Apocalipsis 21:27 - Biblia Dc en Mixe de Quetzaltepec

²⁷ Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Biblia Mixe de Quetzaltepec

²⁷ Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Apocalipsis 21:27 ပူးပေါင်းရင်းမြစ်များ

Salmos 101:8

Winjëpom nyaj'ëwaanëja'anyës yë ja'ayëty mëti'ipë ëxëëk ëtëtstëp ënantëpën ma naax kajpnën; Nyajjëwa'akäämpyës yë ëxëëk tuunpë ëxëëk kajpxpë ma Wintsën yë nyaax kyajpnën.

Éxodo 32:32

E tyam mijts mëj këjää nmënu'kxtä'äky ets xypyokymyä'kxëty, e pën kajts xypyokymyä'kxa'any, ni'ik oyës yë nxëëw xytyimjo'tsëty japë ma mnokyën këxja'ay y'ityën.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Ezequiel 44:9

Paaty ëjts maas nWintsën'atyën, jëtu'unës n'ëna'any: Ko ka'ap nëjkx tyëkëtë nijëna'a yë jaaypyaat jaaypyo'kxy maas yë ntsajptëjkën mëti'ipë ka'ap tmëëtëtyën ja nkäjpxytyu'unënës ma jyot wyinma'anyën ets ma jyot nyini'kxën; oy ënety jyayë'ë'ajtpë mëti'ipë tsënääpyën ma Israel ja'ayëtyën.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Zacarías 14:21

Tu'kë'ëyë yë jëënpajk jä'pn, mëti'ipë jam Jerusalén ets Judá yajpatpën, nëjkxëp yajtuknikënu'kxëtyä'äy ja Wintsën, mëti'ipë maaytyääyëpën winë. Mëti'ipë ënety yakantëpën ja wyintsë'kën, yë'ë nëjkx tyajtuntë ets yë'ë nëjkx mëët tsa'atë tno'oktë ja jëyujk ooky. Jä'ä xëëw ka'ap nëjkx jam y'ëk'ijnëtë ja'ayëty mëti'ipë ajuuy ato'ktëpën.

Mateo 13:41

Yë naaxwiinyëtë ja'ay y'U'unk kyäxäämpy ja y'anklëstëjk ets twoowmujkta'aja'any ma kyutujktaknën mëti'ipë ja myëku'uk yajpokytyuuntëpën ets mëti'ipë ja ëxëëkpë tyuunk'ajtëpën.

Marcos 7:2

yë'ë y'ijxtë ko ja Jesús ja y'ijxpëjkpëtëjk ka'ap kyë'ëpujtë, ka'ap tpatuntë ja aptëjk ja y'ënä'ämën, paaty ojts twiink'ixtë.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Dios të tuny ja mëyajtën ko mxëëw jap kuja'ay y'ijnëtë tsajpjotm.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

1 Timoteo 1:10

mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Dios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

2 Pedro 3:13

E yë'ëts njëjp'ijxmëp jempyë tsajp, jempyë naax mëti'ipë Dios të twaantä'äkyën, ma tu'kë'ëyë winë oy ets mëtëy tyu'uye'eyën.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.