Daniel 11:29 - Biblia Dc en Mixe de Quetzaltepec

²⁹ Ko ënety tpaaty ja xëëw jëmëjt ma të tuknipëjktaakën, ënät nëjkx jatëkok tkexy ja tsyiptuunpëtëjk ëpa'tkë'ëytsyow; je'eyëp ko yë'ë ka'ap nëjkx y'ëkmëtaknë tä ënety të myëtä'äkyën mëjëyëjp.

Biblia Mixe de Quetzaltepec

²⁹ Ko ënäty tpaaty ja xëëw jëmëjt ma të tuknipëjktaakën, ënät nëjkx jatëkok tkexy ja tsyiptuunpëtëjk ëpa'tkë'ëytsyow; je'eyëp ko yë'ë ka'ap nëjkx y'ëkmëtaknë tä ënäty të myëtä'äkyën mëjëyëjp.

Daniel 11:29 ပူးပေါင်းရင်းမြစ်များ

Isaías 14:31

Jë'ëtë ya'axtë miitsëty filistejë ja'ayëty, më''ëna'antë yë mpëjk m'ato'onënëty, tsëtyuytyë mëët mëktsë'ëkë, jä'ä ko tam anëkëjxmtsow ja mmëtsip mniminyë tä yoots nëma'ajën, tä naaxwayën mëti'ipë myajkutëkoyanëpën ets ni pën kyajëjpkuwa'akëja'anyë.

Daniel 10:1

Ma ënety mëtëkëëk jëmëjt yajkutukyën yë Ciro, mëti'ipë Persë ja'ayën; yë Daniel, mëti'ipë näjyëtu'un yajtijpën Beltsasar, ojts yajtuknijawë mëti'ipë mëtëyën, je'eyëp ko tsip ets yajja'akyukëty. E Daniel ojts yajxon tmëmay tmëtajy ets tja'akyukë wi'ix nyiwijyën.

Daniel 11:23

Wyin'ëënäämpy mëti'ipë ënety mëët ja käjpxytyu'unën të tunyën, oy ënety nyiwäänëty ja jyä'äy yë'ë mëta'akaanp ja je'eyëm.

Daniel 11:25

Mëët ko ënety tmëët'aty ja kuttujkën ets ja mëk'ajtën, ënät nëjkx tuknipëjktaakë tnitëkëja'any ja yajkutujkpë ëpa'tkë'ëytsyowpë mëët ja mayjyä'äy tsiptuunpëtëjkëty. Ja yajkutujkpë ëpa'tkë'ëytsyowpë näjyëtu'un nëjkx y'ëtsoowinpity amëk jotmëk ko oy tsyiptuntëty ets nëjkx näjyëtu'un tuknipëjktaakë ets may ja tsyiptuunpëtëjk tyajmukëty; je'eyëp ko nëjkxëp yajwin'ëëny ets ka'ap nëjkx y'ëkyajmëtakënë ja myëtsip.

Daniel 11:28

Ja yajkutujkpë anëkëjxytsyowpë nëjkxëp jatëkok wyimpity ma ja nyaax kyajpnën ets tmënëjkxta'aja'any mëti'ipë ënety të tpaatyën ma tnitëkën ja naax kajpn ets mëtsip y'awinpita'any ma ja käjpxytyu'unënën wa'atspë; nëjkxëp ja wyinma'any tukpëtsëmy ets nëjkx jatëkok wyimpijtkojnë ma nyaax kyajpnën.

Daniel 11:30

Yë tsyiptuunpëtëjk yë'ë nëjkx wyinkuwa'akëty yë ja'ayëty mëti'ipë tso'ontëpën maatsow yë xëëw kyëtä'äkyën, kepytyëjk nëëwinye'epyëjoty nëjkx nyiminyë ets mëët yë tsë'ëkë nëjkx tyäty kyä'äktë. Ënet nëjkx ja yajkutujkpë anëkëjxytsyowpë tukjoot'anpëky ja käjpxytyu'unën wa'atspë, yë'ë nëjkx tkajpxpäjtën'aty ko ënety ja ja'ayëty të kyamëjwa'kpetyë mëti'ipë myëjpëjktaktëpën ja käjpxytyu'unën.

Daniel 8:19

ets të xy'ënëëmës: Yë'ë yam ntukmëmëtya'akäämpy tii tunan jatanëpën ko ënety ja Wintsën tëë tuknipëjktaakë ko ja tsyip y'äkë tyajnaxa'any, tääpë xywin'ixyën yë'ë nyikäjpxy wi'ix yë juukyajtën kyukëxëja'anyën.

Hechos 17:26

Dios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Gálatas 4:2

Tam ja ja'ay mëti'ipë ijx'ijtëp këwent'ajtëpën koonëm tpaatëty ja xëëw jëmëjt mapaat ja tyeety të tuknipëjktaakën.