Colosenses 1:24 - Biblia Dc en Mixe de Quetzaltepec

²⁴ Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Biblia Mixe de Quetzaltepec

²⁴ Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Colosenses 1:24 ပူးပေါင်းရင်းမြစ်များ

Romanos 5:3

Ka'ap yi'iyë ntukxoontakmëty ja jotkujk'ajtën, näjyëtu'un ko n'ëyo'owmëty, jä'ä ko nnija'awëm ko ja ëyo'on yë'ë xyajmëkpëjkëm ets nmëmëtakmëty.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

Filipenses 3:10

Yë'ës ntsojkpy etsës oy nnijawëja'any ja Kristë, etsës npaatëty ja mëk'ajtën ko të jyuukpyiky ets ko të tmënaxy të tyajnaxy ja ëyo'on jotmay; ets të xyajnaxyës tä yë'ëjën ko të y'ooky,

2 Corintios 7:4

Ntukjoot'ëmëj'ajtëp ets ntukjotkëtaktëp miitsëty. Oyës ja ëyo'on npaaty, jotmëk ets jotkujkës näjyawëty mëët miitskyëjxmëty.

Efesios 3:13

Paaty këtii xymyëmay xymyëtajtëty ko miits nku'ëyowëtë. Miits yë'ë mtuk'oy'ajtëp koos yap n'ity.

Santiago 1:2

Mëku'uktëjkëty, akujk jotkujk miits mnäjyawëtëty ko xymyënax xyajnaxtë ja ëyo'on jotmay kanaakjëjp.

Colosenses 1:18

Kristë nyikëpajk'ajtyp ja mëpëjkpëtëjk, mëti'ipë ijtëpën ijxtëm tu'uk ja ni'kx kopkën. Yë Kristë tääyëm yë'ë yajpaaty, yë'ë jëyëjp të jyuukpyiky ets nikopk'atëty tu'kë'ëyë oy tyimtiijëty.

Hechos 5:41

Ënet ja ijxpëjkpëtëjk pyëtsëëmtë juntëjoty, akujk jotkujk tsyo'onëtë, jä'äkyëjxm ko ja Dios ënety të tyajkutuky ets y'ëyo'onpaatëty ko ja Jesús tnikäjpxy tnimëtya'aktë.

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

1 Corintios 12:27

Jëtu'un miits ja Kristë mëët mwë'ëmtë ijxtëm ja ni'kx kopk tu'ukpën ets jëtu'un miits nitu'ukjaty ijxtëm tu'kpëky ja ni'kx kopkën.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

2 Corintios 12:15

Ëjts winë aaw winëjotës nyajtuna'any mëti'ipës nmëët'ajtypyën, ëjtspaatës kë'ëm näyajtuna'anyë mëët miitskyëjxmëty. Pën ni'ik miits ntsoktë, ¿wäänë miits xytsyoka'antësë?

Marcos 10:39

Tääts y'ëtsoowtë: Nkupëktëpës. Ënet ja Jesús y'ënëmaayëtë: Tëy, näjyëtu'un miits m'ëyo'onpaatëty ijxtëm ëjtsën ets näjyëtu'un mnëëpäta'antë ijxtëm ëjtsën,