Cantares 2:8 - Biblia Dc en Mixe de Quetzaltepec

⁸ Tää myiny ja mëti'ipës ntsojkpy nja'apën. Nmëtoopyës ko tää myiny. Pëyi'ikyë myiny jam kopkkëjxm, pëyi'ikyë myiny jam tunkëjxm.

Biblia Mixe de Quetzaltepec

⁸ Tää myiny ja mëti'ipës ntsojkpy nja'apën. Nmëtoopyës ko tää myiny. Pëyi'ikyë myiny jam kopkkëjxm, pëyi'ikyë myiny jam tunkëjxm.

Cantares 2:8 ပူးပေါင်းရင်းမြစ်များ

2 Samuel 6:16

Ko jam jyä'äjty ja Wintsën ja kyaaxë ma ja David ja kyajpnën, ja David ja tyo'oxytyëjk mëti'ipë xyëëwajtypyën Mical, ënät ojts y'ijxwoony ma ja tyëjkën; ko t'ijxy ja David jyänty y'etsy jyänty pyuty jam Wintsën wyintum, yë Mical wiink ojts t'ixy.

Cantares 2:17

Ma xyiinyëja'anyën ets ma xëëw y'aanta'aka'anyën jää jatëkok minëty mijts mëti'ipës ntsojkpy nja'apën; jëtu'un mnäjyawëtëty tä jëtsyu'ujën, tä jëtsyu'u ayääkën mëti'ipë nëpujt yujkpujtpën tunkëjxy kopkëjxy.

Cantares 4:16

Mijts poj mëti'ipë anëkëjxytsyow tso'onpën ëkwij. Mijts poj mëti'ipë ëpa'tkë'ëytsyow tso'onpën Min yaatsow. Pojtë jam maas yë mpëjykyamën ets xyajpojwa'kxtëty yë pa'akxu'k pa'ak jojkën. Min mijts ye'etyëjk, mëti'ipës ntsojkpy nja'apën, ma mpëjykyamën ets xyjyë'kxëty mëti'ipë jam mkamjotm ijtp wintëëpën.

Cantares 5:2

Ëjts maapës ënety, je'eyëp ko yë njot nja'awënës ka'ap myä'äy. Ënätës të nmëtoowpaaty ko yë ye'etyëjk, mëti'ipës ntsojkpy nja'apën tpijkxnoky yë tëjk'aaw ets y'ënä'äny: Yaj'ëwa'ats yë tëjk, mijts to'oxytyëjk mëti'ipës ntsojkpy nja'apën, tëëjës yë nkëpajk y'ujktsta'ay mëët yë maanik. Tëës yë nkuwaay xyo'kta'ay mëët yë koots maanik.

Isaías 35:6

Ja tekymya'at këjxmëty nëjkx pyujtë'ëktë ets ja uumtëjk nëkooyë nëjkx yaxnëtë jyojknëtë. Jam të'ëts'itjotm të'ëts naaxjotm jam'ataanp ja nëë, xii yaa muum ja nëë myuuta'any.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Jeremias 48:27

Mijts Moab je'eyë ijty xynyëxi'iky tyukxi'iky yë Israel ja'ayëty ets ëxëëkëty ijty xymyëkäjpxy, jëtu'un ijty xy'ixy toonpë mä'tspën, ¿këtiijë?

Lucas 6:23

Jotkujk itë ets xoonta'aktë ko jëtu'un myajtun myaj'ënëëmëtëty, jä'ä ko mëj myajkumaya'antë tsajpjotm; jä'ä ko ja y'aptëjkëty tääpë ja'ayëty mëti'ipë tyam juuky'ajtëpën näjyëtu'un ojts ëxëëk tuntë ja Dios ja kyäjpxynyajxpëtëjk.

Juan 10:27

Yë nkupixynyës xyo'kmëtoowtëpës yë'ëjëty, etsës xypaye'eytyë.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Hechos 14:10

Ënet mëk t'ënëmaay: Pëtë'ëk. Tuktanë yë mteky. Ënätyë ja ye'etyëjk pyëti'ky ets tyëjkëy ye'epyë.

Hechos 3:8

Tääts ja tekymya'at pyujtë'ky ets ye'eypyijky; ënät mëët tyëjkëtyë jap mëjtsajp tëkoty ye'epy ets tmëjja'aw tkënu'kxyja'awëy ja Dios jëtu'un pyujtnë y'äjtsnë.

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.