Colosenses 2:19 - Biblia Dc en Mixe de Quetzaltepec

¹⁹ Ka'ap mëët y'itë ja Kristë, mëti'ipë nyikopk'ajtypyën ja mëpëjkpëtëjk ets mëti'ipë yajwinpejtypyën ja mëpëjkën ko n'ijtmëty mëët ja Kristë ijxtëm tu'uk ja ni'kx kopkën ijxtëm ja Dios tsokyën.

Biblia Mixe de Quetzaltepec

¹⁹ Ka'ap mëët y'itë ja Kristë, mëti'ipë nyikopk'ajtypyën ja mëpëjkpëtëjk ets mëti'ipë yajwinpejtypyën ja mëpëjkën ko n'ijtmëty mëët ja Kristë ijxtëm tu'uk ja ni'kx kopkën ijxtëm ja Tios tsokyën.

Colosenses 2:19 ပူးပေါင်းရင်းမြစ်များ

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

Colosenses 2:2

Paatyës jëtu'un ntuny jä'äkyëjxm koos ntsoky ets ni'ëmukë mjotmëkta'aktëty ets m'itëty tu'ukyë mëët ja nitsokën ets xymyëët'atëty kä'pxy ja wijyajtën kejyajtën, jëtu'unts xyjyä'äkyukëtëty xymyëtoowkukëtëty ja Dios ja jyä'ä mëti'ipë ijty kayajnija'apën, yë'ë jëtu'un ja Kristë.

1 Tesalonicenses 4:10

Yajnija'ap ko mnätsyokëtë nixim niyam ni'ëmukë mëti'ipë tsënaaytyëpën jam Macedonia y'itjotm. Tyam nmënu'kxta'aktë mëku'uktëjkëty, nätsyokëtë nixim niyam wäänëni'ik.

1 Tesalonicenses 3:12

Wä'än ja Wintsën tjaakyajyeeky ja mtsojkënëty ets ni'ik mnätsyokëtëty nixim niyam, mëët ja wiinkëtypë mmëku'uktëjkëty, ijxtëm ëëts miits të ntsoktën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Colosenses 1:18

Kristë nyikëpajk'ajtyp ja mëpëjkpëtëjk, mëti'ipë ijtëpën ijxtëm tu'uk ja ni'kx kopkën. Yë Kristë tääyëm yë'ë yajpaaty, yë'ë jëyëjp të jyuukpyiky ets nikopk'atëty tu'kë'ëyë oy tyimtiijëty.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

Filipenses 1:27

Wä'än t'ixy tii tuunëp jajtëp, juuky'atë miits ijxtëm y'ënä'änyën ja oy aaw oy ayuk ma Kristë yajnimëtyä'äkyën. Oy miits nninëjkxtëty ëkë nkaninëjkxtëty, nijawëpës ko tu'ukyë m'itë ets tu'ukyë ja mwinma'any yajpaatë ets xytyuntë wi'ix ja ja'ay oy tmëpëktëtyën ja oy aaw oy ayuk,

Efesios 5:29

Ka'ap pën ja nyi'kx kyopk tmëtsip'aty, ni'ikyë tyajkay tyaj'uuky ets ja nyi'kx kyopk tkëwent'aty, näjyëtu'un ja Kristë ttsoky tjawë ja mëpëjkpëtëjk,

Efesios 4:3

Mëmay mëtajtë wi'ix mnäyaj'itëtëtyën tu'ukyë ets jotkujk mëët ja Kënu'kxymyëkajtën.

Efesios 1:22

Kristë tyukkë'ëtëjkëy ets tnitënaaytya'ajëty tu'kë'ëyë winë ets nän yë'ë ojts tukë'ëtëkë ja mëpëjkpëtëjk ets tnikëpajk'atëty.

1 Corintios 3:6

Ëjts ojts ni'ipy nkojy ets Apolo të tyajxooky, e yë Dios yë'ë të tyajyony të tyajjiitsy.

1 Corintios 1:10

Mëku'uktëjkëty, Wintsën xyëëwkyëjxm miits tyam nmënu'kxta'aktë ets mnäkyäjpxyjyä'äkyukëtëty këtiipë mnäpyëjkwa'kxëtëty. Tu'ukyë mëpaat mjuuky'atë, tu'ukyë mmaytyëty mtajtëty, tu'ukyë tii xytyuknipëjktaakëtëty.

Romanos 11:17

Jëtu'un ja jutiis ja'ayëty ijxtëm ja olivë kepyxye'entyën mëti'ipë të yajkatspuxyën; ets mijts mëti'ipë ka'ap jyutiis ja'ayëty, jëtu'un ijxtëm ja pa'olivos xe'entyën ets të myatukpu'ootsë ja olivë kepy mëti'ipë mëtëyën. Ets të m'awinpity ijxtëm jeexyë mijts mjanty olivë'atën.

Hechos 4:32

Ja mayjyä'äy mëti'ipë myëpëjktën ja Jesús, tu'ukyë ijty ja jyot wyinma'any tyaj'itë; ni pën ja pyëjktä'äky tkajä'äpëjktä'äky nätyu'uk, aak tu'knax tyajtuntë.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

1 Corintios 11:3

E ntukja'amyätsantëp näjyëtu'un ko yë Kristë yë'ë nyikëpajk'ajtyp yë ja'ay tu'uktu'uk; ets ye'etyëjk yë'ë nyikëpajk'ajtyp yë tyo'oxytyëjk, jëtu'un ijxtëm ja Dios nikëpajk'atyën ja Kristë.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Efesios 2:21

E ko ja potsy pyety ets oy nyämyajts'ijta'ayë mëët ja Kristë, winpäjt'ëtëtsp ja tëjk ets y'awinpita'any tsajptëjkën wa'atspë mëët ja Wintsën ja myëj'ajtën jyääntyajtën.

Lucas 5:38

Paaty ja tsatsym nyëë jempyë jap yaj'atämë ma ja po'o jempyën.