Colosenses 4:6 - Biblia Dc en Mixe de Quetzaltepec

⁶ Tsuj ets jotkujk mkajpxtëty mmëtya'aktëty ets mjatëp wi'ix tu'ukjaty ja'ay xy'ëtsowtëtyën.

Biblia Mixe de Quetzaltepec

⁶ Tsuj ets jotkujk mkajpxtëty mmëtya'aktëty ets mjatëp wi'ix tu'ukjaty ja'ay xy'ëtsowtëtyën.

Colosenses 4:6 ပူးပေါင်းရင်းမြစ်များ

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.

Eclesiastés 10:12

Ko yë wijyjyä'äy kyäjpxy oy yë y'aaw y'ayuk yajmëtoy, e ko yë tsuuja'ay kyäjpxy kë'ëm nyäyajtëkoyë;

Marcos 9:50

Yë kaan oy yë'ë, ko ja tsya'amtsajtën tyëkoyëty tii mëët winë yajtukta'amtsëty. Itë ijxtëm ja oypyë kaanën ets juuky'atë akujk jotkujk nixim niyam.

Proverbios 15:4

Yë oypyë aaw ayuk, jëtu'un yajjuuky'äty jeky tä tu'uk mëj kepy jeky jyuuky'ätyën; yë ëxëëk ayuk je'eyë yajmony yajtuky.

Proverbios 15:7

Yë wijyjyä'äytyëjk yajye'eywya'kxtëp yë wijyajtën ko myëtya'aktë, e yë ëxëëkja'aytyëjk tii y'ëkyajwa'kxtëp ijxtëm myäytyën tyajtën.

Colosenses 3:16

Wä'än xëmë t'ity mjootjoty mwinma'anyjyotyëty ja Kristë ja y'aaw y'ayuk. Neykajpxwijëtë ets näjyotmëkwinkajpxëtë nixim niyam mëët tu'kë'ëyë ja mwijy'ajtënëty mkejy'ajtënëty ets kuuy'ëwtë ja Dios, mmëjjaw jaantyjyawëtë.

Mateo 5:13

Kaanën miitsëty yaa naaxwiiny myajpaatë. Ko ja kaan ja tya'amtsajtën tyëkoy, ka'ap y'ëk'o'oyënë ets jatëkok y'awinpitëty ta'amts. Ka'ap y'ëktuunnë, yaj'ixko'op tu'ujoty ets ja ja'ay y'ateeny tyukteenyë.

Proverbios 10:21

Yë wa'ats ja'ay ko kyäjpxy, may yë ja'ay tyaj'ijxpëky; e yë tsuuja'ay ëxëëk nyäjyawëty ko ka'ap tii tjaty tnijawë.

Salmos 119:46

Nimëtya'akäämpyës yë m'ënä'ämën mtëyajtën ma ënä'ämpëtëjkëtyën, ets ka'apës ntsëtyuna'any,

Salmos 105:2

Ëwtë oyëtypë ëy ets yë'ë yajtukmëjjawëty. Nikajpx nimëtya'aktë ko winë mëj këjää të tuny të tkäjpxy.

Salmos 45:2

Tu'uk mijts mye'etyëjk'aty janty'oy janty tsujpë ma ja nimaypyë ja ye'etyëjktëjkëtyën. Ko myajtukxoontä'äky ets ko myajtsoky myajjawë, jam yajmëtoy ma m'aaw m'ayukën. Paaty yë Dios kyënu'kxën të mmo'oyë xëmëkyëjxm.

Lucas 4:22

Oy tsuj ja ja'ay tnikajpxtë ja Jesús, mëjmëtoy tjawëtë ko tii janty tsuj tmëtyä'äky ets xim yam nyäyajtëëwëtë: ¿Këtii yë'ëjëty ya'atë José myaankë?

Salmos 119:13

Nnikajpxäämpy nnimëtya'akäämpyës tëkokyë yë m'aaw m'ayuk mëti'ipë mnikäjpxypën.

Salmos 66:16

Mintë miitsëty tu'kë'ëyë, jënu'un xytsyë'ëkëtën xymyëjjawëtën yë Dios. Mëtoow'itë, tyamës nimëtya'aka'any mëti'ipë të tunyën ma ëjtsën.

1 Crónicas 16:24

Nikajpx nimëtya'aktë ja myëj'ajt y'oyajtën oypyë xoontä'äkpyë, maajaty ja naax kajpnën mëjpë mutskpë.

Deuteronomio 11:19

Yë m'u'unk m'ëna'këty nëjkxëp xytyuk'ëwaanëtë ets xytyukni''ixëtë ya'atë aaw ayuk, wä'än tjamëty ma mjëën mtëjkëtyën, ma në'ë tu'ujën, ëkë ma ënety ma'ajan mpo'kxanëtën; näjyëtu'un ko ënety ma'aypyëtë'ëktë.

Ezequiel 43:24

ets xytyukwintsë'ëkëtyës. Yë teetytyëjkëty yë'ë kyaanëtëp ets tyajjëëntë'ëtstëty, yë'ë jëtu'un mëti'ipë yajyakëpën tä tu'uk wintsë'kënën nino'oky nixämpyë.