma ja yajkutujkpën.

Daniel 2:49 ပူးပေါင်းရင်းမြစ်များ

Ester 2:19

Jä'ä xëëw ma ënety ja to'oxy'ëna'këty yajmënëjkxtën jam ma ijtaknën, mëti'ipë tëë twinkuwa'akëtën ja yajkutujkpë, yë Mardoqueo jam ënety y'u'unyë tëjkwinm ma ja akujktëjkën.

Ester 2:21

Ma jam jëtu'un yë Mardoqueo y'u'unyën, këmoontëjk winm, ënät tmëtooy ko myëtya'aktë yë Bigtán ets Teres, mëti'ipë ënety nyiwintsën'ajtëpën ja tsiptuunpë ja'ayëty, jampë kyëwent'atën ma kutujkëntëjkën. Ya'atë nimäjtskpë ja'ayëty yë'ë ënety nyimëtyaktëp wi'ix tyaj'ooka'antë ja yajkutujkpë.

Ester 3:2

Tëkokyë ja'ayëty mëti'ipë myëtuuntëpën ja yajkutujkpë, aak myëjpëjktaktëp ets aak wyinkoxtënaaytyëp ijty yë Amán, oymyaajëty ko muum wyinnaxëtë aak wintak naaxkoowtëp ja'ayëty, jä'ä ko jëtu'un ënety ja yajkutujkpë të tuknipëjktaakë; e ja Mardoqueo ka'ap tpatuuny jëtu'unpë ja ënä'ämën.

Proverbios 28:12

Ko yë wa'ats ja'aytyëjk myëta'aktë, xoontaktëp ja ja'ayëty; ko yë ëxëëkja'aytyëjk myëta'aktë, näyu'tstaayëp yë ja'ay.

Jeremias 39:3

mëët tëkokyë ja Babilonyë tsiptuunpëtëjk mëti'ipë mëj'äämpy ijtëpën ets jam nyäpyëjktakëtë ma ja kajpn yajnitëkën itkujkytsyow. Tam ja mëti'ipë xyëëwajtypyën Nergal-sarézer, samgar-nebó, Sarsequim, wintsën y'ity ma ja kutujktaknën ets ja wiinkpë mëti'ipë xyëëwajtypyën Nergal-sarézer, nän wintsën y'ity.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Daniel 1:7

e ojts yajwëëwkuwitstë jä'ä ojts yajxëëwpätëtë ja mëti'ipë jam tuunpën ma ja kutujkëntaknën: Ets ja Daniel jä'ä ojts xyëëwpety Betsalsar; ja Ananías jä'ä ojts xyëëwpety Sadrac; ja Misael jä'ä ojts xyëëwpety Mesac ets ja Azarías, jä'ä ojts xyëëwpety Abed-negó.

Daniel 2:17

Ënet ojts nyijkxy ma ja y'ijtaknën ets ja myëku'uk tukmëmëtyaktaay wi'ix ënety ja yajkutujkpë y'ënä'änyën, tam ënätyëty ja Ananías, Misael ets Azarías,

Daniel 3:1

Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

Daniel 6:2

Ojts tëkëëk tpëjktä'äky ja'ay mëti'ipë y'aye'eyëpën ja kutujktakn ma tyaapë kutuunktëjk të yajnikajpxpätën, këtiipë muum ja yajkutujkpë tsyiptëkëty. Daniel ojts näjyëtu'un yajtuknipëky ja tuunk ma ja nitëkëëkpë ojts yajnikajpxpätën mëti'ipë aye'ey anajxtëpën,

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.