Colosenses 3:20 - Biblia Dc en Mixe de Quetzaltepec

²⁰ U'unk ëna'këty, mëmëtowtë ja mtaak mteetyëty ko tii mtuk'ënä'ämëtëty, jëtu'un ja Wintsën tsoky.

Biblia Mixe de Quetzaltepec

²⁰ U'unk ëna'këty, mëmëtowtë ja mtaak mteetyëty ko tii mtuk'ënä'ämëtëty, jëtu'un ja Wintsën tsoky.

Colosenses 3:20 ပူးပေါင်းရင်းမြစ်များ

Génesis 28:7

Ko ja Jacob ojts ënätyë nyijkxy jam Padán-aram, ijxtëm ënety ja tyeety tyaak të y'ënë'ëmxëtyën.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Proverbios 20:20

Mëti'ipë ja'ay pyojkpyën yë tyaak tyeety, kupi'its kukoots y'ooka'any ets atsë'ëk ajawë.

Proverbios 30:11

Tää ja'ay mëti'ipë pyojkpyën yë tyeety, ets tyaak ka'ap oy t'ëkmëkajpxnë.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Proverbios 6:20

U'unk maay, ijxkuk ja'akyukë mëti'ipë mteety mtukni''ijxëyëpën, këtii xyjyä'äytyëkoyëty mëti'ipë yë mtaak të mtuk'ijxpëkyën,

Jeremias 35:8

Ëëtsëty yë'ë nmëmëtoowtëpës ets ntuuntëpës mëti'ipë ojts yë n'ap n'okëtyës Jonadab xytyuk'ënä'ämtën, paaty ka'ap nijëna'a n'uuktës yë tsatym nyëë mëti'ipë tëë nyimaanaxyën, ëëtsëty ets nto'oxytyëjkëtyës ets n'u'unk n'ëna'këtyës ka'apës tääpë tsatym nyëë n'uuktë,

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Mateo 19:19

wintsë'ëkë ja mtaak mteety ets tsok yë mmëku'uk ijxtëm kë'ëm mnätsyokyën.

Efesios 5:24

Je'eyëp ko jëtu'un ijxtëm ja mëpëjkpëtëjk tmëmëtowtën ja Kristë, näjyëtu'un ja to'oxytyëjk tmëmëtowtëty ja nyiye'etyëjk.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënet ja ja'ay y'ëtsowtëty: Oy, jëtu'un'atëp.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Dios ets tukjotkëta'akëty.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

Colosenses 3:22

Mëtuunpë, mëmëtowtë mëti'ipë mtuk'ënä'ämëtëpën ja mwintsënëty yaapë naaxwiinyëtën, ka'ap yë'ëkyëjxm tii xytyuntëty oy ko ënety jam m'ixëtë ets mëët oy mwë'ëmtëty; ëmuumtu'ukjot xymyëtuntëty ijxtëm ja Dios tyajkutukyën ets ijxtëm pyaat'atyën.

Tito 2:9

Kajpxwij ja tuunpëtëjk nitookpyë ets tmëmëtowtëty ja wyintsënëty, yë'ë tyuntëp mëti'ipë tukjotkëtaknën, ka'ap je'eyë wyin'ëtsow jyëjp'ëtsowtëty.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Rut 3:5

Tä ja Rut y'ëtsooy: Oy'atëp, ntunäämpyës ijxtëm yam të xynyikäjpxyën.