Daniel 2:26 - Biblia Dc en Mixe de Quetzaltepec

²⁶ Ënet ja yajkutujkpë t'ënëmaay ja Daniel, mëti'ipë ënety tyijtëpën Beltsasar: ¿Mjanty yajniwijëp yë nkëma'ayësë mëti'ipës të nwinkëma'ayënë?

Biblia Mixe de Quetzaltepec

²⁶ Ënät ja yajkutujkpë t'ënëmaay ja Daniel, mëti'ipë ënäty tyijtëpën Beltsasar: ¿Mjanty yajniwijëp yë nkëma'ayësë mëti'ipës të nwinkëma'ayënë?

Daniel 2:26 ပူးပေါင်းရင်းမြစ်များ

Génesis 41:15

Tääts ja yajkutujkpë y'ënëmaayë: Tëës tyam nwinkuma'ay ets ka'ap pën, pën mëpaat tkajpxwa'atsyën, tëëjës nijawë ko mijts mkajpxwatsyp yë kuma'ay.

Daniel 1:7

e ojts yajwëëwkuwitstë jä'ä ojts yajxëëwpätëtë ja mëti'ipë jam tuunpën ma ja kutujkëntaknën: Ets ja Daniel jä'ä ojts xyëëwpety Betsalsar; ja Ananías jä'ä ojts xyëëwpety Sadrac; ja Misael jä'ä ojts xyëëwpety Mesac ets ja Azarías, jä'ä ojts xyëëwpety Abed-negó.

Daniel 4:8

Ok yë Daniel myiiny, mëti'ipë näjyëtu'un yajtijpën Beltsasar jä'ä ko jëtu'unës yë ntios txëëwaty, yë Daniel jëtu'un yë jyuuky'äty ijxtëm yë tios tsokyën mëti'ipë wa'ats ijtpën, e tëëtsës ja nkuma'ay ntukmëmëtyä'äky:

Daniel 5:12

yë Daniel mëti'ipë yë mteety tyijën Belsasar, myëët'ajtyp ijty winma'any mëjwiin këjää ets nëkooyë wyij'ajnë, y'ijxpëky'ajnë ets nyija'ap wi'ix tyajniwijëtyën yë kuma'ay, nyija'ap wi'ix tkapxtë'kxëtën mëti'ipë tsipën ets yu'utsy ijtpën, oy yë'ëjëty amay jotmay këjääjëtypë. Yë'ë mëkajpx wä'än tminy ets mtuknijawëtëty wi'ix nyiwijyën tääpë këxja'ay y'ityën potsywyiiny.

Daniel 5:16

E tëëtsës nmëtoy'äty, ko mijts mkajpxtë'kxyp winma'any mëti'ipë tsipën. Pën mijts maayëp xykyajpxëty xiipë këxja'ay y'ityën ets pën xytyuk'ëwa'anëtëpës wi'ix nyiwijyën, myajtukxoxëp yë tsapts yëk wit ets myajtukyo'ktëyëp yë pu'ts pujxn yo'kjän ets nëjkxëp myajtuknipëky ets mijts m'ënä'ämëty ma ja ënä'ämtäknën mëtëkëëkpë nyäxymyëtyën.

Daniel 7:1

Tëkok ojts yë Daniel wyinkuma'ay, koots ënety, mëët tu'kjëmëjt ënety kyëjääjë yë Belsasar yajkutuky jam Babilonyë. Ko myä'äypyëti'ky, ënät tkujaaytyääy tiijaty ënety të twinkuma'ayën. Jëtu'un tjaaypyejty:

1 Samuel 17:33

Jëtu'un ja ijty, je'eyëp ko ka'ap tjëkyepy atu'uk xywyinkuwa'akëty tääpë filistejë ja'ay, jëtu'un y'ëtsooy yë Saúl, ix mijts ëmuumnën mutskëty, e yë'ë tsiptuunk të tukjuuky'äty.