Colosenses 2:7 - Biblia Dc en Mixe de Quetzaltepec

⁷ Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

Biblia Mixe de Quetzaltepec

⁷ Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Tios xykyukajpxëtëty.

Colosenses 2:7 ပူးပေါင်းရင်းမြစ်များ

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Jeremias 17:8

Jëtu'un nyaxa'any tä tu'uk yë kepyën nëpë'aaypyë tyänën mëti'ipë tyikts nëëjoty kuyo'onëpën; oy jënu'un y'anëty ka'ap tsyë'ëtsa'any, jä'ä ko yë y'ääy xye'enty xëmë tsuxk y'ity. Ko xyëkopk'aty, nitii tkamëmay tkamëtajy ets xëmë tyëëmpety.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

2 Tesalonicenses 2:17

yë'ë myajjotkujk'atëtëp, mjotmëkmo'ojëtëp ets tu'kë'ëyë winë oy xytyuntëty xykyajpxtëty.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

Efesios 5:20

Xëmë ja Dios xykyukajpxëtëty mëët ja Wintsën Jesukristë ja xyëëw.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

1 Tesalonicenses 5:18

Kukajpxëtë ja Dios oytyiijëty, jä'ä ko yë'ë ja Dios tsyojkpy xytyuntëty ko tu'ukyë m'itëty mëët ja Jesukristë.

Lucas 6:48

Jëtu'un yë'ë ijxtëm ja ja'ay ja tyëjk tkojyën. Jëwyiin yajxon këk tnitajë ets tsaakëjxy tpojtsë'ëky. Tääts ko ja nëë kyomy, mëk ja nëë jyatukja'tyë ets niwi'ix kyajaty, jä'ä ko tsaa y'ëjx'ajtyp.

Efesios 4:21

miits tëë xymyëtowtë wi'ix ja Kristë yajnimëtyä'äkyën ets tëë xyjyatë wi'ix miitsëty mjuuky'atëtyën ijxtëm yë'ë jyuuky'äjtyën, ijxtëm ja Jesús tyiy'ajtënën.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.

2 Corintios 1:21

Dios tëë tuknipëjktaakë ets ëëtsëty mëët miitsëty tu'ukyë nyajpatmëty mëët ja Kristë, ets kënu'kxy nwë'ëmëty.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

1 Corintios 1:8

Dios miits myaj'itëtëp tu'ukyë koonëm tpaatëty ja tiempo, ets këtiipë ënety mpokymyëët'atë ko wyimpitëty yë Wintsën Jesukristë.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Dios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.