Daniel 10:1 - Biblia Dc en Mixe de Quetzaltepec

¹ Ma ënety mëtëkëëk jëmëjt yajkutukyën yë Ciro, mëti'ipë Persë ja'ayën; yë Daniel, mëti'ipë näjyëtu'un yajtijpën Beltsasar, ojts yajtuknijawë mëti'ipë mëtëyën, je'eyëp ko tsip ets yajja'akyukëty. E Daniel ojts yajxon tmëmay tmëtajy ets tja'akyukë wi'ix nyiwijyën.

Biblia Mixe de Quetzaltepec

¹ Ma ënäty mëtëkëëk jëmëjt yajkutukyën yë Ciro, mëti'ipë Persë ja'ayën; yë Daniel, mëti'ipë näjyëtu'un yajtijpën Beltsasar, ojts yajtuknijawë mëti'ipë mëtëyën, je'eyëp ko tsip ets yajja'akyukëty. E Daniel ojts yajxon tmëmay tmëtajy ets tja'akyukë wi'ix nyiwijyën.

Daniel 10:1 ပူးပေါင်းရင်းမြစ်များ

Génesis 41:32

Yë nwintsënës mäjtskpëky të wyinkuma'ay; e tu'ukyë je'eyë mëti'ipë nyikäjpxypën ets wi'ix nyiwijyën, jä'ä ko Dios jëtu'un të tuknipëjktaakë yajxon mëti'ipë tyunäämpyën ets tsojk jëtu'un tuna'any.

2 Crónicas 36:22

Ma ja Ciro yajkutukyën, mëti'ipë jam ënä'ämpën Persië ets y'atëwëty ja Wintsën ja y'aaw y'ayuk mëti'ipë ja Dios mëtuunpë Jeremías ojts tnikäjpxyën, Wintsën kë'ëm tyuktëjkëy ja Ciro ets ja ënä'ämën tpëjkta'akëty maajaty ja naax kajpnën, aawkëjxm ets këxja'ay, mëti'ipë ënaanpën:

Esdras 3:7

Tääts tkë'ëmooytyääytyë ja wit meeny ja pojtspë ets ja tsäjtspë ets tmooytyääytyë ja kyä'äyënëty y'ukënëty ja ja'ayëty mëti'ipë jam kukajpnajtëpën Tirë ets Sidón ets nëjkx jam Líbano ja kepy tyajtsoontë, mejyjoty tmëmintëty ets tmëja'tëty jam Jope, aakyë'ë ajë kepy, mëët ja mëk'ajtën mëti'ipë ënety ja yajkutujkpë të myo'ojëtën, jampë y'ëne'emyën Persië, mëti'ipë txëëwajtpën Ciro.

Esdras 4:3

E ja Zorobabel, ja Josué ets ja mëjja'aytyëjkëty Israel ja'ayëty tyaa y'ëtsoowtë: Ka'ap tjëkyepy ëëts nkojtëty yë Wintsën yë jyëën tyëjk mëët miitsëty. Aak ëëts yë xypyaatë nkojtëty yë tsyajpjëën tsyajptëjk yë Wintsën, mëti'ipë yë Israel ja'ayëty y'ëwtajtëpën, jä'ä ko jëtu'un yë yajkutujkpë Ciro të xy'ënä'ämtës, jampë yajkutukyën Persië.

Esdras 4:5

Ojts tjawin'ëëna'antë ja wintsëntëjkëty mëët ja wit meeny, e ja wintsëntëjkëty ka'ap ojts nyäkyë'ëyakëtë, oy ja kutuunktëjk ojts tyuntë mapaat yajkutujkyën ja Ciro jam Persië ets Darío.

Esdras 6:14

Jëtu'un'äämpy ja jutië ja'ayëty mëti'ipë ja tuunk tyu'uwinye'eytyëpën ojts tyajtu'utëkëtë ja tsajptëjktuunk, jëtu'un y'atëëy ja y'aaw y'ayuk ja Wintsën ja kyäjpxynyajxpë Hageo ets Zacarías, ja y'u'unk y'ëna'k ja Idó. Tääts y'apatëy ja tuunk jëtu'un tä ënety ja Wintsën të tni'ënä'ämën, mëti'ipë y'ëwtajtëpën ja Israel ja'ayëty, mëti'ipë nyi'ënä'ämëtën ja yajkutujkpëtëjkëty Ciro, Darío ets Artajerjes, jampë y'ënä'ämtën Persië.

Esdras 6:3

Ma ënety ëka'any mëtu'uk jëmëjt tyunyën ja yajkutujkpë Ciro, jää tu'uk ja ënä'ämën tyajpëtsëëmy, mëti'ipë ënaanpën: Ja Wintsën ja tsyajptëjk, jampë Jerusalén yajpaatyën. Wä'än ja potsy tso'ontä'äky ets wä'än tyajkoj'oyë, jamts yajyakëty ja Wintsën ja wyintsë'kën. Majkmokx xajpk kyëjxm'atëty ets majkmokx xajpk myëjwiin'atëty;

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Daniel 1:21

Yë Daniel ojts jääpaat tyuny ma ja kutujkëntëjkën ma ënety mëtu'uk jëmëjt yajkutukyën yë Ciro.

