Colosenses 2:23 - Biblia Dc en Mixe de Quetzaltepec

²³ Jëtu'un ya'atë ënä'ämën yajmëtoy mëtëy yowë, jä'ä ko jëtu'un tni'ënä'ämëtë ijxtëm jeexyë ja Dios yajmëjjaw yajjaantyjäwën, yujy tëtä'äky nyäpyëjkta'akëtë ko tëytyun tsaatyuntë ja nyi'kx kyopkëty, je'eyëp ko nimaa kyatuny jëtu'unpë ets yajmëmëta'akëty ja ëxëëk atsojkën mëti'ipë yajtuunpën mëët ja kë'ëmwinma'any.

Biblia Mixe de Quetzaltepec

²³ Jëtu'un ya'atë ënä'ämën yajmëtoy mëtëy yowë, jä'ä ko jëtu'un tni'ënä'ämëtë ijxtëm jeexyë ja Tios yajmëjjaw yajjaantyjäwën, yujy tëtä'äky nyäpyëjkta'akëtë ko tëytyun tsaatyuntë ja nyi'kx kyopkëty, je'eyëp ko nimaa kyatuny jëtu'unpë ets yajmëmëta'akëty ja ëxëëk atsojkën mëti'ipë yajtuunpën mëët ja kë'ëmwinma'any.

Colosenses 2:23 ပူးပေါင်းရင်းမြစ်များ

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

Colosenses 2:8

Näkyëwent'atëtë këtiipë mwin'ëënëtëty mëti'ipë yaj'ijxpëjktëpën tëkatsy ets je'eyë mwin'ëënëtë; jä'ä ko yë'ëjëty ka'ap ja wyinma'any jam tpëjkta'aktë ma ja Kristën, jam ja wyinma'any tpëjkta'aktë ma ja ja'ay ja jyot wyinma'anyëtyën ets ma ja mëti'ipë mëj këjxm ijtëpën naaxwiiny.

1 Timoteo 4:3

Ya'atë ja'ayëty yajkupojktëp ja pëjkën ukën, ja kääky uuky mëti'ipë ja Dios të tuknipëjktaakën ets ja mëpëjkpëtëjk tkaytyëty t'uuktëty mëti'ipë nyija'awëtëpën ja tëyajtën ets tkukajpxëtëty.

Colosenses 2:22

Ya'atë mëti'ipë ni'ik nyi'ënä'ämëtëp këtiipë yajkayëty yajjë'kxëty, tëë ja Dios tuknipëjktaakë ets wyintëkoyëty ko yajkay yajjë'kxy.

Efesios 5:29

Ka'ap pën ja nyi'kx kyopk tmëtsip'aty, ni'ikyë tyajkay tyaj'uuky ets ja nyi'kx kyopk tkëwent'aty, näjyëtu'un ja Kristë ttsoky tjawë ja mëpëjkpëtëjk,

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.