Cantares 5:2 - Biblia Dc en Mixe de Quetzaltepec

² Ëjts maapës ënety, je'eyëp ko yë njot nja'awënës ka'ap myä'äy. Ënätës të nmëtoowpaaty ko yë ye'etyëjk, mëti'ipës ntsojkpy nja'apën tpijkxnoky yë tëjk'aaw ets y'ënä'äny: Yaj'ëwa'ats yë tëjk, mijts to'oxytyëjk mëti'ipës ntsojkpy nja'apën, tëëjës yë nkëpajk y'ujktsta'ay mëët yë maanik. Tëës yë nkuwaay xyo'kta'ay mëët yë koots maanik.

Biblia Mixe de Quetzaltepec

² Ëjts maapës ënäty, je'eyëp ko yë njot nja'awënës ka'ap myä'äy. Ënätës të nmëtoowpaaty ko yë ye'etyëjk, mëti'ipës ntsojkpy nja'apën tpijkxnoky yë tëjk'aaw ets y'ënä'äny: Yaj'ëwa'ats yë tëjk, mijts to'oxytyëjk mëti'ipës ntsojkpy nja'apën, tëëjës yë nkëpajk y'ujktsta'ay mëët yë maanik. Tëës yë nkuwaay xyo'kta'ay mëët yë koots maanik.

Cantares 5:2 ပူးပေါင်းရင်းမြစ်များ

Génesis 29:20

Jëtu'un yë Jacob ojts tyëkë tuunpë ma Labankën, mëët ko ënety ja nyëëx ja mutskpë të tsojkën'aty, mëti'ipë xyëëwajtypyën Raquel. Wëxtujk jëmëjt ojts nituny, yajxon ënety tjantytsyoky ja Raquel, paaty pojën tja'awëy nyäjxy ja xëëw jëmëjt wëxtujk jëmëjtpë.

Salmos 119:1

Janty jotkujk yë ja'ay jyuuky'atë mëti'ipë mëtëy winë tyuuntëpën ets yi'iyë pyanëjkxtëp mëti'ipë yë Wintsën y'ijxpëjkën'ajtypyën.

Salmos 81:10

Ëjts jëtu'un Wintsën, mijts yë mTios, mëti'ipë ojts mjuutyën jap Egiptë; ëwë'ëk ets nyaj'itëty ku'uxyë.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Cantares 1:16

Janty oy mkëxë'ëky mijts, mëti'ipës ntsojkpy nja'apën, janty'oy mkëxë'ëky. Yë'ë tsuxk ujts yë'ë ntukma'ajëm.

Cantares 2:10

Jëtu'unës të xy'ënëëmë yë ye'etyëjk mëti'ipës ntsojkpyën: Pëtë'ëk, mijts mëti'ipës ntsojkpy nja'apën; mëti'ipës ntsojkpyën mëët yu'unk'aaw yu'unkjot.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Cantares 2:8

Tää myiny ja mëti'ipës ntsojkpy nja'apën. Nmëtoopyës ko tää myiny. Pëyi'ikyë myiny jam kopkkëjxm, pëyi'ikyë myiny jam tunkëjxm.

Cantares 3:1

Maas yë nmaapäjnën, tëëjës nja'ijxta'ay ja ye'etyëjk mëti'ipës ntsojkpy nja'apën. Tëës nja'ixta'ay ets ka'apës të npaaty.

Cantares 4:7

Janty mkëxë'ëky mijts to'oxytyëjk, mëti'ipës ntsojkpy nja'apën; tyimtso'ontä'äky ma mtekyën ets tyimkëpety ma mkëpajkën. Ma mijtsën nitii ma'at kyayajpaaty.

Cantares 4:9

Tëës yë njot nja'awën xypyëjkë, mijts to'oxytyëjk, mëti'ipës mpëkäämpyën; tëëjës yë njot nja'awën xypyëjkë koos të xy'ixy, mëët yë mpiity mëti'ipë myo'ktëy'äjtypyën.

