Apocalipsis 3:17 - Biblia Dc en Mixe de Quetzaltepec

¹⁷ Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

Biblia Mixe de Quetzaltepec

¹⁷ Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

Apocalipsis 3:17 ပူးပေါင်းရင်းမြစ်များ

Génesis 3:7

Jä'ä xëëw jä'ä jëmëjt ma ojts ja ujts jëtu'unpë tjë'kxtën, mëti'ipë ja Dios ka'ap t'ëwa'atsyën tjë'kxtëty. Ënet ojts wyinma'anytyëkëtë ets ja wyiin y'ëwatstë ets nyäjya'awëpyatëtë nimäjtskëty ko niwa'ats ëxwa'atstëm ënätyëty. Ënet ojts oywyi'ix t'atsuummujkojtë yë ujts'aay ets yë'ë mëët nyätyuk'ëtujkëtë.

Éxodo 32:35

Ënet ja Dios tkejxy jam ja ëyo'on ma ja naax kajpnën, mëët jä'ä ko ja wiink wintsën ënety të t'ëwtatë. Jä'ä ja awinax jëtu'unpë yaj'ixyën tä tsajpkaajën, mëti'ipë ënety ja Aarón të tyajkojyën.

Proverbios 13:7

Tää yë ja'ayëty ka'apë tii tmëët'atën ets jä'ä nyäyajnaxëtë kuwit kumeeny. Tää yë ja'ayëty mëti'ipë myëët'ajtëpën winë ets jä'ä nyäyajnaxëtë mëk ëyoowtë ja'ay.

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Isaías 42:19

Ni pën jëtu'un kyawiintsëty ets kyanatëty tääjës yë ntuunpën mëti'ipës të nkexyën, ni pën jëtu'un kyawiintsëty ets kyanatëty tääjës yë nkäjpxynyajxpën mëti'ipë Wintsën myëtuumpyën.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Oseas 12:8

Jëtu'un yë Efraín y'ënä'äny: Ëjts koos të nkumeenytyä'äky, jotkujk'ajtënës të npaaty; ka'ap tjëkyepy pën xytyuk'ojëtyës ets xy'ënëëmëtyës ko tëkatsyës winë të ntuny.

Zacarías 11:5

Yë ajuupyëtëjkëty ko tyaj'ooktë ja kupixyny nitiipa'ëyo'owën tkamëët'atë ets mëti'ipë ato'ktëpën jëtu'un y'ëna'antë: Yajkukajpxëp yë Wintsën ko xyajkumeenytyä'äkyës. Yë'ëpaat yë mëti'ipë kupixyny këwent'ajtëpën ninu'un tkapa'ëyowtë yë kyupixynyëty.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kuttujkën.

Mateo 9:12

Jesús ojts tmëtoy ets y'ënëmaayëtë: Mëti'ipë oyëty mëkëtyën ka'ap yë tsooyëpë tyaj'ëmaaytya'aktë, yë'ë tëy mëti'ipë pëjkëtëpën.

Lucas 1:53

Tëë ja ayuupë axëëwpë tmo'oy ja nyaax kyam, ets awa'ats kë'ëwa'ats të tpëjktä'äky ja kumeenyjyä'äytyëjk.

Lucas 6:24

Miits kumeenyjyä'äyëty mon tuk myajpaatë, jä'ä ko tyämyë miits xytyukxoonkojtë.

Romanos 11:20

Tëy jëtu'un. Ojts jyänty yajkatspuxy je'eyëp ko yë'ë ko ka'ap myëpëjktë, e mijts paaty jam myajpaaty jä'ä ko mmëët'ajtyp ja mëpëjkën. E paaty mijts këtii mnämyëjjawëtëty, këtiipë näjyëtu'un myajkatspuxëty.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Romanos 12:3

Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.

Romanos 7:24

O'ktëyës njaty. ¿Pën xy'ëktukniwa'atsëpës ja poky mëti'ipë yaj'o'kpën?

2 Pedro 1:9

Pën ka'ap tyajmëjtëkë ja jëtu'unpë oywyinma'any, jëtu'un ja jyatë ijxtëm tu'uk ja ja'ay wiintspën ëkë mëti'ipë ka'ap jëkämpaat y'ixyën, jä'äkyëjxm ko të tja'atyëkoytyë ko ja Kristë të yajpokywya'atsëtë ma ijty pyokytyuntë.

Apocalipsis 16:15

Jëtu'un ja Dios y'ënä'äny: Ixtë, jëtu'unës nminy ajotkumonë ijxtëm yë mä'tspën. Jotkujk yë ja'ay yajpaaty mëti'ipë juuky yajpatpën ets tam wyit tmëëtëty, këtiipë yajtukja'tëty niwa'ats ëxwa'ats ets tsyëtyunëty.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

Apocalipsis 3:16

E jä'ä ko je'eyë mjokxëty, ka'ap mtëtsykyëty ets ka'ap m'anëty, paaty n'ix'ëëtsa'any.