Daniel 2:47 - Biblia Dc en Mixe de Quetzaltepec

⁴⁷ Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Biblia Mixe de Quetzaltepec

⁴⁷ Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Daniel 2:47 ပူးပေါင်းရင်းမြစ်များ

Génesis 41:39

Ënet yë yajkutujkpë t'ënëmaay yë José: Ka'ap ma wiinkpë ja'ay jaakwinma'anymyëëtpë ets wijypyë ijxtëm mijtsën, Dios jëtu'un të mtuknijawëty tu'kë'ëyë ya'atë.

2 Reyes 5:15

Ënet ja Naamán ets ja jyä'äy ojts ninëjkxtë ja Elisejë. Ko jam jyä'äjty ma ja Elisejë yajpaatyën, ënät ja Naamán t'ënëmaay: Ëjts tëëjës ënät yajxon nijawë ko ka'ap maa wiinkpë Wintsën jaakmëjpë jëtu'unpë tä mëti'ipë yajpatpën ma Israel nyaax kyajpnën. E tyam mijts npëjktsoy ets xytyunëty yë mëyajtën xykyupëkëty ya'atë näynyamo'ojë mëti'ipë të ntukniminyën.

Job 12:19

Pyëjkëp yë teetyëjk yë tyuunk ets jyëpëjktääpy ma kutujktaknën mëti'ipë ënä'ämtëpën yajkutujktëpën.

Salmos 136:2

Mo'otë yë kukkajpxën ja'awëkyëtakkën yë Dios mëti'ipë nyiTios'ajtypyën wiinkëtypë tios, jä'ä ko tsyojkën jya'awën winë xëëw winë jëmëjt y'ijtëy.

Salmos 136:3

Mo'otë yë kukkajpxën ja'awëkyëtakkën yë Wintsën mëti'ipë nyiWintsën'ajtypyën yë wintsëntëjk, jä'ä ko tsyojkën jya'awën winë xëëw winë jëmëjt y'ijtëy.

Salmos 72:11

Wä'än tëkokyë yë ënä'ämpëtëjk tkoxtänëtë ma yë'ëjën. Ets wä'än tëkokyë yë naax kajpn jam myëtuntë kyupëktë ma yë'ëjën.

Salmos 82:1

Dios yë'ë tyu'uwinwoopy ja käjpxy mëtyä'äky ma ja nätyu'ukmukë y'ityën jam tsajpjotm, ets tnipaye'eyä'äny tëkokyë winë wi'ixjaty pën të tyuny të kyäjpxyën:

Salmos 96:4

Yë Wintsën mëj yë'ë ets patëp yajmëjpëjkta'akëty. Ni'ik yë kyutsë'ëkëty këtiinëm wiinkëtypë tios.

Ezequiel 26:7

Ëjts, Wintsën jëtu'unës n'ëna'any: Nyajminäämpyës yë Nabucodonosor anëkëjxytsyow, mëti'ipë jam Babilonyë ënä'ämpën, mëti'ipë mëk ënä'ämpën yajkutujkpën ets tnitëkëja'any yë Tirë kajpn. Yajminäämpy yë kepy wintëkäämpë, kwaay ets mëti'ipë tyuk'u'unyääpyën, may tyajmuka'any yë jyä'äy.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Daniel 2:19

Jä'ä tsu'um yë Daniel ojts yë Wintsën tyuk'a'ijxnaxyë mëti'ipë ja Babilonyë yajkutujkpë nyijawëjäämpyën, ënät ja Daniel tkukajpxëy tja'awëkyëtakëy ja Wintsën.

Daniel 2:22

Yë'ë yaj'ijxëp ets yë'ë yajnikëxë'kpy ja jot winma'any tsipë ets yu'utsypë; nyija'ap mëti'ipë akootstuuy yajpatpën, jä'ä ko yë'ë myëët'ajtyp yë jajën të'kxën.

Daniel 2:28

Tu'uk jää je'eyë Dios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënety jam myä'äy.

Daniel 2:29

Jam ënety ja yajkutujkpë myä'äy wyiitykyijxy myaapäjnkëjxy; yë'ë ënety myëmääpy myëtäjpy wi'ix ja xëëw jëmëjt myiny wyinkony, e mëti'ipë nyikäjpxypën ja mëti'ipë yu'utsy ijtpën tëë tyuknijawëty.

Daniel 2:30

Ëjts tëëjës näjyëtu'un nyajtuknijawë ya'atë winma'any mëti'ipë miimp këtakpën, ka'ap yë'ëjëty koos ni'ikës nwijyëty këtiinëm ja wiinkëtypë ja ja'ay, yë'ëkyëjxmës të nyajtuknijawë etsës ntukmëmëtya'akëty yë yajkutujkpë wyinkuma'ay wi'ix nyiwijyën ets tnijawëty tja'akyukëty wi'ix ja jyot wyinma'any y'ënä'änyën.

