Apocalipsis 6:17 - Biblia Dc en Mixe de Quetzaltepec

¹⁷ Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?

Biblia Mixe de Quetzaltepec

¹⁷ Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?

Apocalipsis 6:17 ပူးပေါင်းရင်းမြစ်များ

Salmos 110:5

Yë Wintsën tam yajpaaty ma m'a'oykyë'ëjën, ko ënety jyoot'anpëky, nëjkxëp tyajkutëkooytyä'äy yë yajkutujkpëtëjk.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Isaías 63:4

Ënätës të ntuknipëjktaakë etsës nipaye'eyä'äny ja nnaax nkajpnës; ets nyaj'ëwaatsëpëtsëma'anyës ma o'ktëy yajpaatën.

Jeremias 30:7

Miimp wiinkoonp ja xëëw ma ja ëyo'on jotmay y'ita'anyën, tääpë xëëw myinyën nijëna'a jëtu'un kya'itynyëm. Ja Jacob ja nyaax kyajpn mon tuk jää yajpaata'antë, je'eyëp koos nyajtso'okäämpy.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënety yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Malaquías 3:2

Je'eyëp, ko ¿pën y'ëkwintänëp ko ënety myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Judas 1:6

Ets ja anklëstëjk mëti'ipë ka'ap ojts oy tyajtu'uye'eytyën ja tyuunk ets t'ëxmajtstë mëti'ipë ënety ja Dios të tyuk'ënä'ämëtën, akootstuuy ojts pyëjkta'akëtë. Japts y'ëwxitë koonëm ja paye'eyën y'itëty.

Apocalipsis 11:18

Tëë ja naaxwiinyëtë ja'ay jyoot'anpëktë ets tëë ja tiempo tpaaty ets xtyiytyunëty ja ja'ay ets xypyaye'eyëty ja pyoky ja o'kpë; ets ja mkäjpxynyajxpëtëjk xymyo'ojëty ja nyäkyumayë, ja wa'atspë ja mkajpn ets mëti'ipë myëjja'awëtëpën ja mxëëw, mëj mutskpë; jëtu'un xyajkutëkoyëty mëti'ipë yajkutëkooytyëpën ja naaxwiinyëtë.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Dios Mëti'ipë Maaytyääyëpën Winë.

1 Samuel 6:20

Paaty y'ënantë ja Bet-semes ja'ayëty: Pën jëtää jampaat jeky y'ëk'ity juuky Dios wintum mëti'ipë wa'atsën? ¿Pën jëtää jam ëxëëk winë y'ëktuunpy ko yaa tsyoonëty ma ëëtsajtëmën?