Daniel 11:23 - Biblia Dc en Mixe de Quetzaltepec

²³ Wyin'ëënäämpy mëti'ipë ënety mëët ja käjpxytyu'unën të tunyën, oy ënety nyiwäänëty ja jyä'äy yë'ë mëta'akaanp ja je'eyëm.

Biblia Mixe de Quetzaltepec

²³ Wyin'ëënäämpy mëti'ipë ënäty mëët ja käjpxytyu'unën të tunyën, oy ënäty nyiwäänëty ja jyä'äy yë'ë mëta'akaanp ja je'eyëm.

Daniel 11:23 ပူးပေါင်းရင်းမြစ်များ

Génesis 34:13

E ja Siquem ka'ap ënety ja näywyinkutsë'kën të tmëët'aty ma ja Dina, paaty ja Jacob ja y'u'unk y'ëna'k mëët ja näwyin'ë'ënën t'ëtsoowtë ja Siquem ets ja tyeety Hamor,

Salmos 52:2

Yi'iyë mmëmääpy mmëtäjpy wi'ix winë ëxëëk xytyunëtyën; yë m'aaw myä'än jëtu'un yajtsëtyuty tä tsujknën jëjpëpë.

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Daniel 11:22

Yajkutëkooytya'ajäämpy ja kuttujkën mëti'ipë ënety ëwa'ktujkëpën ets yaj'ookäämpy ja mëti'ipë ja käjpxytyu'unën nyikopk'ajtypyën.

Daniel 11:24

Ma ënety ka'ap yë'ë yajmëmay yajmëtajyën jää nëjkx tnitëkëtyä'äy ja naax kam mëti'ipë jë'kxynyaaxën ets tuna'any ja mëti'ipë ka'ap nijëna'a ja yajkutujkpëtëjk tuntënëm mëti'ipë y'ap'ajtyp y'ok'ajtypyën:

Daniel 8:24

Mëk nëjkx yajpaaty, je'eyëp ka'ap nëjkx kë'ëm myëk'aty; nëjkxëp tyajkutëkoy yë naax kajpn ets nëjkxëp myëtä'äky oymyaajëty. Nëjkxëp tyajtëkoy yë mëti'ipë ënety amëk jotmukën ets may yë Dios yë nyaax kyajpn nëjkx tyajkutëkooyë.

Daniel 8:25

Mëët yë kyëpety winma'any, yë'ë nëjkx tukmëtä'äky antakën. Amëj akëjxm nëjkx nyäjyawëty ets may nëjkx ja'ay tyaj'ooky mëti'ipë ënety jotkujk yajpatëpën, jä'ä ko awin'ë'ënën nëjkx ja'ay tyaj'ooky. Nëjkxëp mëët tsyiptuny mëti'ipë nyikopk'ajtypyën yë yajkutujkpëtëjk, je'eyëp jää ka'ap nëjkx y'ëkmëtaknë.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

2 Tesalonicenses 2:9

Ko ya'atë ëxëëkajtën myinëty, mëjku'u nëjkx pyutëkëty ets mëj nëjkx winë tuny mëët ja mëj'ajtën ets ja ijxpäjtën ka'apë tyiyëtyën.