Daniel 2:37 - Biblia Dc en Mixe de Quetzaltepec

³⁷ Mijts yajkutujkpë mijts tu'uk mëj'äämpy mnajxp yajkutujkpë, jä'ä ko Wintsën mëti'ipë tsajpjoty yajpatpën yë'ë kuttujkën të mo'oyë ets tëë mo'oyë mëk'ajtën ets mëj'ajtën

Biblia Mixe de Quetzaltepec

³⁷ Mijts yajkutujkpë mijts tu'uk mëj'äämpy mnajxp yajkutujkpë, jä'ä ko Wintsën mëti'ipë tsajpjoty yajpatpën yë'ë kutujkën të mo'oyë ets tëë mo'oyë mëk'ajtën ets mëj'ajtën

Daniel 2:37 ပူးပေါင်းရင်းမြစ်များ

Ezequiel 26:7

Ëjts, Wintsën jëtu'unës n'ëna'any: Nyajminäämpyës yë Nabucodonosor anëkëjxytsyow, mëti'ipë jam Babilonyë ënä'ämpën, mëti'ipë mëk ënä'ämpën yajkutujkpën ets tnitëkëja'any yë Tirë kajpn. Yajminäämpy yë kepy wintëkäämpë, kwaay ets mëti'ipë tyuk'u'unyääpyën, may tyajmuka'any yë jyä'äy.

Daniel 5:18

Yë Dios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Salmos 62:11

Ka'apës tyëkokpajkëty je'eyë të nmëtoy, ko yë Dios y'ënä'äny: Yë mëk'ajt oyajtën ets tsojkën ja'awën yë'ë jyä'ä'ajtääpy, yë'ë nitu'ukjaty kyumaaytyääpy wi'ixjaty pën të tyuny të kyäjpxyën.

Esdras 7:12

Tyam ja yajkutujkpë Artajerjes tkajpxpo'kxy ja teety Esdras, yaj'ijxpëjkpë, mëti'ipë nyija'apën ja ënä'ämën tëyajtën ja Wintsën ja jyä'äy tsajpjotmëpë yajpaatyën.

Esdras 1:2

Jëtu'un ja Ciro y'ënä'äny mëti'ipë yajkutujkpën jam Persië: Yë Wintsën, mëti'ipë ijtpën tsajpjotm yë'ë ojts t'ëwa'atsy etsës ëjts njä'ä'atëty ja kutujktakn naaxwiinyëtë apëtsëmy e yë'ëtsës të xytyuk'ëne'emy etsës nkojëty tu'uk Tsyajptëjk jam Jerusalén, ma Judá y'itjotmën.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Apocalipsis 5:12

ets y'ëna'antë mëk: Yë'ë paat'ajtëp t'ëxajëty ja mëk'ajtën, ja jotkujk'ajtën, ja wijyajtën kejyajtën, ja mëjaaw, ja wintsë'kën, ja mëj'ajtën jaanty'ajtën ets ja mëjja'awën jaanty ja'awën.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Juan 19:11

Ënet ja Jesús y'ëtsooy: Mijts nitii kuttujkën xykyamëët'aty ma ëjtsën ko jeexyë ja Dios ka'ap të mo'oyë ja kuttujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Oseas 8:10

E oy tjäyajkwä'kxy yë näynyamo'ojë ma naax kajpnëtyën, ëjts nwojpwä'kxantëpës yam ets ka'ap jyam'ata'any yë yajkutujkpë ets wintsëntëjkëty.

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 4:32

Myajjuutaanp yam ma mayjyä'äyën ets nëjkx mjuuky'äty mëët yë aayjëyujk ujtsjëyujk; wëxtujk jëmëjt m'ujts jë'kxëty tä tsajpkaa y'ujts okyën, koonëm xynyijawëty ko yë Dios Ni'ik mëk yë'ë ets yë'ë y'ënä'ämtääpy yë naax kajpn naaxwiinyëtë apëtsëmy ets yë'ë pyëjktäkpy kë'ëm pën yajkutukëpën.

Daniel 4:25

Mijts yajkutujkpë myajwoowpëtsëmaanp ma ja mayjyä'äyën ets myajwoownëjkxa'any jam aayjyotm ujtsjotm ma mjuuky'atëtyën tä aayjëyujk ujtsjëyujk jyuuky'atën; yë'ë m'okëp yë mëëy tä yë tsajpkaa myiiy'okyën ets nëjkxëp yë mjot mnini'kx nyimaanikyë. Jëtu'un nëjkx mjuuky'äty mijts yajkutujkpë wëxtujk jëmëjt, koonëm xynyijawëty ko yë Dios Ni'ik yë'ë myëët'ajtyp yë kuttujkën ma tëkokyë yë naaxwiinyëtë ja'ayën ets yë'ë yaj'ëne'empy yajkutujkpy mëti'ipë yë'ë tyuknipëjktakëpën.