Daniel 1:7

e ojts yajwëëwkuwitstë jä'ä ojts yajxëëwpätëtë ja mëti'ipë jam tuunpën ma ja kutujkëntaknën: Ets ja Daniel jä'ä ojts xyëëwpety Betsalsar; ja Ananías jä'ä ojts xyëëwpety Sadrac; ja Misael jä'ä ojts xyëëwpety Mesac ets ja Azarías, jä'ä ojts xyëëwpety Abed-negó.

Daniel 10:14

E paatyës të nminy ets ntukmëmëtya'aka'any tii tunan jatanëpën ma mnaax mkajpnën, yë kuma'ay mëti'ipë të xy'ixyën yë'ë nyikäjpxyp mëti'ipë tunan jatanëpën ma mnaax mkajpnën.

Daniel 11:2

E tyam yë'ëjës yam nikajpxäämpy tëyajtënpë: Jaaktunantëp jam Persië tëkëëk yë yajkutujkpë, ok wiinkpë tyëkëja'any yajkutujkpë ja mëmajktaxkpë mëti'ipë nëjkx ni'ik kyumeeny'ätyën këtiinëm jyëtu'un'atë ja mëtëkëëkpë. Ko ënety ja wyit myeeny të yaj'awinpityë mëj'äämpy ets tëë kyëjääjë ja kyutujkën, ënät nëjkx tmëyu'kxëtyä'äy ja naax kajpn ets nëjkx tuknipëjktaakë wi'ix tnitëkëja'any ja Grecië itjot.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënety ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.

Daniel 12:9

Etsës të xy'ëtsoy: Yo'oy yë mtu'u, Daniel, jä'ä ko tyaapë yu'utsy mëpaat y'ity koonëm jyëjpkukëxëty ja nyixëëw nyijëmëjt.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Daniel 4:8

Ok yë Daniel myiiny, mëti'ipë näjyëtu'un yajtijpën Beltsasar jä'ä ko jëtu'unës yë ntios txëëwaty, yë Daniel jëtu'un yë jyuuky'äty ijxtëm yë tios tsokyën mëti'ipë wa'ats ijtpën, e tëëtsës ja nkuma'ay ntukmëmëtyä'äky:

Daniel 5:12

yë Daniel mëti'ipë yë mteety tyijën Belsasar, myëët'ajtyp ijty winma'any mëjwiin këjää ets nëkooyë wyij'ajnë, y'ijxpëky'ajnë ets nyija'ap wi'ix tyajniwijëtyën yë kuma'ay, nyija'ap wi'ix tkapxtë'kxëtën mëti'ipë tsipën ets yu'utsy ijtpën, oy yë'ëjëty amay jotmay këjääjëtypë. Yë'ë mëkajpx wä'än tminy ets mtuknijawëtëty wi'ix nyiwijyën tääpë këxja'ay y'ityën potsywyiiny.

Daniel 5:17

Ënet ja Daniel t'ëtsooy ja yajkutujkpë: Ëk'ix mijts yajkutujkpë, mëwë'ëm tääpë xynyamo'oja'anyënës, mo'o wiinkpë ja'ay mëti'ipë tunëpën ma mkutujktaknën. Ëjts tyamës n'ëna'any ko ntukmëmëtya'aka'any wi'ix nyiwijyën mëti'ipë jam potsywinm ijtpën këxja'ay.

Daniel 6:28

Ets Daniel je'eyëm ojts y'ity wintsën ma ja Darío ja kyutujktaknën ets ma ja Ciro näjyëtu'un yajkutujkyën, mëti'ipë Persëja'ayën.

Daniel 8:16

etsës të nmëtoy kyäjpxy ja'ayën jap ma Ulai mëjnëëjën, jëtu'un y'ënä'äny: Gabriel tukmëmëtya'ak ya'atë ja'ay wi'ix nyiwijyën yë wyinkuma'ay.

Daniel 8:26

Ko të xywyin'ixy ja jopy'ajtën ets ja jënäkyxyëëwajtën tëë ja myajtuknijawë tii y'antijpyën ets tëy jaanty yë'ë; je'eyë ko mijts yu'utsy xymyëët'atëty, jä'ä ko yë'ë jää nëjkx y'atëy ko ënety tëë nyäxy ja xëëw jëmëjt kanaak.

Lucas 1:20

E tyam, mëët ko ka'ap të xymyëpëky wi'ix të n'ënëëmën, uum mwë'ëma'any; jäänëm mkajpxë'ëkëty ko tu'kë'ëyë tyunëtëty jyatëtëty mëti'ipë yam ntukmëmëtyäkpyën.

Apocalipsis 19:9

Tääts ja tsajpjotmëtë kukäjpxy xynyëmaayës: Këxja'a: Akujk jotkujk mëti'ipë të yajwowtën ma yajnixëëwtunyën ja Kupixyny U'unk. Ets jyaak'ënany: Ya'atë jëtu'un tëy'ajtën'ajtp mëti'ipë Dios kyäjpxypën.