Daniel 10:16 - Biblia Dc en Mixe de Quetzaltepec

¹⁶ Ajotkumonë të yaj'ixy jëtu'un kyëxë'ëky tä tu'uk ja'ayën mëti'ipës yë n'aaw të xytsyoonë. Ënätës të n'ënëëmë mëti'ipës ënety jam xywyintënääpyën: Wintsën ya'atë kuma'ay nëkooyës nmëmoon nmëtujknë ets jëtu'unës näjyawëty xejykyukëjxëpës yowë.

Biblia Mixe de Quetzaltepec

¹⁶ Ajotkumonë të yaj'ixy jëtu'un kyëxë'ëky tä tu'uk ja'ayën mëti'ipës yë n'aaw të xytsyoonë. Ënätës të n'ënëëmë mëti'ipës ënäty jam xywyintënääpyën: Wintsën ya'atë kuma'ay nëkooyës nmëmoon nmëtujknë ets jëtu'unës näjyawëty xejykyukëjxëpës yowë.

Daniel 10:16 ပူးပေါင်းရင်းမြစ်များ

Éxodo 4:10

Ay Wintsën. Jëtu'un y'ëtsooy ja Moisés. Ëjts nijënu'unës nkatukjaty nkajpxëty ets ko jyëtu'unëty ka'ap tyamnëmëty maas yam mijts jëtu'un xymyëkäjpxyën, ëjts jëtu'unyëmës ka'ap oy n'ëy nkäjpxy, koos ënät ëjts njaakajpxpë, je'eyës nëkoo ntyäty y'awë'ëmë.

Éxodo 4:13

Yë Moisés ni'ikyë y'ënaan'ëtë'ëtsy: Ay Wintsën, yë'ëjës yam n'amëtoopy yë mëyajtën ets wiinkpë xykyäxëty.

Eclesiastés 1:18

Mëti'ipë mëpaat ntijëmën tëy jaanty yë'ë ko ja'ay mëti'ipë ijxpëjkni'ikëpën nän mëk näy'atsipë tyajnaxy; mëti'ipë ja'ay ni'ik tii nyija'awëpën, nän ni'ik y'ëyoy.

Isaías 6:7

etsës të xytyuk'akoonë'ëky, täätsës të xy'ënëëmë: Ëk'ix ya'atë jëënpajk të ntuk'akoonë'ëkyën yë'ë mëti'ipë mpoky të tyajwa'atsyën. Tëë yajnime'kxy ja m'ëëwtëko'oyën mkajpxtëko'oyën ets ja ëxëëkpë tsaatsypë tëë ja m'ëxmatsyë.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay:

Ezequiel 1:26

Jam niwits nijuux nëkëjxy jëtu'unës të n'ixy jam yowë yë po'kxtakn ma yajkutujktaknën, yë'ë mëët y'oytyunyëty yë tsuxk uky tsyaa; e ma tääpë kutujktaknën jam tu'uk yë ja'ay yaj'ixy.

Ezequiel 3:27

E ko ënety tii ayuk ntukmëmëtya'aka'any, tääts jatëkok nyajkajpxë'ëkëty ets nëjkx xy'ënëëmë ja naax kajpn: Jëtu'un yë Wintsën y'ënä'äny. Mëti'ipë ja'akyukëjaanpën, wä'än tja'akyukë, e mëti'ipë ka'ap jyä'äkyukëja'anyën wä'än tkaja'akyukë, jä'ä ko miitsëty jä'ä mkajpn'atë käjpxy kumëtoownajxpë.

Ezequiel 33:22

Tëë ënety ëxë'ëy jopyëp ja wintsën ja kyë'ë tpëjktä'äky maas yë n'aawën; e komjëpom ko tääpë ja'ay myiiny mëti'ipë jam Jerusalén të kyäkpëtsëmyën, ënät ojts ja Wintsën jatëkok xyajkajpxë'ëkyës ets ka'apës ojts në'k'u'umnë.

Daniel 12:8

Tëës njamëtoy ko kyäjpxy je'eyëp ëjts nijënu'unës të nkaja'akyukë. Ënätës të nyajtëy: Wintsën, ¿tiijën tunan jatanëp ko ya'atë jëtu'un kyixy nyäxy?

Daniel 4:19

Ënet ja Daniel, tmëmay tmëtajy jeky, natsë'k naja'awëp wäänjaty jä'ä ko kanaak ja wyinma'any jap nyäxy tyëkë kyëpajkjoty. E ëjts yajkutujkpë ënätës t'ënëmaay ja Daniel, këtii nëkooyë xymyëmay xymyëtajy yë nkuma'ayës ets këtii xymyëmay xymyëtajy wi'ix nyiwija'anyën. Ets ja Beltsasar y'ëtsooy: Mon tuk ja yajpaaty ja yajkutujkpë ja myëtsip ma kyëta'aka'anyën ya'atë ëyo'on mëti'ipë yë yajkutujkpë të twinkuma'ayën.

