Cantares 1:5 - Biblia Dc en Mixe de Quetzaltepec

⁵ Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

Biblia Mixe de Quetzaltepec

⁵ Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

Cantares 1:5 ပူးပေါင်းရင်းမြစ်များ

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

Salmos 149:4

jä'ä ko Dios tyukxoontäkpy yë nyaax kyajpn; yajmëtäkpy yë ja'ay yu'unk naxymyëpë jyuuky'atën.

Salmos 45:9

Ja to'oxy'ëna'këty mëti'ipë jam yajpatëpën ma mëtëy winë xynyipaye'eyën aakjä'ä jam ja oyëtypë mëti'ipë mëj'äämpy ijtëpën; ja wintaj mëti'ipë yajkutujkpën a'oytsyow y'u'unyë ma mëët myajkutukyën, yë'ë mëët y'oytyunyëty ja pu'ts pujxn oyëtypë.

Salmos 90:17

Wä'än yë y'oyjyot y'oywyinma'any yë nWintsën'ajtëm Dios tyajpaaty ma ëëtsajtëmën. Wintsën, mijtsës xymyo'otëp yë ntuunkëtyës mëti'ipës ntuunk'atëpën. Mijts yaj'it xëmë ja tuunk mëti'ipës ntukjuuky'atëpën.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Cantares 2:7

Tyam n'amëtow npëjktsowtë miitsëty to'oxytyëjktëjkëty, mëti'ipë jam Jerusalén kukajpnajtëpën, ko këtii xyuxtëty yë to'oxytyëjk mëti'ipës ntsojkpyën. Ixmatstë wä'än tma'ay, kë'ëm wyijëty jëna'a tuknipëjktaakë.

Cantares 3:10

Aakyë'ë poop pujxn tyeky'äjtyp; ets jyëxk yë'ë pu'ts pujxn; e yë nyi'ënyääypyäjn yë'ë oywyit, uky tyapts y'ixëty; jap itkujky yë'ë mëët y'oytyunyëty yë tsojkën ja'awën mëti'ipë yë to'oxytyëjkëty të t'oytyuntën jampë Jerusalén kyukajpn'atën.

Cantares 3:5

Tyam n'amëtow npëjktsowtë miitsëty to'oxytyëjktëjkëty, mëti'ipë jam Jerusalén kukajpnajtëpën, ko këtii xyuxtëty yë to'oxytyëjk mëti'ipës ntsojkpyën. Ixmatstë wä'än tma'ay, kë'ëm wyijëty jëna'a tuknipëjktaakë.

Cantares 4:3

Tsapts yë m'atääm tä yë tsapts piityën ets oy mkäjpxy mëtyä'äky. Yë m'apënuuky jëtu'un tä mäjtsk xixën yë granadë tsa'amën mëti'ipë jap yu'utsy ijtpën ma mwinyä'äpën.

Cantares 5:16

Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Cantares 5:8

Miitsëty to'oxytyëjktëjkëty Jerusalén ja'ayëty, pën jam muum xypyaatë yë ye'etyëjk mëti'ipës ntsojkpy nja'apën jam xy'ënëëmëtëty ko o'kpës yam mëët yë tsojkën ja'awën ma yë'ëjën.

Cantares 6:4

Mijts to'oxytyëjk, mëti'ipës ntsojkpy nja'apën, m'oy mtsuj mijts ets oytyukxootaknë mijts tä yë Tirsá kajpnën ets Jerusalén kajpnën; tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Cantares 8:4

Tyam n'amëtow npëjktsowtë miitsëty to'oxytyëjktëjkëty, mëti'ipë jam Jerusalén kukajpnajtëpën, ko këtii xyuxtëty yë to'oxytyëjk mëti'ipës ntsojkpyën. Ixmatstë wä'än tma'ay, kë'ëm wyijëty jëna'a tuknipëjktaakë.

Isaías 21:16

Ënätës ja Wintsën të xy'ënëëmë: jajëmëjt yë Quedar kajpn ka'ap ënety maanë, jëtu'un tä tu'uk tuunpë ja'ay tnimëtyä'äkyën mëti'ipë yi'iyë myëju'uny tyukjuuky'äjtypyën,

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Ezequiel 16:14

Akäjpxy ojts m'ity oymyaanaax myaakajpnëty mëët ko ënety m'oyëty mtsujëty, aak'oy ijty ja'ay mtijyë jä'ä ko ëjts ojts mijts n'oytyuny. Ëjts Wintsën, ëjts ënaanp.

Ezequiel 27:21

Yë Arabië ja'ayëty ets wintsëntëjkëty mëti'ipë Quedar ja'ayëtyën jam ijty tyim ajuytyë ma mijtsën ets mo'oyë yë kupixyny ets tsajppax ko tii tjuy ja mëti'ipë mijts mtukmëto'kpyën.

Mateo 10:25

Yë ijxpëjkpë yë'ë tyukjotkujk'atëp ko jëtu'un jya'ta'any tä ja yaj'ijxpëjkpën ets ja mëtuunpë tä wyintsënën. Pën Beelzebú yajtijy ja u'unkteety, ¿tii ko näjyëtu'un kyayajtijtëty ja y'u'unk y'ëna'k?

Mateo 22:11

Ko ja yajkutujkpë tyëjkëy ets tkajpxpo'kxa'any ja mayjyä'äy mëti'ipë ënety të yajwowtën, ënät t'ijxy tu'uk ja ye'etyëjk mëti'ipë ka'ap xyoxyëtyën mëët ja wit mëti'ipë ja'ay pyëjktaktëpën ko pën pyëjkpë nikay.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Lucas 15:22

Ënet ja u'unkteety t'ënëmaay ja tyuunpëtëjk: Tsojk nëjkx ja oypyë wit xyajtsoontë ets xytyukxoxtëty, pëjktakëtë kyë'ëjiits ets kyë'ëk.

Romanos 13:14

Ni'ikyë miits mnätyukxoxëtëty ja mëpëjkën mëti'ipë jam mmëët'ajtëpën ma ja Wintsën Jesukristën ets ka'ap yi'iyë xymyëmay xymyëtajtëty wi'ix ja mjot mnini'kx tii t'oyjawëtyën.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Gálatas 4:26

E ja Jerusalén tsajpjotmëpë, ëwaatsëtum jä'ä ets jëtu'un tpaaty ijxtëm jeexyë ëëts yë'ë nwintaj'ajtëmën.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

1 Juan 3:1

Ixtë wi'ix ja Dios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Dios tka'ixy'atë.