Daniel 11:32 - Biblia Dc en Mixe de Quetzaltepec

³² Yë yajkutujkpë yajjotukäämpy ja ja'ayëty mëët ja oy aaw oy ayuk mëti'ipë ka'ap tmëjpëjkta'aktën ja käjpxytyu'unën, je'eyëp ko ja Dios ja nyaax kyajpn ka'ap nëjkx nyäkyë'ëyäkyë ma ënety të jyayajtsuu'ixa'antën.

Biblia Mixe de Quetzaltepec

³² Yë yajkutujkpë yajjotukäämpy ja ja'ayëty mëët ja oy aaw oy ayuk mëti'ipë ka'ap tmëjpëjkta'aktën ja käjpxytyu'unën, je'eyëp ko ja Tios ja nyaax kyajpn ka'ap nëjkx nyäkyë'ëyäkyë ma ënäty të jyayajtsuu'ixa'antën.

Daniel 11:32 ပူးပေါင်းရင်းမြစ်များ

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Nehemías 4:14

Koos n'ijxy ko tsë'këtyëp, ënätës n'ënëmaay ja yu'kya'kpëtëjkëty, ja yajkutujkpëtëjk ets ja mayjyä'äyëty: Këtii xytsyë'ëkëtëty. Ja'amyätstë ko Wintsën mëj ni'ik ets kutsë'ëkë, nitsiptuntë mjëëky mëku'ukëty, m'u'unkëty m'ëna'këty ets mkujëën mkutëjkëty.

Salmos 9:10

Wintsën, yë ja'ay mëti'ipë m'ixy'ajtëpën mijts mtuk'ijxpäjtëp, jä'ä ko mijts nijëna'a xykya'ëxmatsy mëti'ipë m'ixtaayëpën.

Proverbios 19:5

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty. Mëti'ipë ja'ay je'eyë antakpën, ka'ap muum oy pyëtsëmëty.

Proverbios 26:28

Yë ja'ay mëti'ipë antakpën ëxëëk t'ixy mëti'ipë tëyajtën mëtyakpën, mëti'ipë ja'ay je'eyë tyäty kyu'aawën yajjo'ptääpy winë je'eyë.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënety wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Daniel 11:21

Ma yë'ëjën yë'ë nëjkx jam yajkutuky ja'ay mëti'ipë ëxëëk ja'ay y'ixyën, mëti'ipë ka'ap jyapaatë'atyën jeexyë yajkutuky, yu'utsy nëjkx tmëët'aty ja jyot wyinma'any ets mëët ja win'ë'ënën antakën nëjkx tpaaty yajkutujktakn.

Daniel 11:34

Ko ënety tpaaty ja xëëw jëmëjt jëna'a yaj'ixjëtit yajpajëtitëtyën, nëjkxëp wäänë yajputëkëtë, oy nëjkx may ja ja'ay jyapuwa'akëtë je'eyëp ko ka'ap wyinë aaw wyinë jotëty.

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

Malaquías 4:2

E miitsëty mëti'ipës xywyintsë'këtyëpën, mëti'ipë winë oy nyipaye'eytyëpën, yë mpaye'eyënës mëtëypyë jëtu'un nëjkx tyi'kxy jyäjy xëëwën, mëti'ipë yajtsokp yaj'akëtakpën. Ets nëjkx mnëpëkax mtsajpëkaxtë jëtu'un tä tsajpkaa u'unkën jam ma y'ijtaknën mëët ko ënety mxoonta'aktën.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Apocalipsis 6:11

Ënet yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.