Apocalipsis 3:14 - Biblia Dc en Mixe de Quetzaltepec

¹⁴ Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Dios yajkojën.

Biblia Mixe de Quetzaltepec

¹⁴ Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Tios yajkojën.

Apocalipsis 3:14 ပူးပေါင်းရင်းမြစ်များ

Génesis 49:3

Mijts, Rubén, mijts nkä'äxkopk'ajtyp, ets mijts nmëtu'uk'u'unk'ajtyp. Mijts ëka'any myajnikëxë'kpy yë nmëjaawës, ets n'u'unkës ntiktsës, mëti'ipë jëyëjp mëxu'unk'ajtën mëët yë oyajtën tsujajtën.

Proverbios 14:5

Ja ja'ay mëti'ipë tii të t'ixyën mëtëy tii tnimëtyä'äky; e mëti'ipë ka'ap tii të t'ixyën yë'ë antakp.

Proverbios 8:22

Ëjts yë Dios ojts më''ëka'any xyajkojy ma ënety ka'ap nitii kyojynyëmën, ma ënety ka'ap tii tsyo'ontä'äkynyëmën ets t'oytyunyëmën.

Isaías 55:4

Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Isaías 65:16

Ko ënety pën ma naax kajpnën t'amëtoy ja näkyënu'kxë, Dios y'amëtowëp, mëti'ipë tëyajtën winë tyuunpyën; ko ënety pën tii tnikajpxa'any ëkë tnikajpxpäta'any, Dios nëjkx ja xyëëw tkajpxpatëyë, mëti'ipë tëyajtën winë tyuunpyën. Ja ëyo'on jotmay mëti'ipë ënety të y'ityën, nëjkxëp yajja'atyëkooytyääynyë, ets ka'ap nëjkx maa y'ëkyaj'ijxnë.

Jeremias 42:5

Ënet t'ëtsoowtë ja Jeremías: Yë mWintsën Dios yë'ë y'ixëp nyijawëp ko ënety ëëtsëty tii oy nkatuntës ijxtëm yë'ë xytyuk'ënä'ämtënës.

Juan 1:3

Yë'ë mëët ja Dios ojts tyajkojta'ay winë; ka'ap ojts tii kyojy pën ka'ap ënety yë'ë jam.

Juan 8:14

Tä ja Jesús y'ëtsooy: Oyës kë'ëm nänyimëtyä'äkyë, tsoowpatp yë'ë, jä'ä ko nija'apës tiis nkäjpxyp; nija'apës maas ntsoony ets maas nnëjkxyën e miitsëty ka'ap xynyijawëtë.

2 Corintios 1:20

ma yë'ë tëë tyuunta'ay jyajta'ayë mëti'ipë ja Dios wyaantakën. Paaty ko ja Dios nmëjja'aw njaantyja'awëmë, jëtu'un n'ëna'anëmë: Tëy jëtu'un mëët yë Kristë Jesús yë xyëëw.

Deuteronomio 21:17

Ya'atë kä'äxkopk nëjkxëp ni'ik yë kyuma'ayën yajmo'oy mëti'ipë patëpën. Jä'ä ko yë'ë ënety ëka'any yajwinkëxë'kpy ja jyot myëjaaw ja ye'etyëjk mëti'ipë patëpën ets ja kyuma'ayën kujkwä'kxy nyi'ikëty, jä'ä ko yë'ë kä'äxkopk'ajtp.

Colosenses 1:15

Ko ja Kristë të yaj'ixy'äty ënät të yajnijawë wi'ix ja Dios y'ixëtyën, jä'ä ko yë Dios ka'ap yaj'ixy; yë'ë myëëtu'uk U'unk'ajtyp ka'anëm ënety tii kyojnyëm.

Colosenses 1:18

Kristë nyikëpajk'ajtyp ja mëpëjkpëtëjk, mëti'ipë ijtëpën ijxtëm tu'uk ja ni'kx kopkën. Yë Kristë tääyëm yë'ë yajpaaty, yë'ë jëyëjp të jyuukpyiky ets nikopk'atëty tu'kë'ëyë oy tyimtiijëty.

Colosenses 2:1

Yë'ës ntsojkpy ets miits xynyijawëtëty ko mëk yam nnitsiptuntë ets näjyëtu'un mëti'ipë tsënaaytyëpën jam Laodicea ets ni'ëmukë ja wiinkëtypë mëti'ipë ka'ap xy'ixy'atës.

Colosenses 4:16

Ko miits ya'atë noky xykyajpxta'atëty ets xytyuknikäxtëty yë mëpëjkpëtëjk jampë Laodicea yajpaatën; ets tkajpxtëty näjyëtu'un. E mëti'ipë yë'ë kyäjxtëpën ma miitsëtyën mkajpxtëp näjyëtu'un.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.

Apocalipsis 21:6

Ënet xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

Apocalipsis 22:13

Ëjts tso'ontakp, ets ëjts jëjpkëjxp.

Apocalipsis 22:6

Ënet ja tsajpjotmëtë kukäjpxy xynyëmaayës: Tëy jaanty ya'atë ayuk ets jyëkyejpy yajtuk'ijxpätety ets yajmëpëkëty. Ja Wintsën, mëti'ipë ja käjpxynyajxpëtëjk Tyiosajtën, tëë ja y'anklës tkexy ets tuk'ixa'any tuknijawëja'any ja tyuunpëtëjk tii tsojk tunan jatanëpën.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy: