Cantares 7:2 - Biblia Dc en Mixe de Quetzaltepec

² Yë mputsk jëtu'un tä tu'uk a'ukënën mëti'ipë xëmë tuktuky ijtpën mëët yë uuky, tsatym nyëë tëëpë nyimaanaxyën; yë mox jëtu'un tä apëjkënën ma tsajpmok nyipetyën ets yë'ë mëët nyakoj'ëwtityëty yë pëjy.

Biblia Mixe de Quetzaltepec

² Yë mputsk jëtu'un tä tu'uk a'ukënën mëti'ipë xëmë tuktuky ijtpën mëët yë uuky, tsatym nyëë tëëpë nyimaanaxyën; yë mox jëtu'un tä apëjkënën ma tsajpmok nyipetyën ets yë'ë mëët nyakoj'ëwtityëty yë pëjy.

Cantares 7:2 ပူးပေါင်းရင်းမြစ်များ

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Dios tsokyën.

Jeremias 1:5

Ka'anëm ënety juukyajtën nmo'oynyëm ko ojts nwin'ixy, ka'anëm ënety mminyëm naaxwiiny ko ëpëky npëjktäky; yë'ë ojts ntukniwë'ëmë ets m'itëty käjpxynyajxpë ma naax kajpnën.

Isaías 46:3

Mëtoow'itë ya'atë aaw ayuk, miitsëty Jacob yë y'u'unk y'okëty mëti'ipë të wyë'ëmtën ma ja Israel kyajpnën: Tëë miitsëty ntsëëmjëtitë ka'anëm ënety mintënëm naaxwiiny naaxkëjxy; tëë ntsääntë nkontë,

Cantares 5:14

yë kyë'ë jëtu'un yë'ë tä pu'ts pujxnën mëti'ipë winë yajtuknipijtpën, mëti'ipë pu'ts tsaa mëët nyikoyëtyën; yë jyot nyini'kx jëtu'un kyëxë'ëky tä yë elefantë pajkën mëti'ipë yajxon të yajnitsetsy të yajnixeeyën ets të yajtukputsayë yë tsuxk uky tsyaa;

Proverbios 3:8

Yë'ë jëtu'un tu'uk mëk tsooy ets ja mjot mnini'kx tuk'oy'atëty.

Salmos 45:16

Yë m'u'unk m'ëna'k mijts yajkutujkpë, yë'ë jyä'ä'atantëp yë mkutujktakn, yë'ë nëjkx yajkutuktë ma ja m'ap m'ok të yajkutuktën, ets nëjkx xyajkutujkpë'aty ma tëkokyë naax kajpnën.

Cantares 7:1

Janty oy yë mteky yaj'ixy ma mkë'ëkën, mijts yajkutujkpë nyëëx. Yë m'ixpajk tsuj kyëxë'ëky tä jeexyë pu'ts pujxn mëët y'oytyunyëtyën, mëti'ipë wijyjyä'äytyëjk të tyajkojtën.

Cantares 7:3

Yë mtsi'tsk jëtu'un tä mäjtsk yë paxën, mëti'ipë nimäjtsk të pyi'k'atën.