Cantares 5:15 - Biblia Dc en Mixe de Quetzaltepec

¹⁵ yë tyekpyoonty jëtu'un yë'ë tä yë jaam tsaajën ets kyëxwä'äky ma pu'ts pujxnën; yë wyiin jyëjp jëtu'un yaj'ixy tä yë Líbano kepyën, mëti'ipë aak ajë kepyën;

Biblia Mixe de Quetzaltepec

¹⁵ yë tyekpyoonty jëtu'un yë'ë tä yë jaam tsaajën ets kyëxwä'äky ma pu'ts pujxnën; yë wyiin jyëjp jëtu'un yaj'ixy tä yë Líbano kepyën, mëti'ipë aak ajë kepyën;

Cantares 5:15 ပူးပေါင်းရင်းမြစ်များ

1 Reyes 4:33

Ojts tnikäjpxy tnimëtyä'äky wi'ix ja aay kepy y'ixë'atën, mëti'ipë jam Líbano; yë'ëpaat ja aay ujts potsykyijxypyë yonyën; ojts näjyëtu'un tnikajpxtaay ja aayjëyujk ujtsjëyujk, mëjatypë ets pixkënpë, mëti'ipë naaxwiinye'eytyëpën, mëti'ipë naaxjotyën, mëti'ipë nëëjotyën, kepyjotyën ets mëti'ipë kääkjëtijtëpën.

Salmos 80:10

Ojts tninikë ja tun kopk, ets mëët yë xye'enty tninikëy yë mëjëtypë, këjxmëtypë kepy.

Salmos 92:12

Yë oyjyä'äytyëjk jëtu'un yaj'ixtë tä kumpëjyën, ets jëtu'un yontë jyiitstë tä ajë kepyën mëti'ipë yajpatëpën ma ja Líbano itjotmën.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Éxodo 26:19

Näyjyëtu'un xypyëjkta'akëty yë nyi'ëjx, wëxtyikxy xynyipëjktaakëty, aakyë'ë mtuk'oytyunëp yë poop pujxn ma jam yajxon xyajkëxwa'akëtyën ja kepyjyiity. Tu'ukjaty ja kepyjyiity mäjtskpëky ja y'ëjx yajmo'ojëty ets jëtu'un yajxon ja kepy ta'tspëky nyätyukjänëtëty.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Cantares 4:11

Mijts to'oxytyëjk, mëti'ipës mpëkäämpyën, ma mwiin m'aaw jam yë uuxpa'ak myuuty. Jëtu'un yajjawë uuxpa'ak ets tsi'tsknëë yowë jap pëtsëëmp myä'änpa'tkë'p. Jëtu'un tä yë Líbano it pya'akxuukyën jëtu'un pya'akxuuky yë mwit.

Cantares 7:4

Yë myo'kn jëtu'un tä yenypyotsyën yujkpotyëtyën mëti'ipë mëët y'oytyunyëtyën yë elefantë pajk; jëtu'un yë mwiin mäjtsk yajpaaty tä yë nëë apojtsë'ëkyën mäjtskpë jam y'ityën Hesbón, wiinkonpë yajpaatyën ma yajnitëkën yë Bat-rabim; yë mjëjp jëtu'un tä yenypyotsyën yujkpotyëtyën jampë Líbano yajpaatyën, mëti'ipë najts'ijxëpën Damaskë.

Lamentaciones 4:7

Poop ijty yë jyä'äyëty yaj'ixtë këtiinëm jëtu'un pyoopëty yë tip ets këtiinëm jyëtu'unëty yë tsi'tsknëë; tsapts ijty yaj'ixtë ja jyot nyini'kxëty këtiinëm jëtu'un yë nëë jëyujk y'atääm; janty'oy kyëxë'ëktë, tä oy tsyaajën.

Ezequiel 17:23

jam ma ja kopkën ni'ik këjxmëpë mëti'ipë yajpatpën ma Israel y'itjotmën. Mëj yona'any, jam'ataanp yë xye'enty, tëëmpätaanp yajxon ets mëj kepy y'ita'any. Nëjkxëp jam kanaaknax yë jëyujk tpa'tma'ay ets kanaak yë joon jëyujk pyä'än jam tpëjkta'aka'any.

Ezequiel 31:8

Nimëti'ipë ajë kepy tkamëpaatëty mëti'ipë tënääpyën ma Dios yë kyepy kyamën tä tääpë kepyën; nimëti'ipë tsiin jëtu'un kya'ixëty tä yë'ëjën, nimëti'ipë castanyë kepy jëtu'un kyamayëty yë y'ääy, nimëti'ipë kepy jëtu'un oy tsuj kyakëxë'ëky mëti'ipë jam tënaaytyëpën ma Dios yë kyepy kyamën tä tääpë kepyën.

Oseas 14:7

E nëjkxëp jatëkok yë Israel kajpn ëjts nkuwa'anyës; ets yontëty jyiitstëty tsajpmokën ets pyëjtëty tä tsatym pyijyën ets akäjpxy nëjkx y'itë tä yë tsatym nyëëjën mëti'ipë Líbano kojpën.

Zacarías 9:17

Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Mateo 17:2

Ma ënety jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Mateo 28:3

Jëtu'un ja tsajpjotmëtë kukäjpxy y'ajajy ijxtëm tu'uk wëtsukën ets poop ja wyit ijxtëm yë tsajp'o'pykyën.

Hechos 2:28

Tëës mijts xytyuknijawë ja në'ë tu'u mëti'ipës xyajja'tëpën ma ja juukyajtënën, ets mijts xyajjotkujkta'akaanpës mwintuuy mwinkujk.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Jueces 13:6

Ënet ja to'oxytyëjk ojts nyijkxy ma ja nyiye'etyëjkën ets tukmëmëtyäky: Tu'ukës yë ye'etyëjk të xynyiminy, Dios yë tyuunpë, jëtu'unyës të ntimwyi'imy koos të nwinku'ixë, jëtu'unës të n'ixy tä tu'uk yë Wintsënën kyukäjpxyën. Ka'apës të nyajtëy tii xyëëwajtyp ets ni yë'ë të xykyatuk'ëwaanës.