Daniel 11:6 - Biblia Dc en Mixe de Quetzaltepec

⁶ Ko ënety ja xëëw jëmëjt të nyäxy kanaak ënät nëjkx tuntë tu'uk ja käjpxytyu'unën: Yë yajkutujkpë ëpa'tkë'ëytsyowpë nëjkxëp ja nyëëx tyajpëky mëët ja myaank ja yajkutujkpë anëkëjxytsyowpë ets jyää'atëty ja jotkujk'ajtën. Je'eyëp ko ka'ap nëjkx jëtu'un jyäty tä ënety të tjanipëjktaakëtën, jä'ä ko ja to'oxytyëjk ets ja naaxwiinyëtë ja'ay ja yajkutujkpë ja y'ëna'këty mëti'ipë ënety të pyëktën ets ja tyuunpëtëjkëty nëjkxëp ja ja'ay yaj'ookëtë.

Biblia Mixe de Quetzaltepec

⁶ Ko ënäty ja xëëw jëmëjt të nyäxy kanaak ënät nëjkx tuntë tu'uk ja käjpxytyu'unën: Yë yajkutujkpë ëpa'tkë'ëytsyowpë nëjkxëp ja nyëëx tyajpëky mëët ja myaank ja yajkutujkpë anëkëjxytsyowpë ets jyää'atëty ja jotkujk'ajtën. Je'eyëp ko ka'ap nëjkx jëtu'un jyäty tä ënäty të tjanipëjktaakëtën, jä'ä ko ja to'oxytyëjk ets ja naaxwiinyëtë ja'ay ja yajkutujkpë ja y'ëna'këty mëti'ipë ënäty të pyëktën ets ja tyuunpëtëjkëty nëjkxëp ja ja'ay yaj'ookëtë.

Daniel 11:6 ပူးပေါင်းရင်းမြစ်များ

Job 38:15

ma ëxëëkja'aytyëjk ka'ap yajkutë'kxyën ets kyixy nyäxy ma je'eyë y'ëtsu'uxya'axtën.

Salmos 10:5

Xëmë nyänyikäjpxyë winë oy wyimpëtsë'ëmxëty mëti'ipë tyuunpyën. Mëët yë'ë jëkäm yajpaaty ja mnipaye'eyën, jëkäm yajxon, ka'ap t'ixy. Je'eyë nëxi'iky tukxi'iky ja myëtsip,

Ezequiel 30:21

Ëjts yë yajkutujkpë kyë'ë të ntëjë, mëti'ipë jap Egiptë yajkutujkpën ets ka'ap ni pën të yajtsooypyetyë ets ja tsyëtyut të pyijt të myojtsxëty ets jeexyë nyiwijy ets jatëkok ja tyiypyujxn t'ajëpipëty.

Daniel 11:13

Ja yajkutujkpë mëti'ipë anëkëjxytsyowën nëjkxëp jatëkok twoowmuky ja tsyiptuunpëtëjk jaakwäänë nimay ets tëë ënety nyäxy tu'kjëmëjt mäjtsk jëmëjtën ko nëjkx tuknipëjktaakë jatëkok tnitëkëja'any ja yajkutujkpë ëpa'tkë'ëytsyowpë ets jaakwäänë mëk nëjkx tukja'ajnëtë.

Daniel 11:15

Ja yajkutujkpë anëkëjxytsyowpë nëjkxëp ja naax kajpn tyajnatuky ets nëjkx t'oytyuny ja wa'kpäjn ma ja kajpn pa'ajën ets tjëkyäpëty wi'ix tyëkëtëtyën jap kajpnjoty ets nëjkxëp tmëmëtä'äky. Oy ënety jap kajpnjoty jyajap'atë ja oyëtypë ja tsiptuunpëtëjk ka'ap nëjkx myäyëtë tkuwa'antëty ja nyaax kyajpn.

Daniel 11:40

Ko ënety tpaaty ja xëëw jëmëjt ma ja jëtu'unpë kyukëxëja'anyën, ja yajkutujkpë ëpa'tkë'ëytsyowpë jää nëjkx tnipëtë'ëky ja yajkutujkpë anëkëjxytsyowpë; je'eyëp ko yë'ë ënätyë näjyëtu'un jyëjpkuwa'akëja'anyë ets tyukja'ta'anyë jëtu'un tä myëkpojyën ets ëxëëk tuna'any ja ëpa'tkë'ëytsyowpë, jëtu'un tukja'ta'any mëët ja pyujxnwintëkäämpë ets ja tsyiptuunpëtëjk tä nëëkomën.

Daniel 11:7

E tu'uk nëjkx pyëtsimy yë jyiiky myëku'uk, mëti'ipë yajkutujkpën ëpa'tkë'ëytsyow, yë'ëts nëjkx nitëkë ja yajkutujkpë mëti'ipë anëkëjxytsyowën ets nëjkx tjä'äniwa'any ja kutujkëntakn, ja tsyiptuunpëtëjkëty jä'ä nëjkx tkëwent'atë ja naax kajpn.

Zacarías 11:16

Jä'ä ko npëjkta'akäämpyës tu'uk yë kupixyny këwent'ajtpë mëti'ipë nëjkx tyaj'aye'ewya'kxta'ayën yë kupixyny, ka'ap nëjkx oykyëwent'aty. Mëti'ipë ënety tëkoopyën ka'ap t'ixta'aja'any ets mëti'ipë ënety të tsyëtyutyën ka'ap tyajtsooypyäta'any, ets ka'ap tyajë'kxa'any mëti'ipë ënety ja yuu'o'këpën, ni'ikyë nëjkx tyaj'ooky ja ni'kxatypë ets nëjkx tsyu'utsy kyäy, yë'ëpaat nëjkx ja kupixyny ja tyekyxyooky tsu'tsënë.