Daniel 2:37

Mijts yajkutujkpë mijts tu'uk mëj'äämpy mnajxp yajkutujkpë, jä'ä ko Wintsën mëti'ipë tsajpjoty yajpatpën yë'ë kuttujkën të mo'oyë ets tëë mo'oyë mëk'ajtën ets mëj'ajtën

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënety ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Daniel 3:28

Ënet yujk'ënany ënätyë ja Nabucodonosor: Kënu'kxy mëjjawë nyaxëty yë Dios mëti'ipë y'ëwtajtëpën yë Sadrac, Mesac ets Abed-negó, mëti'ipë të tkexyën yë tsyajpjotmëtë kukäjpxy ets tyajtso'oky yë jyä'äy mëti'ipë oy mëtuunëpën, jä'ä ko yë'ëjëty ka'ap yë o'kën të tsë'ëkëtë ko të tkäjpxykyutëjtë yë yajkutujkpë jä'ä ko yë'ëjëty mëj tjëkyäptë yë Tyiosëty ets ka'ap të t'ëwtatë wiink tios.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Dios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kuttujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Daniel 4:25

Mijts yajkutujkpë myajwoowpëtsëmaanp ma ja mayjyä'äyën ets myajwoownëjkxa'any jam aayjyotm ujtsjotm ma mjuuky'atëtyën tä aayjëyujk ujtsjëyujk jyuuky'atën; yë'ë m'okëp yë mëëy tä yë tsajpkaa myiiy'okyën ets nëjkxëp yë mjot mnini'kx nyimaanikyë. Jëtu'un nëjkx mjuuky'äty mijts yajkutujkpë wëxtujk jëmëjt, koonëm xynyijawëty ko yë Dios Ni'ik yë'ë myëët'ajtyp yë kuttujkën ma tëkokyë yë naaxwiinyëtë ja'ayën ets yë'ë yaj'ëne'empy yajkutujkpy mëti'ipë yë'ë tyuknipëjktakëpën.

Daniel 4:32

Myajjuutaanp yam ma mayjyä'äyën ets nëjkx mjuuky'äty mëët yë aayjëyujk ujtsjëyujk; wëxtujk jëmëjt m'ujts jë'kxëty tä tsajpkaa y'ujts okyën, koonëm xynyijawëty ko yë Dios Ni'ik mëk yë'ë ets yë'ë y'ënä'ämtääpy yë naax kajpn naaxwiinyëtë apëtsëmy ets yë'ë pyëjktäkpy kë'ëm pën yajkutukëpën.

Daniel 5:11

ma kutujkëntaknën tam tu'uk yë ja'ay yajpaaty mëti'ipë tu'uwinye'eyëpën yë Wintsën yë myëj'ajtën y'oyajtën. Ko ijty yë'ë ja mteety kyutujkpë'aty tääpë ja'ay ojts tyaj'ixyë wi'ix wyijyëtyën ets wi'ix y'ijxpëkyëtyën, jëtu'un yaj'ijxy tiosën. Paaty yë Nabucodonosor yajkutujkpë ojts yë'ë tpëjktä'äky ets tniwintsën'atëty yë wijyjyä'äytyëjk, najtsja'apëtëjk, ijxpëkytyëjk ets xëëwmyääpyëtëjk mëti'ipë yajpatëpën ma Babilonyë naaxwiinyëtë tnitänën,

Amós 3:7

Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

1 Corintios 14:25

Jëtu'unts nëjkx yajnijawë mëti'ipë ënety jyotmay'äjtypyën jyootjoty wyinma'anyjoty ets ja Dios nëjkx twinkoxtänë ets tmëjjaw tjaantyjawëty ets nijawëty ko ja Dios yajpaaty ma miitsëtyën.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

1 Timoteo 6:15

Jëtu'un jyatëty ko ja xëëw jëmëjt tpaatëty mëti'ipë ja Dios të tuknipëjktaakën. Kënu'kxy yë'ë, yë'ë tu'ukyë yajkutujkp, ma ja yajkutujkpëtëjkën ets mëti'ipë nyiwintsën'ajtypyën ja wintsëntëjk.

Josue 22:22

Yë Wintsën, mëti'ipë nyiTios'ajtypyën wiinkëtypë tiosëty, wa'ats tnijawë ko ëëtsëty ka'apës ya'atë wintsë'këntyakn të nyajpëtë'ëktë mëët ko nkäjpxykyumëtoownaxtës ëkë ko n'ëxmatstës. Yë'ë nyija'ap wa'ats ets tyam miits ntuknijawëtë; e pën kajts jyëtu'unëty, yaj'o'ktëkës.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.