Apocalipsis 20:9 - Biblia Dc en Mixe de Quetzaltepec

⁹ Ënet t'aye'eytyääytyë mapaat ja naaxwiinyëtë y'ëwëtityën ets tyajnatujktaaytyë maajaty yajpaatën mëti'ipë ja Dios kajpn'ajtëtëpën, ja kajpn mëti'ipë Dios tsyojkpyën. E Dios yajkëtak ja jëën tsajpjotmëpë mëti'ipë yaj'o'ktaayëtën.

Biblia Mixe de Quetzaltepec

⁹ Ënät t'aye'eytyääytyë mapaat ja naaxwiinyëtë y'ëwëtityën ets tyajnatujktaaytyë maajaty yajpaatën mëti'ipë ja Tios kajpn'ajtëtëpën, ja kajpn mëti'ipë Tios tsyojkpyën. E Tios yajkëtak ja jëën tsajpjotmëpë mëti'ipë yaj'o'ktaayëtën.

Apocalipsis 20:9 ပူးပေါင်းရင်းမြစ်များ

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

2 Reyes 6:15

Komjëpom, ko myä'äypyëti'ky ja Elisejë ja tyuunpë ets pyëtsiimy jap tëja'p, ënät t'ijxy ko tëë ja kajpn nyatuky, mëët ja maytsyiptuunpë, may mëti'ipë pujxn wintëkäämpë këjxyën, may mëti'ipë këwaaykyijxyën ets may teky'am. Ënet ojts ninëjkxy ja Elisejë ets t'ënëmaay: ¿Tii ënät ntuuntakmëp tyam, wintsën?

Job 38:18

¿Mnija'ap jënu'un myëjëtyën yë naaxwiinyëtë? Tuk'ëwa'anëkës pën mnija'ap.

Salmos 106:18

Jëën ojts nyo'kta'ajëtë, e yë jëënyä'änk ojts tëkokyë yë ëxëëkja'aytyëjk tyajtëkooytyä'äy.

Salmos 87:2

Yë Wintsën janty'oy ni'ik tsoky tjawë ja tsajptëjk ja nyitëjk'aaw këtiinëm yë Jacob yë jyëën tyëjk.

Salmos 97:3

Tu'uk yë mëj jëën nyijkxy jëjp'am ma yë'ëjën ets no'ktëkooytyä'äy ja mëtsip mëti'ipë wyintuuy pyë'aay yajpatëpën.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Ezequiel 38:9

Jëtu'un nëjkx mja'ty tä yëk yootsën ets xyajwintukëty yë kyajpn ets nëjkx xytyukja'ty tääpë kajpn tä tu'uk mëktuupojën mëët tu'kë'ëyë ja mtsiptuunpëtëjk ets ja naax kajpn mëti'ipë ënety mëët të mnäyjä'äypyikyën.

Ezequiel 39:6

Jëënës ntuknikäxäämpy yë Magog kajpn ets kajpn nëëpë'aaypyë yajpaatën ma ja'ay akujk jotkujk jyuuky'atën. Ënet nëjkx tnijawëtë ko ëjts Wintsënajtp.

Miqueas 2:13

Yë Dios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Habacuc 1:6

Ëjts yë'ëjës yam yë caldeo ja'ay nyajtsiptunantëp, ëxëëk tääpë ja'ay jyä'äy'atë, y'aye'eytyääytyëp yë naaxwiinyëtë ets tjä'äpëktë mëti'ipë ka'ap tjä'ä'atën.

Lucas 17:29

e ko ja Lot tsyo'ony jam Sodomë, ënät ja nëë tuu jam tsajpkëjxm tsyo'ony mëti'ipë no'kpën mëti'ipë tsääpyën ets ni'ëmukë ja ja'ay nyaax'o'ktaaytyë.

Lucas 19:43

Pyaatäämpy ja xëëw ko ja mmëtsip myajnatukëtëty na'ëwtity,

Lucas 21:20

Ko xy'ixtëty ja Jerusalenkajpn ko tëë ja myëtsip yajnatukyë, yë'ë mtuknijawëtëp ko tsojk ënety kyutëkoyä'äny.

Lucas 9:54

Ko ja Santiagë ets ja Juan jëtu'un tmëtoowtë, ënät t'ënëmaaytyë: Wintsën, ¿Myajkutujkpy mijts etsës n'amëtowtëty ja jëën tsajpjotm, wä'än yë ja'ay tkutëkoytyë?

Deuteronomio 23:14

Jä'ä ko yë Wintsën najxp tëjkëp ma miitsëtyën ets ma m'itën, yë'ë mkëwent'ajtëtëp ets yë'ë myajmëtakëtëp ma mëtsiptëjkëtyën, paaty wa'ats mëpaat yë it naaxwiinyëtë xyaj'itë, këtiipë twiink'ixëty, jä'ä ko tii oy tka'ixëty tsojk jam jyëwa'akëty.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Hebreos 13:13

Tsojk mpanëjkxëm ja Jesús kajpnpë'am, tsojk n'ëyo'owëm ijxtëm ja Jesús y'ëyooyën.

Apocalipsis 11:5

Pën jää pën wi'ix tyuna'anëtë, yajpëtsëmtëp ja jëënyä'änk y'aawjoty, jëtu'unts ja myëtsip y'o'kta'atëty mëti'ipë ëxaty tunanëtëpën.

Apocalipsis 13:13

Näyjyëtu'un ja myëk'ajtën tyaj'ijxëy, tsajpwinmpaat ja mëj jëënyä'änk tyajtso'ony ets naaxkëjxy tyajkëtäky.