Colosenses 3:13 - Biblia Dc en Mixe de Quetzaltepec

¹³ Nämyëmä'kxtukëtë nixim niyam ets nänyimä'kxëtë näjyëtu'un. Jëtu'un ijxtëm ja Kristë të mnimä'kxëtën, näjyëtu'un miits yë mmëku'uk xynyimä'kxtëty.

Biblia Mixe de Quetzaltepec

¹³ Nämyëmä'kxtukëtë nixim niyam ets nänyimä'kxëtë näjyëtu'un. Jëtu'un ijxtëm ja Kristë të mnimä'kxëtën, näjyëtu'un miits yë mmëku'uk xynyimä'kxtëty.

Colosenses 3:13 ပူးပေါင်းရင်းမြစ်များ

Proverbios 19:11

Yë wijyajtën jam nyikëxë'ëky ko ja'ay myä'kxtuky oy jyoot'anpëky, ets mëj'äämpy ja'ay nyäxy ko ka'ap tmëjpëjktä'äky oy pën y'ëxëëkmëkäjpxyë.

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Dios pën m'ixjëtijt mpajëtijtëtëp.

Mateo 6:12

Pokynyimä'kxtëkës maas ëxëëk tii ntuntën nkajpxtën, jëtu'un tääjës të mpokymyä'kxtën ja mëti'ipës ëxëëk të xytyuntën.

Marcos 11:25

Ko miits yë Dios xyjyä'ämyätstëty, pën jam pën tii xytyukmëtsip'atë, nimä'kxtë ets näjyëtu'un ja mteety tsajpjotmëpë mnimä'kxëtëty.

Lucas 11:4

Nimä'kxtëkës ja npoky nkëtyey, jä'ä ko tëëjës nimä'kxtë mëti'ipës xymyëtëkooytyëpën. Ka'apës mëpaat ja ëxëëkpë xymyëmëta'aktë.

Lucas 23:34

Tääts ja Jesús y'ënäny: Dios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Romanos 15:7

Paaty näkyupëkëtë nixim niyam ijxtëm ja Kristë të mkupëkëtën ets ja Dios mëjjaw jaantyjawë y'itëty.

2 Corintios 2:10

Jëtu'un, pën jam miits pën xynyimä'kxtë, näjyëtu'unës nimä'kxëty; ets koos pën nimä'kxëty, ënät pën jam tii të tuuntëkoy mëti'ipë yajnimä'kxëpën; ko ënety miits të m'ëna'antë ets ja Kristë myëjnaxëty.

2 Corintios 6:6

Näjyëtu'unës të nyajnikëxë'ëktë ko wa'ats aaw wa'ats jotës të njuuky'atë, koos nijawëtë ja tëyajtën, ko yajmëët'aty ja mä'kxtujkën ets ja oyjyot oywyinma'any; ko yajpaaty ja Kënu'kxymyëkajtën ma ëëtsëtyën, mëët ja tsojkën ja'awën winë aaw winë jotpë.

Gálatas 6:2

Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Efesios 4:2

Yujy tëtä'äky mja'ay'atëty ets aak m'oyjawëtëp ja'ay oy pyënë, m'ëwxit mä'kxtuktëp ets mnämyëmä'kxtukëtëp nixim niyam mëët ja nätsyok näjyawë.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

1 Pedro 2:21

Paaty ja Dios të mmëkajpxëtë, jä'ä ko tëë ja Kristë mku'ëyowëtë ets të najtstunë mëti'ipë miits xykyuuy'ixtëpën.