Daniel 2:20 - Biblia Dc en Mixe de Quetzaltepec

²⁰ Mëët ya'atë aaw ayuk: Kënu'kxy yë xyëëw nyaaxëty xëmë yë Wintsën, jä'ä ko yë wyijy'ajtën ets kyutujkën yë'ë jyä'ä'ajtyp.

Biblia Mixe de Quetzaltepec

²⁰ Mëët ya'atë aaw ayuk: Kënu'kxy yë xyëëw nyaaxëty xëmë yë Wintsën, jä'ä ko yë wyijy'ajtën ets kyutujkën yë'ë jyä'ä'ajtyp.

Daniel 2:20 ပူးပေါင်းရင်းမြစ်များ

Génesis 14:20

Tukxoontä'äky xëmë y'itëty yë Dios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënet yë Abram ojts majk tpupëky mëti'ipë ënety myëët'ajtypyën.

1 Reyes 8:56

Kënu'kxy mëjjawë ja Wintsën y'itëty mëti'ipë ja Israel kajpn të tmo'oyën ja jotkujk'ajtën, jëtu'un tä ënety të tnikäjpxyën. Yë'ë tëë tuunta'ay tä ojts ja Moisés tukkajpxpëtsëmyën, mëti'ipë yë'ë tyuunpëajtën.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

2 Crónicas 20:21

Ko ja naax kajpn tukmëmëtyaktaay ja aaw ayuk, ënät tnikajpxpejty ja ja'ay mëti'ipë ëwtëpën mëët wyitëty tyujkxyëty kënu'kxypyë ets yë'ë jëyëjp nëjkxtëp, twinye'eytyëty ja ja'ay mëti'ipë nëjkxtëpën tsiptuunpë ma ja mëtsip yajwinkuwa'akëja'anyën ets y'ëwtëty: Kukajpxëtë ja'awëkyëta'aktë ja Wintsën xëmë, jä'ä ko ja tsyojkën jya'awën ijtëëp yë xëmë.

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

Job 12:13

Je'eyëp ko Dios ni'ik yë wyijyëty ets maaytyääyëp winë; yë'ë winë tyuknipëjktakëp ets tuny.

Salmos 113:1

Tukxoontä'äky mëjjawë Dios yë xyëëw nyaxëty. Tu'kë'ëyë jënu'un yë Wintsën tmëtuntën, mëjpëjkta'aktë Dios yë xyëëw.

Salmos 113:2

Kënu'kxy yë Wintsën yë xyëëw y'itëty tyam ets xëmëkyëjxm.

Salmos 115:18

E ëëtsajtëm yë'ë nmëjpëjkta'aka'anëmë, tyam ets xëmëkyëjxm. Tukxoontä'äky mëjjawë Dios yë xyëëw nyaxëty.

Salmos 147:5

Mëj yë nTios'ajtëm ets näjyëtu'un yë myëk'ajtën; tsip yë wyij'ajt kyujk'ajtën nnija'awëmëty mapaat jyëjpkëxyën.

Salmos 41:13

Kënu'kxy yë Wintsën y'itëty mëti'ipë yë Israel y'ëwtajtypyën tyam ets xëmëkyëjxm. Jëtu'un'atëp.

Salmos 50:23

Pën tii kyukajpxëpën, ëjts xyajmëjnajxp, nyajnitsokpyës yë ja'ay mëti'ipë juukyajtpën mëtëy.

Salmos 62:11

Ka'apës tyëkokpajkëty je'eyë të nmëtoy, ko yë Dios y'ënä'äny: Yë mëk'ajt oyajtën ets tsojkën ja'awën yë'ë jyä'ä'ajtääpy, yë'ë nitu'ukjaty kyumaaytyääpy wi'ixjaty pën të tyuny të kyäjpxyën.

Proverbios 8:14

Ma ëjtsën yam yajpaaty yë winma'any ko tii yajtuknipëjktaakë ets oy wyimpëtsëmy jyëjpëtsëmy, ëjts wijy'ajtën'ajtp, ëjts mëjaaw'ajtp.

Jeremias 32:19

Mëj këjää winë xynyimay xynyitajë ets ko tii xytyuny mëët yë mëk'ajtën ets kuttujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Ezequiel 28:3

¿Wä'än jëtää ni'ik m'ixpëkyëtyë këtiinëm yë Danielë? ¿Wä'än jëtää xynyija'awëtyä'äy winë mëti'ipë yu'utsy ijtpënë?

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Apocalipsis 5:12

ets y'ëna'antë mëk: Yë'ë paat'ajtëp t'ëxajëty ja mëk'ajtën, ja jotkujk'ajtën, ja wijyajtën kejyajtën, ja mëjaaw, ja wintsë'kën, ja mëj'ajtën jaanty'ajtën ets ja mëjja'awën jaanty ja'awën.