Apocalipsis 21:15 - Biblia Dc en Mixe de Quetzaltepec

¹⁵ Ja tsajpjotmëtë kukäjpxy mëti'ipës xymyëmëtyakpën, myëët'ajtyp tu'uk ja kepy mëti'ipë yajtukkijpxpën winë, aak pu'ts pujxn mëët y'oytyunyën ets tukijpxa'any ja kajpn, ja tëjk'aaw ets ja potsy.

Biblia Mixe de Quetzaltepec

¹⁵ Ja tsajpjotmëtë kukäjpxy mëti'ipës xymyëmëtyakpën, myëët'ajtyp tu'uk ja kepy mëti'ipë yajtukkijpxpën winë, aak pu'ts pujxn mëët y'oytyunyën ets tukijpxa'any ja kajpn, ja tëjk'aaw ets ja potsy.

Apocalipsis 21:15 ပူးပေါင်းရင်းမြစ်များ

Ezequiel 40:3

Ënet ja Wintsën ojts jam xywyoownëjkxyës ets n'ijxyës tu'uk yë ye'etyëjk, jëtu'un yaj'ixy tä jeexyë y'oytyunyëtyën mëët yë tsuxkpujxn. Jam tëjk'ëkë'ëm tyänë, yë'ë kyë'ëpëk'ajtyp tu'uk linë wit tejpxyën yaj'ixy ets tu'uk yë kepy mëti'ipë mëët winë yajtukijpxyën.

Zacarías 2:1

Ojts jatëkok nwinkuma'ayës. Tu'ukës yë ja'ay n'ixy yë'ë kyë'ëwits'ajtyp tejxyp mëti'ipë mëët yë ja'ay winë tkijpxyën.

Zacarías 2:2

Täätsës të nyajtëy: ¿Maa mnëjkxy? Etsës të xy'ëtsoy: Yë'ëjës nëjkx yë Jerusalén kajpn nkijpxa'any ets yajnijawëty jënu'un myëjwiinëty ets y'ayenyëty.

Apocalipsis 21:12

Këjxm ja kajpn nyapojts'ëwëtityëty ets majkmäjtsk ja tëjk'aaw tmëëtëty. Jamts ja tsajpjotmëtë kukäjpxy tyänëtë maajëty ja tëjk'aawën. Jam tëjk'aawkëjxm kyëxja'ayëty ja xyëëw ja majkmäjtsk pëkpyë ja Israel ja'ayëty ja y'u'unk y'ok.

Apocalipsis 21:16

Ayeny ja kajpn, tu'knax yenyëty mëët ja y'ok. Tääts ja tsajpjotmëtë kukäjpxy ojts tkijpxy ja kajpn mëët ja kyijpxn. Mäjtsk millon ja mäjtsk mëko'px mil metro ojts kyijpxpëtsëmy, jëtu'un ja y'ok ets näjyëtu'un ja kyëjxm'ajtën.

Apocalipsis 21:21

Ja majkmäjtskpë ja tëjk'aaw, aak poop jaam tsaa mëët y'oytyunyëty, tu'ukjaty ja tëjk'aaw aak poop jaam tsa'a mëët y'oytyunyëty. Ets ja mëjtu'u kajpnjotypë aak pu'ts pujxn mëët y'oytyunyëty, tä të'kxy kyiikën.

Apocalipsis 21:25

Nijëna'a ja tëjk'aaw jam ëtuky kya'itëty xëëny. Nijëna'a ja kootspë jam kya'ita'any.