Cantares 6:4 - Biblia Dc en Mixe de Quetzaltepec

⁴ Mijts to'oxytyëjk, mëti'ipës ntsojkpy nja'apën, m'oy mtsuj mijts ets oytyukxootaknë mijts tä yë Tirsá kajpnën ets Jerusalén kajpnën; tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Biblia Mixe de Quetzaltepec

⁴ Mijts to'oxytyëjk, mëti'ipës ntsojkpy nja'apën, m'oy mtsuj mijts ets oytyukxootaknë mijts tä yë Tirsá kajpnën ets Jerusalén kajpnën; tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Cantares 6:4 ပူးပေါင်းရင်းမြစ်များ

1 Reyes 14:17

Tä ja Jeroboam ja tyo'oxytyëjk pyëti'ky ets ojts nyijkxy; ko jyä'äjty jam Tirsá, tim je'eyë jyä'äjty tyëjk'ëkë'ëm ets tniwa'knajxy ja tëjk'apu'uy tääts ja myaank y'o'ky.

1 Reyes 15:21

Ko ja Baasá tnija'awëy, tä t'ëxmajtsy ja Ramá, wyimpijnë jatëkok ma ja kyajpnën jam Tirsá.

1 Reyes 15:33

Ma tyëkëëk jëmëjtpejtyën ma ja Asá yajkutukyën jam Judá, jää jëmëjt ojts tyëkë yë Baasá yajkutujkpë, yë Ahías yë myaank jam Tirsá, ma tnitënaaytyä'äyën yë Israel, i'px taxk jëmëjt ojts yajkutuky jam.

Salmos 48:2

Janty oy kyëxë'ëky yë Dios yë tyun kyopk mëti'ipë txëëwajtpën Sión, anëkëjxmtsowpë yajpaaty. Yë'ë xyoontakën'ajtyp tëkokyë yë naaxwiinyëtë; ja kajpn mëti'ipë yajkutujkpë kyajpn'ajtypyën.

Salmos 48:3

Dios yë'ë jam yajpatp ma akujktëjkën jam Jerusalén tëë Dios nyänyikäjpxyë ko yë'ë tsoktakn'ajtp xëmëpë y'ityën.

Salmos 50:2

Dios yë'ë jam të'kxp jajp ma Sión kajpnën, ma ja kajpnën janty'oy janty tsujpë.

Cantares 1:15

Janty oy mkëxë'ëky mijts, mëti'ipë ntsojkpy nja'apën, janty'oy mkëxë'ëky. Jëtu'un yë mwiin yaj'ixy tä mäjtsk yë pakën.

Cantares 1:5

Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Cantares 4:7

Janty mkëxë'ëky mijts to'oxytyëjk, mëti'ipës ntsojkpy nja'apën; tyimtso'ontä'äky ma mtekyën ets tyimkëpety ma mkëpajkën. Ma mijtsën nitii ma'at kyayajpaaty.

Cantares 5:2

Ëjts maapës ënety, je'eyëp ko yë njot nja'awënës ka'ap myä'äy. Ënätës të nmëtoowpaaty ko yë ye'etyëjk, mëti'ipës ntsojkpy nja'apën tpijkxnoky yë tëjk'aaw ets y'ënä'äny: Yaj'ëwa'ats yë tëjk, mijts to'oxytyëjk mëti'ipës ntsojkpy nja'apën, tëëjës yë nkëpajk y'ujktsta'ay mëët yë maanik. Tëës yë nkuwaay xyo'kta'ay mëët yë koots maanik.

Cantares 6:10

¿Pën tääpë ja'ay mëti'ipë jëtu'un ijxwo'ompën tä xëëw pyëtsimyën jopyëp? Jëtu'un y'oyëty tä po'ojën, jëtu'un tyi'kxy tä xëëwën, tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

Zacarías 12:3

Ënet yë Jerusalén kajpn nyaj'awinpita'anyës tä tu'uk yë juuntsaajën ma ja naax kajpnëtyën. Yajtsëtyutäämpy ja ja'ay mëti'ipë ënety ja këëyë'ëkanëpën. Nëjkxëp tu'kë'ëyë ja naax kajpn nyäkyäjpxyë ets nëjkx tyajnatuktë ja Jerusalén kajpn,

2 Corintios 10:4

Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Dios ja myëk'ajtën mëti'ipë maayëpën ja kuttujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.