Cantares 5:11

Yë kyëpajk jëtu'un tä pu'ts pujxnën; axy wäänjaty yë wyääy ets jëtu'un yëkëty tä wëëkyën;

Cantares 6:9

e yë to'oxytyëjk mëti'ipës ntsojkpy nja'apën tu'uk je'eyë; tu'uk je'eyë ja yajkutujkpë ja nyëëx mëti'ipë të yajtsojkën'atyën mëti'ipë ojts ja tyaak yajmëxu'unk'atyën. Ko yë myëto'oxy'ëna'k y'ixyë janty oyjya'awëyëp;; yë to'oxytyëjktëjk mëti'ipë yajkutujktëpën ets mëti'ipë pujëtu'unëtyëpën janty tsojk janty ja'awëyëp.

Cantares 7:9

ets mpa'kxwiin, jëtu'un jyawëty tä yë uukyën, tä yë tsatym nyëëjën tëëpë nyimaanaxyën mëti'ipë tyuktëjkëtya'ajëpën yë aaw tëts.

Cantares 8:7

Yë tsojkën ja'awën ka'ap tjëkyepy kyutëkoyëty oy jënu'un nëëkom jyanaxëty; oy jënu'un yë mëjnëë jyanikoompätëtëty. Ko pën y'ënaanpëty ko tjuyä'äny yë tsojkën ja'awën je'eyë nëjkx yajtukxi'iky.

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Isaías 52:14

Jëtu'un ijxtëm mayjyä'äy pya'ëyoowën ko ojts ja wyiin jyëjp tyëkajtstaaynyë ko y'o'knë ets ka'ap y'ëkyajja'ay'ijxnë,

Daniel 8:18

Tamës ënety xymyëmëtyä'äky koos të nkëtay etsës jëtu'unyë të njëpijptëy naaxkëjxy; e yë'ë ënätyë të xykyë'ënixajyës, etsës të xywyijtsë'ëky,

Zacarías 4:1

Ënet jatëkok ja tsajpjotmëtë kukäjpxy xynyimiinyës, mëti'ipës mëët nmëtyä'äkyën etsës xyujxy tä ja'ay ma'ayjoty yajyuxyën. Ets xyajtëëyës:

Mateo 7:8

Jä'ä ko pën tii y'amëtoopy, yajmoopy; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

Mateo 8:17

Paaty ya'atë jëtu'un tyuunë jyajtë ets y'atëwëty ko ja Dios ja kyäjpxynyajxpë Jeséas ojts y'ënä'äny: Yë'ë yajnëjkxtaay tu'kë'ëyë ëëts ja mpa'am'ajtëm ets ja n'ëyo'on'ajt njotmay'ajtëm.

Marcos 1:35

Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Dios mëkajpxpë të'ëts'itjotm,

Lucas 22:44

Ma ja Jesús y'ëyoyën ets ja Dios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

Lucas 6:12

Jää po'o ja Jesús ojts nyijkx Dios mëkajpxpë kopkëjxm, tu'ktsu'um ja Dios ojts tja'amyetsy.

Lucas 9:32

Nëkooyë ënety ja Pedro mëët ja myëku'uktëjk mya'ajanëtë. Juuky tsyuunajxtë, ënät t'ijxtë ja Jesús myëj'ajtën jyääntyajtën ets ja ja'ay nimäjtskpë mëti'ipë ënety jam mëët tyänën.

Juan 10:4

Ko tyajpëtsëëmta'ay tääts twinye'ey; paye'eyëp jä'ä kupixyny jä'ä ko yo'kmëtoyë.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Dios ets mëti'ipë yajtijpën Kupixyny U'unk ets të tuknitso'oktë.

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.

Apocalipsis 3:4

E jam Sardes, ma jam m'ityën, tam jënaakën mëti'ipë oy ets wa'ats ja'ay'ajtëpën, yë'ë yajpaatantëp mëët ëjts, ijxtëm pyaat'atëtën.