Cantares 4:11 - Biblia Dc en Mixe de Quetzaltepec

¹¹ Mijts to'oxytyëjk, mëti'ipës mpëkäämpyën, ma mwiin m'aaw jam yë uuxpa'ak myuuty. Jëtu'un yajjawë uuxpa'ak ets tsi'tsknëë yowë jap pëtsëëmp myä'änpa'tkë'p. Jëtu'un tä yë Líbano it pya'akxuukyën jëtu'un pya'akxuuky yë mwit.

Biblia Mixe de Quetzaltepec

¹¹ Mijts to'oxytyëjk, mëti'ipës mpëkäämpyën, ma mwiin m'aaw jam yë uuxpa'ak myuuty. Jëtu'un yajjawë uuxpa'ak ets tsi'tsknëë yowë jap pëtsëëmp myä'änpa'tkë'p. Jëtu'un tä yë Líbano it pya'akxuukyën jëtu'un pya'akxuuky yë mwit.

Cantares 4:11 ပူးပေါင်းရင်းမြစ်များ

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Cantares 7:9

ets mpa'kxwiin, jëtu'un jyawëty tä yë uukyën, tä yë tsatym nyëëjën tëëpë nyimaanaxyën mëti'ipë tyuktëjkëtya'ajëpën yë aaw tëts.

Cantares 5:13

jëtu'un yë y'apënuuky kyëxë'ëky tä yë mëj pëjykyamën ma oy xyuuky jyokyën. Yë y'atääm jëtu'un yë'ë tä yë tsapts pëjyën ma wyikëpipyën yë mirra jëtu'un tä nëëtsunën;

Génesis 27:27

Ko ja Jacob tmëwinkoony ja tyeety ets tsu'kxa'any. Ënet ja Isaac ojts xyuuk'ajtxëty ja wyit, tä ojts kyënu'kxyë mëët ya'atë ja aaw ayuk: Pën ya'atë mëti'ipës nxuukajtypyën n'u'unkës yë jyä'ä. Jëtu'un yë'ë ijxtëm xyuuktën yë aaypyijy ujts pëjy kamjotm tu'ujotm mëti'ipë, Dios kyënu'kxypyën jyëkyejpyën.

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Isaías 7:15

Ma ënety yeeky pyetyën ja pi'k ëna'k, yë'ë jyë'kxäämpy yë tsi'tsknëë ets uuxpa'ak.

Cantares 4:3

Tsapts yë m'atääm tä yë tsapts piityën ets oy mkäjpxy mëtyä'äky. Yë m'apënuuky jëtu'un tä mäjtsk xixën yë granadë tsa'amën mëti'ipë jap yu'utsy ijtpën ma mwinyä'äpën.

Proverbios 16:24

Ko ja'ay oy xyony y'ity, jëtu'un yajjawë tä uuxpa'akën. Tyimyajpa'akëtyääpy yowë jot winma'any, ets tyimyaj'ajä'ämëp yajjawë jot mëjaaw.

Proverbios 5:3

Jä'ä ko yë wiink to'oxytyëjk janty'oy yajmëtoy kyäjpxy myëtyä'äky, ets y'aaw yo'kn yu'unk naxym yajmëtoy,

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

Salmos 19:10

Tsoowpatp ni'ik këtiinëm jyëtu'unëty yë pu'ts pujxn. Ni'ik pya'akëty këtiinëm yë jompya'ak.

Cantares 4:10

Janty oy yajjawë mwiin mjëjp koos ntsu'kxy mijts to'oxytyëjk, mëti'ipës mpëkäämpyën. Jëtu'un yë mwiin mjëjp pya'akëty koos ntsu'kxy tä yë tsatym nyëëjën mëti'ipë tëë nyimaanaxyën ets ni'ik y'oyëty yë tsooy mëti'ipë mnätyukja'axëpën këtiinëm jyëtu'unëty yë tsooy oypyë pya'akxuuktën.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Proverbios 5:2

Jëtu'un janty këpety myajpaatëty ets winma'anymyëët mkajpxëty.