Cantares 3:6 - Biblia Dc en Mixe de Quetzaltepec

⁶ ¿Pën ximpë myinyën të'ëts'itjotm ets jëtu'un yaj'ixy jokjoty yowë myiny, yë'ë yowë winjojkp yë on mëti'ipë pa'akxu'kpën ets jëtu'un jyoky tä yë poomën ets tä jyokyën ko yajno'oky yë on wä'än timy myëti'ipëty mëti'ipë pa'akxu'kpën?

Biblia Mixe de Quetzaltepec

⁶ ¿Pën ximpë myinyën të'ëts'itjotm ets jëtu'un yaj'ixy jokjoty yowë myiny, yë'ë yowë winjojkp yë on mëti'ipë pa'akxu'kpën ets jëtu'un jyoky tä yë poomën ets tä jyokyën ko yajno'oky yë on wä'än timy myëti'ipëty mëti'ipë pa'akxu'kpën?

Cantares 3:6 ပူးပေါင်းရင်းမြစ်များ

Éxodo 30:34

Ënet yë Dios t'ënëmaay yë Moisés: Ijxta'a mëti'ipë pa'akxu'kpën ets tu'knax myäy'atëty: kepy'u'pky, nëë jëyujk pajk oypyë xyuuky jyokyën, poomway ets ja gálbano kepy oypyë xyuuky jyokyën,

Proverbios 7:17

etsës të ntukjaaxy tu'uk yë tsooy mëti'ipë pa'akxu'kpën, yë'ë mëët y'oytyunyëty, mirra, áloe ets canelë.

Cantares 1:13

Yë ja'ay mëti'ipës ntsojkpyën jëtu'un yë'ë maas ëjtsën tä yë on xuumy u'unkën mëti'ipës ntsi'tsk akujky nmëjëtijtypyën xëmë.

Cantares 1:3

janty'oy janty tsuj mxuuky, jëtu'un jeexyë myajtijy ko janty'oy mxuuky. Paaty yë to'oxytyëjktëjk mtsokyë.

Cantares 3:7

Yë'ë Salomón yë kyepy wintëkäämpë nikojpyë. Yë'ë paye'eyëp nitëkë'px yë tsyiptuunpëtëjk mëti'ipë jotmëkëtyën jampë yajpaatën ma Israel kajpnën;

Cantares 4:6

Wä'än t'ëkxëënyë, wä'än t'ëkjajtä'äky, ëjts jamës nëjkxy ma mirrë kopkën, ma poomkopkën.

Cantares 5:13

jëtu'un yë y'apënuuky kyëxë'ëky tä yë mëj pëjykyamën ma oy xyuuky jyokyën. Yë y'atääm jëtu'un yë'ë tä yë tsapts pëjyën ma wyikëpipyën yë mirra jëtu'un tä nëëtsunën;

Cantares 5:5

Ënätës të nipëtë'ëky etsës të nya'ëwa'atsy yë tëjk'aaw ets të tyëkë yë ye'etyëjk mëti'ipës ntsojkpy nja'apën. Ets të kyëxka'ay nkë'ëkëjxyës tu'ktsuny yë mirrë koos yë tëjk'aaw të nyaj'ëwa'atsy. Koos të nmëtoy të kyäjpxy, ënätës njot nwinma'any të tyëkë yaxpë. Täätsës yë tëjk'akaj të nyaj'ëwa'atsy, e koos të n'ixy ka'ap ënety jap pën. Täätsës të n'ixtaaytyä'äky ets ka'ap të npaatyës, tëëjës njamëkäjpxy ets ka'apës të xy'ëtsoy.

Cantares 8:5

¿Pën tääpë to'oxytyëjk mëti'ipë jam të'ëts'itjotm miinpën ets jam kyëx'ënëny ma kyejkyën yë ye'etyëjk mëti'ipë tsyojkpyën jya'apën? Ma mansaan kepypya'tkën ma ënety mma'ayën jam të nyuxy, jam ma mtaak pyëjkë y'ijxën ko ënety mijts mëxu'unk'ata'any ets ma mëxu'unk'ajtyën.

Isaías 43:19

Ëjts jemyës yam winë ntuna'any, ets timtyämyë nyajwinkëxë'ëka'anyës. Nyajkojäämpyës tu'uk në'ë tu'u jam të'ëts'itjotm ets tu'uk mëjnëë ma ka'ap tii yony jyiitsyën.

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Jeremias 31:2

Jëtu'un yë Wintsën y'ënä'äny: Ëjts oyës ojts yë njot nwinma'any nyajkëxë'ëky jam të'ëts'itjotm mëët ja naax kajpn mëti'ipë kyukäktën ja o'kën. Ma ënety ja Israel kajpn t'ixta'ayën ja po'kxtakn,

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënety tsyojkën'ajtëpën.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Dios ets tukjotkëta'akëty.

Apocalipsis 12:14

E ja to'oxytyëjk yajmooy mäjtsk ja witsn käkn mëjatyëty ets tkukä'äkëty ja mëj tsa'any ets jëkäm kyäknëjkxëty ma ja jyuuky'ajtakn ënety të yaj'ixkukën, jam të'ëts'itjotm, ma ja kyä'äyën y'ukën yajmo'ojëtyën tëkëëk jëmëjt ja kujkm.

Apocalipsis 12:6

e ja to'oxytyëjk jam ojts kyäknëjkxy të'ëts'itjotm ma ënety ja Dios të t'ijxkukën ja it ets jam tyajkayä'äny tyaj'uuka'any tu'uk mil ja mäjtsk mëko'px ja tëkë'px xëëw.

Apocalipsis 18:13

canela, tojkx tsooy, poom, mirra, wiink pa'akxu'kxpë nëë, tsatsym nyëë, olivë on, tsajpmokway, tsajpmokpajk, tsajpkaa, kupixyny, kwaay, kepy wintëkäämpë, mëtuunpë, jaaypyaat nëjkx tooktë.

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Dios ja'amyäjtsën mëti'ipë tyuuntëpën ja mëpëjkpëtëjk.