Apocalipsis 9:17 - Biblia Dc en Mixe de Quetzaltepec

¹⁷ Ko ja maykyëwaay n'ijxyës, aak tim pujxn kyätywyiin myëët'ajtëp mëti'ipë ja kwaay tyuk'u'unyäätyëpën. Tëkëëk wooxy kyëxë'ëky, ijxtëm jëënyä'änkën tsapts, tsu'unk ets pu'ts. Ja këwaaykyëpajkëty, jëtu'un kyëxë'ëky ijxtëm tu'uk yë kaajën; ets y'aawjotyëty jëtu'un jap pyëtsimy ijxtëm ja jëënyä'änkën, ijxtëm ja jokën ets ijxtëm ja nëë mëti'ipë no'kpën tsääpyën.

Biblia Mixe de Quetzaltepec

¹⁷ Ko ja maykyëwaay n'ijxyës, aak tim pujxn kyätywyiin myëët'ajtëp mëti'ipë ja kwaay tyuk'u'unyäätyëpën. Tëkëëk wooxy kyëxë'ëky, ijxtëm jëënyä'änkën tsapts, tsu'unk ets pu'ts. Ja këwaaykyëpajkëty, jëtu'un kyëxë'ëky ijxtëm tu'uk yë kaajën; ets y'aawjotyëty jëtu'un jap pyëtsimy ijxtëm ja jëënyä'änkën, ijxtëm ja jokën ets ijxtëm ja nëë mëti'ipë no'kpën tsääpyën.

Apocalipsis 9:17 ပူးပေါင်းရင်းမြစ်များ

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

1 Crónicas 12:8

Ojts näjyëtu'un mëti'ipë yë Gad jyä'äy tpuwa'akëtë yë David, ma ënety jam të'ëts'itjotm yajpaatyën, ma ja kopkjotmën këwent'atypë y'ityën. Ya'atë ja'ayëty aak tsip'ixy ijtyëty ets aak jotmëkëty, tyukjajtëp wi'ix tyajtuntëtyën ja ku'umën ets wi'ix tyajtuntëtyën ja mëti'ipë nätyuk'akëëytyujkëtëpën. Jëtu'un yaj'ixtë myëk'atë tä kaajën ets ko pyëyë'ëktë jëtu'un pye'tsym'atë tä jëtyu'u paxën.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Ezequiel 33:22

Tëë ënety ëxë'ëy jopyëp ja wintsën ja kyë'ë tpëjktä'äky maas yë n'aawën; e komjëpom ko tääpë ja'ay myiiny mëti'ipë jam Jerusalén të kyäkpëtsëmyën, ënät ojts ja Wintsën jatëkok xyajkajpxë'ëkyës ets ka'apës ojts në'k'u'umnë.

Daniel 8:2

Maas ënety jam nwinkuma'ayën, jamës näywyin'ixë ma ja Susa kajpnën, ma ja kutujktakn yajpaatyën, yë'ë y'itjot yë Elám, Ulai nëëpë'aay.

Daniel 9:21

Tamës ënety nyajnaxy ja nu'kxtakën, ko ja Gabriel të myiny, ja mëti'ipë ënety të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënety tyimpatyp ma yajyaka'anyën ja wintsë'kën jënäkyxyëëwpë.

Apocalipsis 11:5

Pën jää pën wi'ix tyuna'anëtë, yajpëtsëmtëp ja jëënyä'änk y'aawjoty, jëtu'unts ja myëtsip y'o'kta'atëty mëti'ipë ëxaty tunanëtëpën.

Apocalipsis 14:10

yë'ë ja ëyo'on yajmo'ojaanp jä'äkyëjxm ko ja Dios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Dios y'anklëstëjk wyintum ets mëti'ipë yajtijpën Kupixyn U'unk wyintum.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 20:10

Ets ja mëjku'u mëti'ipë ënety të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënety të yajkupipëtën ja mëj jëyujk mëët ja mëti'ipë ja Dios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 21:20

ja mëmëkoxkpë yë'ë mëët ja yëk tsaa, ja mëtëtujkpë yë'ë mëët ja uky tsyapts tsaa, ja mëwëxtujkpë yë'ë mëët ja të'kxy tsyaa, ja mëtuktujkpë yë'ë mëët ja mony tsuxktsaa, ja mëtaxtujkpë yë'ë mëët ja pu'ts tsaa, ja mëmajkpë yë'ë mëët ja poop tsuxktsaa, ja mëmajktu'ukpë yë'ë mëët yë monytsyapts tsaa, ets ja mëmajk mäjtskpë yë'ë mëët ja nipyu'ts tsaa.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 9:18

Jëtu'unts tu'kpëky ja tëkëëk pëkpyë naaxwiinyëtë ja'ay y'o'ktë mëët ja jëënyä'änk, jok ets ja azufre mëti'ipë kwaay y'aawjoty pëtsëëmpën.

Apocalipsis 9:9

Aak tim pujxn nyi'ak'ajtëp. Ko kyääkjëtitë, mëk yajmëtoy ijxtëm pyëyi'ikyën may kyepy wintëkäämpë mëti'ipë ja kwaay pyajëtujtëpën ko nyëjkxtë tsiptuunpë.