Daniel 2:28 - Biblia Dc en Mixe de Quetzaltepec

²⁸ Tu'uk jää je'eyë Dios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënety jam myä'äy.

Biblia Mixe de Quetzaltepec

²⁸ Tu'uk jää je'eyë Tios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënäty jam myä'äy.

Daniel 2:28 ပူးပေါင်းရင်းမြစ်များ

Génesis 40:8

Ya'atë tsu'umës të nwinkuma'atë ets ka'ap pën mëti'ipë mëpaat tyajniwijyën, jëtu'un y'ëtsoowtë. ¿Tii këtii yë'ëjëtyë Dios mëti'ipë xytyukyajniwijëmën winë? Jëtu'un ojts yë José y'ënä'äny: Tukmëmëtyaktëkës mëti'ipë të xykyuma'atën.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.

Daniel 10:14

E paatyës të nminy ets ntukmëmëtya'aka'any tii tunan jatanëpën ma mnaax mkajpnën, yë kuma'ay mëti'ipë të xy'ixyën yë'ë nyikäjpxyp mëti'ipë tunan jatanëpën ma mnaax mkajpnën.

Daniel 2:22

Yë'ë yaj'ijxëp ets yë'ë yajnikëxë'kpy ja jot winma'any tsipë ets yu'utsypë; nyija'ap mëti'ipë akootstuuy yajpatpën, jä'ä ko yë'ë myëët'ajtyp yë jajën të'kxën.

Génesis 49:1

Ënet yë Jacob tmëkajpxtaay yë y'u'unk y'ëna'k ets t'ënëmaay: Winkuwa'këtëkës winkon, tyam ntukmëmëtya'aka'antë tii nëjkx tyunyë jyätyën ma tääpë xëëw jëmëjt myiny wyinkonyën.

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Génesis 41:16

Ëjts ka'apës tääpë xypyääty nkajpxwa'atsëtyës yë mkuma'ay, jëtu'un y'ëtsooy yë José. E Dios yë'ë yakäämpy yë kajpxwinpijtën mëti'ipë mijts mtuk'oy'atëpën.

2 Pedro 3:3

Kopkpëky ko xynyijawëtëty, ma ënety ja naaxwiinyëtë kyëxanën, jää'atantëp ja ja'ayëty mëti'ipë ja Dios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

Mateo 6:9

Jëtu'un ja Dios xymyëkajpxtëty: Tatë Dios tsajpjotmëpë m'ityën, wintsë'ëkë ja mxëëw y'itëty.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Daniel 4:5

Ets tëkok ojts jyäty kyëpety, koots, ko'knääpyës ënety koos ojts nwinkuma'ay, nëkooyës ojts ntsë'kënë. Jä'ä ko atsë'ëk ajawës ojts nwinkuma'ay.

Daniel 2:18

ets t'amëtow tpëjktsowtëty ja Wintsën ets myo'ojëtëty ja wijyajtën, këtiipë yaj'ookëtëty ja yajkutujkpë mëët ja wijyjyä'äytyëjkëty mëti'ipë Babilonyë ja'ayëtyën.

Salmos 115:3

Yë Dios jam yajpaaty tsajpjotm; yë'ë winë të tyajkojy të tpëjktä'äky ijxtëm yë'ë të tsojkën'atyën.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Jeremias 30:24

Yë Wintsën yë tsyip y'äkë ka'ap jëtu'unyë xyeemy koonëm tukmay ja jyot wyinma'any täänëm ja ëyo'on tyajnaxy. Pyaatëp ja xëëw jëmëjt jëna'a jëtu'unpë xyjyä'äkyukëtëtyën.

Deuteronomio 31:19

E paaty yam mijts ntuk'ëne'emy ets xyjyääypyätëty ya'atë ëy ets xytyukni''ixëty yë Israel ja'ayëty, wä'än t'ëwtë ets nëjkx yë'ë yajtukja'amyetsy, ko tëëjës ntukjoot'anpëktë.

Deuteronomio 4:30

Ma ënety miits xymyënax xyajnaxtën ja ëyo'on jotmay ets ja monyëtukyë ets mjootwinpitëty jatëkok xymyëmëtowtëty ja mWintsën Tiosëty.

2 Timoteo 3:1

Timoteo, mnijawëp näjyëtu'un ko tpatnëty ja tiempo ma ja Wintsën Jesukristë myina'anyën, tsip jää nëjkx y'ijnë ja xëëw jëmëjt.

Ezequiel 38:8

Pyatäämpy ja xëëw jëmëjt ets nëjkx myajtuk'ëne'emy ma ja naax kajpn xynyitëkëtyën mëti'ipë jeky të tsyiptunyën, mëti'ipë tëë jyotkujkën; ja kajpn mëti'ipë wiink naax wiink kajpn yajpatpën najtswop najtskäpë ets ojts yaj'ëxwoptë xëmëkyëjxm, je'eyëp ko tëë jatëkok wyimpitë ma ja Israel ja it naaxwiinyëtë tmëët'atyën. Yë'ëjëty tëë ye'eymyujkta'atë jatëkok oy jeky muum wiink naax wiink kajpn të yajpaatë ets yë'ëjëty jotkujk jatëkok nyäyjyawëtë.

Jeremias 48:47

Je'eyëp ko nëjkxëpës ok jatëkok nyaj'oyë yë mjuukyajtën, mijts Moab; ëjts Wintsën, ëjts ënaanp. Ya'atë ëyo'on jotmay, yë'ë ojts yajtuk'ëwaanëtë yë Moab ja'ayëty.

Apocalipsis 1:1

Ya'atë ja Dios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Génesis 41:25

Ënet yë José ojts yë yajkutujkpë t'ëtsoy: Yë mäjtskpë mëti'ipë të xywyinkuma'ayën, tu'uk mëti'ipë nyikäjpxypën. Dios mijts të mtuk'ixyë mëti'ipë tyunäämpyën tääts xynyijawëty.

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

Ezequiel 28:3

¿Wä'än jëtää ni'ik m'ixpëkyëtyë këtiinëm yë Danielë? ¿Wä'än jëtää xynyija'awëtyä'äy winë mëti'ipë yu'utsy ijtpënë?

Daniel 1:20

Ma ja jotmayën ets ja winma'any ma tsyokyën ja këpetyajtën ets ja ixpëkyajtën, yë yajkutujkpë xëmë ojts yajtëwëtë ets t'ijxy ko tääpë ja ëna'këty majknipät ijty kyëpety'ajnëtë këtiinëm ja wijyjyä'äytyëjkëty ets ja najtsja'apëtëjkëty mëti'ipë jam tuuntëpën ma ja yajkutujkpën.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 2:45

Yë'ë yë yajkutujkpë të twin'ixy ko të t'ixy tu'uk ja mëjtsaa të kyutëkë ma ja kopkën ets ka'ap pën të kyutijnaxyë; ja tsaa mëti'ipë ojts tyaj'awinpijta'ayën naaxwayën ja poop pujxn, pu'ts pujxn, tsuxkpujxn, juunpujxn ets ja mo'onts. Yë mëjpë Dios tëë tuknijawë yë yajkutujkpë mëti'ipë tunan jatanëpën. Yë kuma'ay tëy yë'ë ets wi'ix nyiwijyën nän mëtëy yë'ë.