Daniel 7:15

Ëjts Daniel, jëtu'unës të näjyawëty nxujxta'ay; ets mëkës të nmëmay të nmëtajy mëti'ipës të n'ixyën,

Daniel 7:28

Jëtu'un jyëjpkëxy ja nyimëtyä'äky. E ëjts Daniel, mëkës të nmëmay të nmëtajy, poopëmës je'eyë të njajta'ay; je'eyëp ko tyaapë ni pënës të nkatuknijawë.

Daniel 8:15

E ëjts jä'äs ënety jam nmëmääpy nmëtäjpy wi'ixës jam nwinkuma'ayën ets njaja'aykyukëja'anyës tiitën jyatijäämpy, ko tu'uk të n'ixyës pyëtsimy ja'ayën yaj'ixy ets të wyinkuwa'akës,

Daniel 8:17

Ënätës të xymyëwinkony, e ëjts tëëjës ntsë'ëkë ets nwintä'äky të naaxkoyës, koonëmës yë nwinpok ntukpaaty yë naax, e yë'ë jëtu'unës të xy'ënëëmë: Mijts nääxwiinyëtë ja'ay, yë'ë mnijawëp ko ya'atë xy'ixyën yë'ë nyikäjpxyp wi'ix kyukëxëja'anyën yë xëëw juukyajtën.

Daniel 8:18

Tamës ënety xymyëmëtyä'äky koos të nkëtay etsës jëtu'unyë të njëpijptëy naaxkëjxy; e yë'ë ënätyë të xykyë'ënixajyës, etsës të xywyijtsë'ëky,

Daniel 8:27

Ëjts Daniel, jëtu'unës të näjyawëty xejy tyujkpës yowë ets kanaak xëëwës të nmëko'knë pa'am mëët. Okës të niwijy ets jatëkok të ntuuntëkës ma ja yajkutujkpë ja kyutujktaknën. Je'eyëp mëk nmëmay nmëtajyës ja nkuma'ayës mëti'ipës ënety të nwin'ixyën, jä'ä ko ka'apës ënety oy nwinjawë wi'ixës jyaniwija'anyën.

Daniel 9:21

Tamës ënety nyajnaxy ja nu'kxtakën, ko ja Gabriel të myiny, ja mëti'ipë ënety të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënety tyimpatyp ma yajyaka'anyën ja wintsë'kën jënäkyxyëëwpë.

Lucas 1:64

Näy jää ja Zacarías ojts jatëkok kyajpxpëky ets ja Dios tmëjja'aw tjaantyja'awëy.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Juan 20:28

Ënet ja Tomás y'ëtsooy: Mijts nteety'äjtyp, mijts nTios'ajtyp.

Josue 5:14

Ënet ja ja'ay y'ëtsooy: Ka pënës nkaputëkëja'any. Ëjts Tiosës xykyäjxjëtijtp, yë'ëjës niwintsën'ajty yë kyukäjpxytyëjkëty. Paaty ojts yë Josué ënätyë nyäkyoxtënaaytyä'äkyë ets tyajtëëy: ¿Tii yë Wintsën mtukmëkäjxëyëp maas ëjtsën?

Apocalipsis 1:13

Jamts itkujkm n'ijxyës tyänë ijxtëm ja naaxwiinyëtë ja'ay ja y'u'unkën. Tyeky ix'ampaat ja wyit tyiiykyëtä'äky ets tkatsywyëën'aty tu'uk ja pu'ts pujxn wëën.

Jueces 13:8

Ënet yë Manoa ojts tmëpëjktsoy yë Wintsën ets t'ënëmaay: Wintsën, tyam mijts n'amëtoy npëjktsoy ets xytyunëty yë mëyajtën xykyäxëty jatëkok ja ye'etyëjk ma ëëtsëtyën ets xytyuk'ëwaanëtyës tiijës mëpaat ntuntën mëët ja u'unk maay mëti'ipë mëxu'unk'ataanpën.

Jueces 6:13

Ets ja Gedeón y'ëtsooy: Ëknamä'kx Wintsën, pën mijts myajpatp mëët ëëtsëty ¿wi'ix koos o'ktëy njatë nkëpätë? ¿Maajëtën ja mëj'ajtën të nyëjkxta'ay mëti'ipës ja n'ap n'ok nyikajpxtën ko mijts ojts jap winë xytyuny Egiptë? Yë Wintsën tëëjës xy'ëxmajtsnëtë ets tëëjës xykyë'ëyajknëtë ma Madián ja'ayëtyën.

Jueces 6:15

Ënet ja Gedeón y'ëtsowkojnëpë: Wintsën mëpaat xy'ëknamä'kxëty, oy yam winë nyajtëwa'any. ¿Wi'ixës n'ëknijawëty ko ëjts nyajtso'okäämpy yë Israel ja'ayëty? Ma yë Manasés yë jyä'äyën, ëjts ni'ik yajpatp ëyoopëja'ay ets niwäänë ëëts ntu'kjëën'at ntu'ktëjk'atë ets maas yë njëën ntëjkën ëjts ni'ik timmutsk.