Colosenses 1:19 - Biblia Dc en Mixe de Quetzaltepec

¹⁹ Dios ojts kë'ëm tuknipëjktaakë ets tu'kë'ëyë ja mëj'ajtën yajpaatëty ma yë'ëjën,

Biblia Mixe de Quetzaltepec

¹⁹ Tios ojts kë'ëm tuknipëjktaakë ets tu'kë'ëyë ja mëj'ajtën yajpaatëty ma yë'ëjën,

Colosenses 1:19 ပူးပေါင်းရင်းမြစ်များ

Lucas 10:21

Näy jää it ma ja Jesús ënety jotkujk nyäjyawëtyën mëët ko ja Kënu'kxymyëkajtën ënety të tyuktëkëty, ënät y'ënäny: Dios Teety, Wintsën tsajpjotmëpë ets naaxwiinypë, nmëjja'ap njaantyjya'ap mijts, jä'äkyëjxm ko ja ja'ay mëti'ipë yu'unk naxym ja'ay'ajtëpën, tëë xytyuk'ixy xytyuknijawë mëti'ipë të xytyukwinkuyu'tsyën ja wijyjyä'äytyëjk. Jëtu'un, Dios Teety, jä'ä ko jëtu'un mijts të xytsyoky.

Juan 1:16

Ni'ëmukë yë Dios të xykyënu'kxëmë kanaak ok mëjwiin këjää.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Efesios 1:5

Tëë ënety tuknipëjktaakë ko ja Jesukristë mëët xy'u'unkniwa'ana'anëmë, jëtu'un ijxtëm ënety të tmëmay të tmëtajyën ko ja oyjyot oywyinma'any jëtu'un tmëëtëty.

Efesios 4:10

Ets mëti'ipë të kyëtä'äkyën yë'ë jatëkok të pya'tëkë këjxm jam tsajpjotm ets tyawintujkta'aja'any ja tsajp.

Colosenses 2:3

Kristë mëët yajnijawë tu'kë'ëyë ja wijyajtën kejyajtën ets ja'aykyujkën mëtoowkujkën.

Colosenses 2:9

Ja'ayën ja Kristë ojts y'awinpity ets yaj'ixëty ja Dios ma yë'ëjën,

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.