Cantares 7:10 - Biblia Dc en Mixe de Quetzaltepec

¹⁰ Ëjts jëtu'unës të naxy tä tu'uk yë tsojkën ja'awënën mëti'ipë yë ye'etyëjk, mëti'ipës ntsojkpyën y'oy'ijxypyën.

Biblia Mixe de Quetzaltepec

¹⁰ Ëjts jëtu'unës të naxy tä tu'uk yë tsojkën ja'awënën mëti'ipë yë ye'etyëjk, mëti'ipës ntsojkpyën y'oy'ijxypyën.

Cantares 7:10 ပူးပေါင်းရင်းမြစ်များ

Job 14:15

Koos jeexyë xymyëkäjpxy etsës n'ëtsowëty; mëëtës jeexyë tsojkën ja'awën xynyi''ijxkëtä'äky, jä'äxë ko mijts të xyajkojyës.

Salmos 147:11

mëti'ipë tyukjotkëtäkpyën yë'ë ko pën wyintsë'ëkëty ets myëmëtoyë, ets mëti'ipë tyuk'ijxpäjtëpën ja tsyojkën jya'awën.

Salmos 45:11

jä'ä ko yë yajkutujkpë y'oy'ijxyp ko mijts m'oyëty mtsujëty; yë'ë mwintsën'ajtyp ets yë'ë patëp xymyëmëtowëty.

Cantares 2:16

Yë ye'etyëjk mëti'ipës ntsojkpy nja'apën ëjts yë njä'ä, ets yë'ëjës xyjyä'ä'ajtp, yë'ë jam tkëwent'aty yë kyupixyny pëjy akujky.

Cantares 6:3

Ëjts xyjyä'ä'ajtpës yë ye'etyëjk mëti'ipës ntsojkpy nja'apën ets yë'ëjës njä'ä'ajtyp. Jam yë kyupixyny tkëwent'aty, pëjy'akujky.

Cantares 7:11

Mëta'ak mijts ye'etyëjk, mëti'ipës ntsojkpy nja'apën, tsojk nja'amëmë kamjotm tu'ujotm. Jam yë tsuu nyajnajxmëty kamjotm pëjy jotm.

Ezequiel 24:16

Tu'ktonyë yam mpëjkëja'any ja ja'ay mëti'ipë mëk mtsojkpy mja'apën. Je'eyëp ko ka'ap ok mya'axëty; ka'ap yë mwiinnëë kya'ajëty.

Juan 17:24

Dios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënety ja naaxwiinyëtë kyojynyëm.

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.