Colosenses 3:5 - Biblia Dc en Mixe de Quetzaltepec

⁵ Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Biblia Mixe de Quetzaltepec

⁵ Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Colosenses 3:5 ပူးပေါင်းရင်းမြစ်များ

Éxodo 37:22

Ja nyi'ëjx ets ja nyikë'ë tu'ukyë mëët nyämyätsyë ja mëj jëëntooytyakn, aak pu'ts pujxn mëët y'oytyunyëty ets yë'ë pujxnkuwojpën yajtuk'oytyuun.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Romanos 1:26

Paaty ja Dios të y'ëxmajtsënëtë ma ja ëxëëk tuunkën mëti'ipë je'eyë yajtsëtyuunpën. To'oxytyëjk paat tuunëtë mëti'ipë ka'ap y'oyëtyën, ka'ap ye'etyëjk tmëët'itë ets të tyajtëkatstë wi'ix tyo'oxytyëjk'atëtyën.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

Romanos 6:13

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Dios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Romanos 7:23

je'eyëp ko tamës nmëëtëty mëti'ipës ka'ap xy'ëxmatsyën ets ja oypyë ntunëtyës, yë'ë ja ënä'ämën mëti'ipë yajnikëxë'kpyën ja poky, mëti'ipë yajpatpën ma ëjtsën ijxtëm jeexyë tsum matsy xyaj'ityënës.

Romanos 7:5

Ko ijty ëëts njuuky'ajtëmë ijxtëm kë'ëm ntsojkëmën, ja ënä'ämën je'eyë ojts xytyuknija'awëmë ko tii ëxëëk ntu'unëmë, ets ojts mpëjkmujk ntuunmujkëmë ja o'kën.

Romanos 8:13

Pën mjuuky'ajtëp miits ijxtëm ja ni'kx kopk tsokyën, m'ookantëp yë'ë; e pën Kënu'kxymyëkajtën mëët miits xyaj'ooktë mëti'ipë ja mni'kx mkopk tsyojkpyën, xëmëkyëjxm miits mjuuky'ata'antë.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

1 Corintios 6:13

Näyjyëtu'un yajnimëtyä'äky: Ko ja uuky, jot tsooy je'eyë wyä'äny; ets jot yë'ë uuky të yajtuknikojë. Oy jyajëtu'unëty, Dios yajwintëkoyäämpy yë jot ets uuky. E ka'ap tyiyëty ko yë ni'kx kopk paat'ajtëp yajtook yajyakëty; yë ni'kx kopk Wintsën yë'ë jyä'ä; ets Wintsën ni'kx kopk jä'ä'ajtëp.

1 Corintios 6:18

Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

2 Corintios 12:21

Yë'ës näjyëtu'un ntsë'këp, ko ënety nëjkx nku'ixëtë, Dios je'eyës xyajtsëtyunëty ko ënety miits ka'ap tii oy xytyuntë ets je'eyës xyajjë'ë xyajya'axtëty mëët ko miitsëty je'eyë ëxëëkpë xytyuntë xykyajpxtë; tyimtso'ontäky jëtu'un pya'tkë'p'ajty. Ja ëxëëkpë yë'ë oy mtsojktëp, xim yam ja to'oxytyëjk xymyëët'atë ëkë ja to'oxytyëjkëty xim yam ja ye'etyëjk tmëët'atë.

Gálatas 5:24

Pën ja Kristë jä'ä''ajtëtëp jëtu'un tpaaty ijxtëm jeexyë të tyajkruutspätën ja y'ëxëëkjot y'ëxëëk winma'anyëty.

Efesios 4:19

Tëë jyotmëktaknëtë ets tëë nyäkyë'ëyajkënëtë ma ja ëxëëk juukyajtënën, yi'iyë tyuunëtëp ja ëxëëkpë ets ka'ap t'ëk'ëxmatsanëtë.

Colosenses 2:11

Ko mëët ja Kristë m'itë tu'ukyë, tëë ja tpëjktä'äky ja ijxwë'ëmën ma miitsëtyën këtiipë yë'ë xytyuntëty mëti'ipë mkë'ëm mmaaytyëp mtajtëpën; ka'ap yë'ëjëty jëtu'unpë ja ijxwë'ëmën mëti'ipë yajpatpën ma ja jutiis ja'ayëtyën, ijxtëm ko yajnatsujk'ëwtity ja ye'etyëjk'ajtënëty.

1 Tesalonicenses 4:3

Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

1 Tesalonicenses 4:5

ka'ap jëtu'un m'ëtë'ëtstëty ijxtëm y'ëtë'ëtstën mëti'ipë ja Dios ka'ap tnijawëtën, mëti'ipë winë y'atsojktëpën.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Dios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Santiago 4:1

¿Ma jëtää ja tsip tsyoony mëti'ipë miits mtuuntëpën? Jap tsyoony ma ja mjot mwinma'anyëtyën ko winë xytyätytsyojkën'atë.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.