Daniel 10:14 - Biblia Dc en Mixe de Quetzaltepec

¹⁴ E paatyës të nminy ets ntukmëmëtya'aka'any tii tunan jatanëpën ma mnaax mkajpnën, yë kuma'ay mëti'ipë të xy'ixyën yë'ë nyikäjpxyp mëti'ipë tunan jatanëpën ma mnaax mkajpnën.

Biblia Mixe de Quetzaltepec

¹⁴ E paatyës të nminy ets ntukmëmëtya'aka'any tii tunan jatanëpën ma mnaax mkajpnën, yë kuma'ay mëti'ipë të xy'ixyën yë'ë nyikäjpxyp mëti'ipë tunan jatanëpën ma mnaax mkajpnën.

Daniel 10:14 ပူးပေါင်းရင်းမြစ်များ

Daniel 8:26

Ko të xywyin'ixy ja jopy'ajtën ets ja jënäkyxyëëwajtën tëë ja myajtuknijawë tii y'antijpyën ets tëy jaanty yë'ë; je'eyë ko mijts yu'utsy xymyëët'atëty, jä'ä ko yë'ë jää nëjkx y'atëy ko ënety tëë nyäxy ja xëëw jëmëjt kanaak.

Daniel 2:28

Tu'uk jää je'eyë Dios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënety jam myä'äy.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.

Daniel 12:9

Etsës të xy'ëtsoy: Yo'oy yë mtu'u, Daniel, jä'ä ko tyaapë yu'utsy mëpaat y'ity koonëm jyëjpkukëxëty ja nyixëëw nyijëmëjt.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënety ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.

Miqueas 4:1

Ko tpaatëty ja xëëw jëmëjt, jam nëjkx kopkkëjxm tu'ukyë yajpaaty ja Wintsën ja jyëën tyëjk. Ja kopk, mëti'ipë ni'ik këjxmën këtiinëm jyëtu'unëty ja wiinkëtypë kopk. Ets nëjkx jam myiinta'atë wiinkëtypë naax kajpn;

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Deuteronomio 4:30

Ma ënety miits xymyënax xyajnaxtën ja ëyo'on jotmay ets ja monyëtukyë ets mjootwinpitëty jatëkok xymyëmëtowtëty ja mWintsën Tiosëty.

Génesis 49:1

Ënet yë Jacob tmëkajpxtaay yë y'u'unk y'ëna'k ets t'ënëmaay: Winkuwa'këtëkës winkon, tyam ntukmëmëtya'aka'antë tii nëjkx tyunyë jyätyën ma tääpë xëëw jëmëjt myiny wyinkonyën.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

2 Timoteo 3:1

Timoteo, mnijawëp näjyëtu'un ko tpatnëty ja tiempo ma ja Wintsën Jesukristë myina'anyën, tsip jää nëjkx y'ijnë ja xëëw jëmëjt.

Daniel 10:1

Ma ënety mëtëkëëk jëmëjt yajkutukyën yë Ciro, mëti'ipë Persë ja'ayën; yë Daniel, mëti'ipë näjyëtu'un yajtijpën Beltsasar, ojts yajtuknijawë mëti'ipë mëtëyën, je'eyëp ko tsip ets yajja'akyukëty. E Daniel ojts yajxon tmëmay tmëtajy ets tja'akyukë wi'ix nyiwijyën.

Daniel 9:22

Etsës të xy'ënëëmë: Daniel ëjts paatyës të nminy ets ntukwinjawëja'any mëti'ipë të xywyinkuma'ayën.

Deuteronomio 31:21

E ma ënety ja ëyo'on jotmay tyukëtakënëtë ets o'ktëy jyajnëtë kyëpäjnëtë, ya'atë ëy yë'ë nëjkx t'ëwtë ets tyukja'amyätsëtëty ja nyëë pyokyëty, ja y'u'unk y'okëty nëjkxëp ja tja'amyätstë ets nëjkx t'ëwtë. Jä'ä ko ka'anëm ënety jam nyajja'tënëm, ma ja naax kajpnën mëti'ipës të ntukwinwanëtën. Ëjts wa'atsës nijawë maa ja wyinma'any tyaj'itën.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Ezequiel 12:27

Jëtu'un yë Israel ja'ayëty y'ëna'antë ko ja mwinkuma'ay mëti'ipë mnikäjpxypën jä'ä mëti'ipë jäänëm jëna'a atëwaanpën.

Daniel 8:16

etsës të nmëtoy kyäjpxy ja'ayën jap ma Ulai mëjnëëjën, jëtu'un y'ënä'äny: Gabriel tukmëmëtya'ak ya'atë ja'ay wi'ix nyiwijyën yë wyinkuma'ay.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.