Daniel 11:34 - Biblia Dc en Mixe de Quetzaltepec

³⁴ Ko ënety tpaaty ja xëëw jëmëjt jëna'a yaj'ixjëtit yajpajëtitëtyën, nëjkxëp wäänë yajputëkëtë, oy nëjkx may ja ja'ay jyapuwa'akëtë je'eyëp ko ka'ap wyinë aaw wyinë jotëty.

Biblia Mixe de Quetzaltepec

³⁴ Ko ënäty tpaaty ja xëëw jëmëjt jëna'a yaj'ixjëtit yajpajëtitëtyën, nëjkxëp wäänë yajputëkëtë, oy nëjkx may ja ja'ay jyapuwa'akëtë je'eyëp ko ka'ap wyinë aaw wyinë jotëty.

Daniel 11:34 ပူးပေါင်းရင်းမြစ်များ

Daniel 11:21

Ma yë'ëjën yë'ë nëjkx jam yajkutuky ja'ay mëti'ipë ëxëëk ja'ay y'ixyën, mëti'ipë ka'ap jyapaatë'atyën jeexyë yajkutuky, yu'utsy nëjkx tmëët'aty ja jyot wyinma'any ets mëët ja win'ë'ënën antakën nëjkx tpaaty yajkutujktakn.

Daniel 11:32

Yë yajkutujkpë yajjotukäämpy ja ja'ayëty mëët ja oy aaw oy ayuk mëti'ipë ka'ap tmëjpëjkta'aktën ja käjpxytyu'unën, je'eyëp ko ja Dios ja nyaax kyajpn ka'ap nëjkx nyäkyë'ëyäkyë ma ënety të jyayajtsuu'ixa'antën.

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Gálatas 2:4

E jam ja ja'ayëty ënety jënaakën mëti'ipë nätyijëtëpën ko myëpëktë, jä'ä ënety të tyëkëtë ayu'utsy ma ëëtsëtyën ets t'ixa'antë wi'ix tii yajtunyën ko nyajpatëmë ëwaatsëtum ma ja Kristë yajmëpëkyën; yë'ë tsyojktëp ets atsip ëëts npatuntëty jatëkok ja Moisés ja y'ënä'ämën.

2 Timoteo 4:3

Jä'ä ko pyatäämpy ja xëëw po'o ko ja ja'ay ka'ap tmëmëta'aka'antëty ja oypyë ijxpëjkën, kyë'ëm tsojkën yajtuna'antëp ets t'ixta'aja'antë kanaakjëjp ja yaj'ixpëjkpëtëjk ets tyuk'ijxpëkëtëty mëti'ipë yë'ë tsyojktëpën.

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

1 Juan 4:5

Yë'ëjëty naaxwiinypë myëpëjktëp; paaty jëtu'un y'ëwtë kyajpxtë, ets mëti'ipë näjyëtu'un ijtëpën naaxwiiny oy tja'akyyukëtë.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.

Apocalipsis 12:13

Ko ja mëj tsa'any t'ijxy ko tëë yajkujëpijpnaxy naaxwiiny, ënät tpajëtijtäky ja to'oxytyëjk mëti'ipë ënety ja y'u'unk të tpaatyën.

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.