Daniel 4:3

Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Jeremias 28:14

Jä'ä ko ëjts mëti'ipë Wintsën'ajtpën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ënä'äny: Tëës yë naax kajpn ntukutsuumta'ay yë tsajpkaakukë'ë mëti'ipë aak juunpujxnën ets tmëtuntëty ja Nabucodonosor yajkutujkpë mëti'ipë jam Babilonyë ënä'ämpën. Yë'ëpaat yë jëyujk mëti'ipë ëwa'anëtyën tëëjës ntukë'ëtëjkëtyä'äyës.

Isaías 10:8

Yë'ë tyaa y'ënä'äny: Tëkokyë yë yajkutujkpëtëjk aak'ëjts yë xymyëtuuntëpës.

Proverbios 8:15

Ëjts nyaj'ijtyp yë yajkutujkpëtëjk, ënä'ämpëtëjk ets mëti'ipë nyipaye'eytyëpën yë nëë poky.

2 Crónicas 36:23

Ciro, Persië yajkutujkpë, jëtu'un tnikäjpxy: Yë Wintsën mëti'ipë jam ijtpën tsajpjotm, tëëjës ja naax kajpn xymyooytyä'äy, yaa naaxwiiny etsës të xytyuknipëky nkojëty tu'uk ja tsajptëjk jam Jerusalén, ma Judá y'itjotmën. E paaty miitsëty n'ënëëmëtë pën tyuk'ijtëp jëtu'unpë ja naax kajpn, mëti'ipë ja Wintsën kyajpn'ajtypyën, Wintsën mputëkëtëp ets nëjkxtë jam.

1 Reyes 4:24

Ko jëtu'un winë nyipety, yë'ëkyëjxm ko ja Salomón aakyë'ë ënety y'ënä'ämtääpy tëkokyë ja naax kajpn mëti'ipë jam yajpatëpën matsow xëëw kyëtä'äkyën ma yajtijyën Éufrates, tsyo'ontä'äky jam Tirsá, tyimja'ty jampaat Gaza, aak ojts yë Salomón ya'atë ënä'ämpëtëjk tmëmëtakta'ay ets ko ënety nimay mëët ja näykyajpx'oyë të tuny.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

2 Reyes 25:28

oy tsyojkë y'oyjya'awëyë, këtiinëm jyëtu'unëty ja wiinkëtypë ja yajkutujkpëtëjk mëti'ipë ënety jam mëët Babilonyë yajpaatyën.

Jeremias 34:1

Ko ojts yë Jerusalén kajpn ets kajpn mëti'ipë mëët nyätyu'kmëtsëpa'an'atyën nyitëkëty yë Nabucodonosor jampë Babilonyë yajkutukyën, mëët tu'kë'ëyë yë tsyiptuunpëtëjk mëti'ipë wiink naax wiink kajpn tso'ontëpën mëti'ipë yë Nabucodonosor nyitënääpyën, jää ojts yë Wintsën tmëkäjpxy yë Jeremías ets t'ënëmaay:

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Dios jyä'ä'ajtypyën ets jap tpëjktaktaay ja Dios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 4:22

tääpë kepy mijts yë'ë yajkutujkpë, mëti'ipë të yeekyën ets mëk të mëj'äämpy të m'awinpity. Yë mkutujkën tëë yajxon myëjë kyëjääjë jëtu'un tä jeexyë jampaat jyä'tyën tsajpjotm ets m'ënä'ämën tëë jya'ajta'ay naaxwiinyëtë apëtsëmy.

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Daniel 2:31

Ja Wintsën tëë twinkuma'ay tu'uk yë mëjpotsy mëti'ipë atë'kxpën ets nëkooyë yaj'ijxnë atsë'ëk ajawë.

Daniel 4:19

Ënet ja Daniel, tmëmay tmëtajy jeky, natsë'k naja'awëp wäänjaty jä'ä ko kanaak ja wyinma'any jap nyäxy tyëkë kyëpajkjoty. E ëjts yajkutujkpë ënätës t'ënëmaay ja Daniel, këtii nëkooyë xymyëmay xymyëtajy yë nkuma'ayës ets këtii xymyëmay xymyëtajy wi'ix nyiwija'anyën. Ets ja Beltsasar y'ëtsooy: Mon tuk ja yajpaaty ja yajkutujkpë ja myëtsip ma kyëta'aka'anyën ya'atë ëyo'on mëti'ipë yë yajkutujkpë të twinkuma'ayën.