Cantares 2:13 - Biblia Dc en Mixe de Quetzaltepec

¹³ Tam ja higos tsyaamë'knë ets tsatsymtsya'am kujk kyëjääjë xyu'kën jyojkën. Pëtë'ëk mijts mëti'ipës ntsojkpyën mëët yu'unk'aaw yu'unkjot.

Biblia Mixe de Quetzaltepec

¹³ Tam ja higos tsyaamë'knë ets tsatsymtsya'am kujk kyëjääjë xyu'kën jyojkën. Pëtë'ëk mijts mëti'ipës ntsojkpyën mëët yu'unk'aaw yu'unkjot.

Cantares 2:13 ပူးပေါင်းရင်းမြစ်များ

Cantares 1:15

Janty oy mkëxë'ëky mijts, mëti'ipë ntsojkpy nja'apën, janty'oy mkëxë'ëky. Jëtu'un yë mwiin yaj'ixy tä mäjtsk yë pakën.

Cantares 2:10

Jëtu'unës të xy'ënëëmë yë ye'etyëjk mëti'ipës ntsojkpyën: Pëtë'ëk, mijts mëti'ipës ntsojkpy nja'apën; mëti'ipës ntsojkpyën mëët yu'unk'aaw yu'unkjot.

Cantares 2:15

Majtsmujkta'atë yë wax, yë wax mutskëtypë mëti'ipë yajma'typën ëëts yë tsatsymkyam, mëti'ipë jam kujk pëjtso'onpën.

Cantares 6:11

Tëës jam n'oty ma nuez kepy yukën, yë'ëjës ojts të n'ixy wi'ix tsyuxkëtyën yë aay ujts jam nëëwokjotm; yë'ëjës të nja'ixa'any pën kujk myuxy yë tsatym tyëëmp jam kamjotm ets pën jam mëti'ipë pëjpën.

Cantares 7:8

Ja ënaanpës jam mpäta'anyës ma tääpë tëëxykyepyën etsës jeexyë ëjts njä'ä'aty. Ets mtsi'tsk y'awinpitëty tä yë tsatym tsya'amën tu'kxe'enty; ets mxejy xyuukëty tä yë mansaan tsa'amën;

Isaías 18:5

Ko ënety ja tsatym të pyëjktä'äky ets ënety të myëjaawnë, ka'anëm ënety ja pëjktä'äky pyëti'ikynyëm, wa'ats nëjkx yajxe'enty pyujxta'ay tsatym, ets nëjkx jam kajpnpë'am yanitsëëmpety.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Oseas 14:6

tääts yë xye'enty yoonwa'kxa'any oyjätyëty tä olivë kepyën ets janty pa'ak xyuuka'any tä yë ajë kepyën mëti'ipë jamën Líbano.

Hageo 2:19

Ëk'ixtë, tyam ka'ap y'ëmaaytya'aka'any jë'kxy pëky ma mjëën mtëjkëtyën. Ka'anëm tpaaty ma tsatym pyëti'ikyën ets higos, granadas ets olivë yajtuunk'atyën, ëjts yam miitsëty nkënu'kxta'ajantëp.

Mateo 24:32

Jatë ya'atë nyi''ijxpëjkën ja higo kepy: ko xye'entyjiitsy ets ja y'ääy pyëtsimy, yë'ë yajtuknija'ap ko myiny wyinkony ja xëkopk'ajtën.

Lucas 19:42

ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Dios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Dios.