Colosenses 3:11 - Biblia Dc en Mixe de Quetzaltepec

¹¹ Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Biblia Mixe de Quetzaltepec

¹¹ Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Colosenses 3:11 ပူးပေါင်းရင်းမြစ်များ

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Romanos 3:29

¿Wä'än jëtää yë Dios jämyë Tios'aty ma Jutiis ja'ayëtyën? ¿Ka'ap jëtää näjyëtu'un jam Tios'aty ma ka'apë ja'ay jyutiisëtyë? Yajnija'ap ko Tios'ajtääpy ma wiinkëtypë kajpnën,

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

1 Corintios 7:19

Ka'ap maa tyuny pën tsuky katsuky, yë'ë tuunp pën pyatuumpy ja Dios ja y'ënä'ämën.

Hechos 15:17

ets ja Israel ja'ay t'ëxta'atëty ja Wintsën, näjyëtu'un wiinkëtypë ja ja'ay ets ja naax kajpn mëti'ipës të nkënu'kxyën ëjts nxëëwkyëjxm.

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Amós 9:12

ets Israel ja'ayëty tjä'ä'atëty jatëkok mëti'ipë jam Edom të jyaakwë'ëmyën ets ma wiinkëtypë naax kajpnën mëti'ipë yë Israel ja'ay ijty nyitënaaytyëpën. Jëtu'un yë Dios të kyäjpxy ets pyatunäämpy ja y'aaw y'ayuk.

Miqueas 4:2

may jam yë naax kajpn myina'antë ets y'ëna'ana'antë: Mintë, tsojk jam mpa'tëjkëmë ma Wintsën yë kyopkën, jam ma Dios yë tsyajptëjkën mëti'ipë Jacob y'ëwtajtën ets xytyukni''ijxëmëty yë nyë'ë tyu'u ets mëtëy nye'eymyëty nnajxmëty. Jä'ä ko jam Sión jam ja Wintsën ja y'ijxpëjkën tsyoona'any, jamtsow Jerusalén myina'any yë y'aaw y'ayuk.

Colosenses 2:10

ets yë'ë ko tu'ukyë m'itë mëët ja Kristë, jam ja Dios y'ity ma miitsëtyën. Ja Kristë nyikëpajk'ajtääpy tu'kë'ëyë mëti'ipë myëët'ajtëp ja mëk'ajtën ets ja kuttujkën.

Romanos 1:14

Nu'kxyjoty n'ityës ma miitsëtyën, ma wijyjyä'äyën ma tsuuja'ayën, ma këpetyjyä'äyën ets ma tëtä'äkyjyä'äyën;

Juan 15:5

Ëjts jëtu'un ijxtëm ja tsatym yonën ets miitsëty ijxtëm ja tsatym xe'entyën. Pën ijtp tu'ukyë mëët ëjts etsës tu'ukyë mëët yë'ë, tëëm'ataanp may; jä'ä ko pën ëpëky mnäyaj'itëtë, ka'ap nitii xytyuntëty.

Hechos 28:4

Ko ja kukajpn t'ijxtë ko ja tsa'any jam tyiinyë ma ja Pablo ja kyë'ëjën, tääts nyäy'ënanëtë: Ya'atë ja'ay, yaja'ay'o'kpë ënät yë'ë. Oy të jyapëtsëmy juuky mejyjoty, yë Dios yë nyipaye'eyën yë'ë ka'ap y'ëxmatsyë ets jyuuky'atëty.

Hechos 28:2

Ja ja'ayëty jampë tsyëënëtën oyës ojts xymyëët'atë, ënät ja jëën tyajmëjëtyë ko tja'awëtyë tëtsyk ets xynyëmaaytyës ets wmëwinkontëtyës ja jëën.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Salmos 117:2

jä'ä ko yë'ë mëk xytsyojkëm xyjya'awëm. Yë wya'atsajtën kë'ëyxyëëw kë'ëyjyëmëjt yë y'ity. Tukxoontä'äky mëjjawë Dios yë xyëëw nyaxëty.

2 Juan 1:9

Pën yajni'ikëp ja Kristë ja y'ijxpëjkën, ka'ap ënety mëët y'ity. Pën pyatuumpy ja Kristë ja y'ijxpëjkën, yë'ë ja Dios Teety ets ja Dios U'unk mëët yajpaaty.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Efesios 6:8

Jä'ä ko miitsëty wa'ats xynyijawëtë ko ja ja'ayëty mëti'ipë nitookyëtyën ets ka'apë nyitookyëtyën y'ëxajëjantëp ja kuma'ayën mëti'ipë ja Wintsën yakäämpyën ko ënety winë të tuntë.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

1 Corintios 14:11

Pën ka'apës nwinmëtoy ja ayuk mëti'ipë ja'ay kyajpxtëpën, jëtu'un nëjkx yajwinjawë koos wiink kajpnës ntsoony ets ja ja'ay mëti'ipës xyjyamëkajpxpën nän jëtu'unës nëjkx n'ixy tä jëpyaat jëpyo'kxyën.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Ezequiel 47:22

Yë'ë nëjkx xykyuma'ayën'atë ets yë'ë nëjkx näjyëtu'un tkuma'ayën'atë jaaypyaat jaaypyo'kxy mëti'ipë y'u'unk myääy myëët'ajtëpën ma miitsëtyën. Yë jaaypyaat jaaypyo'kxy jëtu'un xyjyawëtëty tä jeexyë y'Israel ja'ay'atën. Ko ënety xypyëjkwa'kxtë yë naax kam nëjkxëp näjyëtu'un yë jaaypyaat jaaypyo'kxy xymyo'otë yë jyä'äjëty mëti'ipë tsënaaytyëpën ma miitsëtyën.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Efesios 2:14

Kristë ëëts të xymyo'oyëm ja jotkujk'ajtën. Yë'ë të tyajnämyukyë ja jutiis ja'ayëty mëët mëti'ipë ka'ap jyutiisëty ets të tyajkutëkoy ja tsip mëti'ipë ijty xyajnäwya'kxëmën,

Efesios 2:15

jëtu'unts ka'ap y'ëktuunë ja ënä'ämën mëti'ipë winë nyikäjpxypën tii yajtun kayajtunëpën, tu'ukyë të tyajwë'ëmy ja jutiis ja'ayëty mëët ja mëti'ipë ka'ap jyutiisëty. Ets të tyajnaaxkëtä'äky ja jotkujk'ajtën.