Daniel 2:29 - Biblia Dc en Mixe de Quetzaltepec

²⁹ Jam ënety ja yajkutujkpë myä'äy wyiitykyijxy myaapäjnkëjxy; yë'ë ënety myëmääpy myëtäjpy wi'ix ja xëëw jëmëjt myiny wyinkony, e mëti'ipë nyikäjpxypën ja mëti'ipë yu'utsy ijtpën tëë tyuknijawëty.

Biblia Mixe de Quetzaltepec

²⁹ Jam ënäty ja yajkutujkpë myä'äy wyiitykyijxy myaapäjnkëjxy; yë'ë ënäty myëmääpy myëtäjpy wi'ix ja xëëw jëmëjt myiny wyinkony, e mëti'ipë nyikäjpxypën ja mëti'ipë yu'utsy ijtpën tëë tyuknijawëty.

Daniel 2:29 ပူးပေါင်းရင်းမြစ်များ

Génesis 41:25

Ënet yë José ojts yë yajkutujkpë t'ëtsoy: Yë mäjtskpë mëti'ipë të xywyinkuma'ayën, tu'uk mëti'ipë nyikäjpxypën. Dios mijts të mtuk'ixyë mëti'ipë tyunäämpyën tääts xynyijawëty.

Ezequiel 38:10

Ëjts, Wintsën, ëjts ënaanp: Jä'ä xëëw jä'ä jëmëjt nëjkx ëxëëk winma'any mjotëkëty.

Daniel 2:22

Yë'ë yaj'ijxëp ets yë'ë yajnikëxë'kpy ja jot winma'any tsipë ets yu'utsypë; nyija'ap mëti'ipë akootstuuy yajpatpën, jä'ä ko yë'ë myëët'ajtyp yë jajën të'kxën.

Daniel 2:23

Mijts Dios, mëti'ipë Tyiosajtën yë nteety n'apës, tyam nkukajpxë nja'awëkyëtä'äky ets tyam ntukxoontä'äky, jä'ä ko mijts tëëjës xyajwijtyä'äky ets tëëjës xymyo'oy yë wijyajtën; e mijts tëëjës ënät xytyuknijawë mëti'ipë të n'amëtowtën: Tëës xytyuknijawëtë mëti'ipë ënety ja yajkutujkpë myëmääpy myëtäjpyën.

Daniel 2:28

Tu'uk jää je'eyë Dios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënety jam myä'äy.

Daniel 2:45

Yë'ë yë yajkutujkpë të twin'ixy ko të t'ixy tu'uk ja mëjtsaa të kyutëkë ma ja kopkën ets ka'ap pën të kyutijnaxyë; ja tsaa mëti'ipë ojts tyaj'awinpijta'ayën naaxwayën ja poop pujxn, pu'ts pujxn, tsuxkpujxn, juunpujxn ets ja mo'onts. Yë mëjpë Dios tëë tuknijawë yë yajkutujkpë mëti'ipë tunan jatanëpën. Yë kuma'ay tëy yë'ë ets wi'ix nyiwijyën nän mëtëy yë'ë.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.