Colosenses 4:18 - Biblia Dc en Mixe de Quetzaltepec

¹⁸ Ëjts Pablo, ëjts yam kë'ëm njääpy ya'atë kajpxpo'kxën ets miits ntuknijayëtë. Xyjä'ämyätstëpës koos yam tsumy n'ity. Dios mkënu'kxëtëp.

Biblia Mixe de Quetzaltepec

¹⁸ Ëjts Pablo, ëjts yam kë'ëm njääpy ya'atë kajpxpo'kxën ets miits ntuknijayëtë. Xyjä'ämyätstëpës koos yam tsumy n'ity. Tios mkënu'kxëtëp.

Colosenses 4:18 ပူးပေါင်းရင်းမြစ်များ

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

2 Timoteo 4:22

Wä'än ja Wintsën Jesukristë tyajpaaty mëët mijts, Dios mkënu'kxëtëp ni'ëmukë.

1 Timoteo 6:21

Pën tääpë jëtu'unpë tuk'ijxpëjktëp, tëë tyu'utëkoytyë jä'äkyëjxm ko ja mëpëjkën të t'ëxmatstë. Wä'än ja Dios mkënu'kxëtë.

1 Corintios 16:21

Ëjts Pablo, kë'ëmës ya'atë kajpxpo'kxën nja'ay mëët yë nkë'ës.

Hebreos 13:25

Wä'än ja Dios mkënu'kxëtë ni'ëmukë jënu'un miits jamëtyën.

Tito 3:15

Ni'ëmukë tkäxtë ja kajpxpo'kxën mëti'ipës yam mëëtën. Kajpxpo'kx ja nmëku'uk'ajtëmë mëti'ipë mëët nämyä'äyëmën, mëti'ipë ni'ik yajmëku'ukja'apën. Wä'än ja Dios mkënu'kxëtë ni'ëmukë.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

Filipenses 1:7

Jëtu'un pyaat'atyë ko miits nmëmay nmëtajtëty, jä'ä ko mëk miits n'oyjyawëtë ets jä'ä ko nän mëët miits n'itë ma ja Dios ja kyënu'kxënën, oyës tsumy matsy nyajpaaty ëkë oyës ja kutuunktëjk nwinkuwa'akëty, ja oy aaw oy ayuk jootjoty nwinma'anyjyotyës yajpaaty.

2 Tesalonicenses 3:17

Ëjts Pablo, ëjts kë'ëm njääpy ya'atë kajpxpo'kxën ets miits ntuknijayëtë. Jëtu'unës nyajkojy ja noky mëti'ipës njääpyën, ijxtëm nja'ayën'atyënës.

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Romanos 16:23

Mkajpxpo'kxëtëp ja Gayo, jam maas nja'ajtä'äkyën, ma ja mëpëjkpëtëjk ye'eymyuktën. Mkajpxpo'kxëtëp näjyëtu'un ja Erasto, mëti'ipë ja kajpn meeny pyëjkë'kpyën ets ja nmëku'uk'ajtëm Cuarto.

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Romanos 16:22

Ëjts Tercio, ëjts ya'atë noky njääpy, näjyëtu'un miits ntuknikäxtë ja kajpxpo'kxën Wintsën xyëëwkëjxm.