Daniel 11:25 - Biblia Dc en Mixe de Quetzaltepec

²⁵ Mëët ko ënety tmëët'aty ja kuttujkën ets ja mëk'ajtën, ënät nëjkx tuknipëjktaakë tnitëkëja'any ja yajkutujkpë ëpa'tkë'ëytsyowpë mëët ja mayjyä'äy tsiptuunpëtëjkëty. Ja yajkutujkpë ëpa'tkë'ëytsyowpë näjyëtu'un nëjkx y'ëtsoowinpity amëk jotmëk ko oy tsyiptuntëty ets nëjkx näjyëtu'un tuknipëjktaakë ets may ja tsyiptuunpëtëjk tyajmukëty; je'eyëp ko nëjkxëp yajwin'ëëny ets ka'ap nëjkx y'ëkyajmëtakënë ja myëtsip.

Biblia Mixe de Quetzaltepec

²⁵ Mëët ko ënäty tmëët'aty ja kutujkën ets ja mëk'ajtën, ënät nëjkx tuknipëjktaakë tnitëkëja'any ja yajkutujkpë ëpa'tkë'ëytsyowpë mëët ja mayjyä'äy tsiptuunpëtëjkëty. Ja yajkutujkpë ëpa'tkë'ëytsyowpë näjyëtu'un nëjkx y'ëtsoowinpity amëk jotmëk ko oy tsyiptuntëty ets nëjkx näjyëtu'un tuknipëjktaakë ets may ja tsyiptuunpëtëjk tyajmukëty; je'eyëp ko nëjkxëp yajwin'ëëny ets ka'ap nëjkx y'ëkyajmëtakënë ja myëtsip.

Daniel 11:25 ပူးပေါင်းရင်းမြစ်များ

Proverbios 15:18

Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.

Daniel 11:10

E yë y'u'unk y'ëna'këty yë yajkutujkpë mëti'ipë anëkëjxytsyowën, yë'ë nëjkx tma'kxtë yë jyä'äy mëti'ipë tsiptuntëpën. Ets tu'uk nëjkx tuknipëjktaakë tnitëkëja'anëty ja yajkutujkpë mëti'ipë ëpa'tkë'ëytsyowën ets nëjkx tyajkutëkoy ja naax kajpn tä jeexyë nëëkom të nyäxyën; ets nëjkxëp jatëkok tnitëkë ja naax kajpn jampaat nëjkx jyä'ty ma ja kutujktaknën jampë yajpaatyën ëpa'tkë'ëmtsow.

Daniel 11:2

E tyam yë'ëjës yam nikajpxäämpy tëyajtënpë: Jaaktunantëp jam Persië tëkëëk yë yajkutujkpë, ok wiinkpë tyëkëja'any yajkutujkpë ja mëmajktaxkpë mëti'ipë nëjkx ni'ik kyumeeny'ätyën këtiinëm jyëtu'un'atë ja mëtëkëëkpë. Ko ënety ja wyit myeeny të yaj'awinpityë mëj'äämpy ets tëë kyëjääjë ja kyutujkën, ënät nëjkx tmëyu'kxëtyä'äy ja naax kajpn ets nëjkx tuknipëjktaakë wi'ix tnitëkëja'any ja Grecië itjot.

Daniel 11:40

Ko ënety tpaaty ja xëëw jëmëjt ma ja jëtu'unpë kyukëxëja'anyën, ja yajkutujkpë ëpa'tkë'ëytsyowpë jää nëjkx tnipëtë'ëky ja yajkutujkpë anëkëjxytsyowpë; je'eyëp ko yë'ë ënätyë näjyëtu'un jyëjpkuwa'akëja'anyë ets tyukja'ta'anyë jëtu'un tä myëkpojyën ets ëxëëk tuna'any ja ëpa'tkë'ëytsyowpë, jëtu'un tukja'ta'any mëët ja pyujxnwintëkäämpë ets ja tsyiptuunpëtëjk tä nëëkomën.

Daniel 11:5

Ja yajkutujkpë mëti'ipë ëpa'tkë'ëytsyowën yë'ë nëjkx mëk yajpaaty, je'eyëp ko nän jam tu'uk yë tyuunpë pyëtsëma'any, mëti'ipë tsiptuunpë wintsënën mëti'ipë nëjkx wäänë mëk yajpaatyën këtiinëm jyëtu'unëty yë'ë ets nëjkx tyajkëjääjë ja y'ënä'ämtakn.