Apocalipsis 20:8 - Biblia Dc en Mixe de Quetzaltepec

⁸ ets ja naaxwiinyëtë ja'ay twin'ëëna'anëty tu'ktsajp'akëtä'äky, jëtu'un ja Gog ets Magog nyämyukëtëty tsiptuunpë mëët ni'ëmukë ja tsyiptuunpëtëjkëty.

Biblia Mixe de Quetzaltepec

⁸ ets ja naaxwiinyëtë ja'ay twin'ëëna'anëty tu'ktsajp'akëtä'äky, jëtu'un ja Gog ets Magog nyämyukëtëty tsiptuunpë mëët ni'ëmukë ja tsyiptuunpëtëjkëty.

Apocalipsis 20:8 ပူးပေါင်းရင်းမြစ်များ

1 Reyes 4:20

Judá ets Israel, aak mëj aak këjääjëty ënety tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënety y'ëmaaytyä'äky, aak akujk jotkujk ja ja'ay yajpaatë.

2 Crónicas 18:21

ets y'ëtsooy ja ëxëëk poj, ko yë'ë tyuktëjkëtya'ajäämpy ja yajkutujkpë ja kyäjpxynyajxpë. Ënet ja Wintsën y'ëtsooy, ko jëtu'un tyuna'any jyata'anyë ets wä'än nëjkx jëtu'un tuny.

Isaías 10:22

Oy jëtu'un tä jinën jyanimay'atë ja Israel ja'ayëty, niwäänë y'ita'antë mëti'ipë winpitantëpën. Tëë yajtuknipëjktaakë ko jyää'ata'any ja ëyo'on ko ënety ja nipaye'eyën y'ity.

Jeremias 33:22

Yë ntuunpës David yë y'u'unk y'ok ets Leví y'u'unk y'ok mëti'ipës xypyukë'ë xypyuwijtsëpën, yajxonës nyajnimayëja'antë tä mëtsa'a yaj'ixyën jam tsajpjotm ets tä yë nëë ajinën mejypyë'aaypyë kyëxë'ëkyën, mëti'ipë ni pën kyamayëtëty tmëtsyowëty.

Ezequiel 38:1

Ënet ja Dios ojts xymyëkäjpxyës ets xy'ënëmaayës:

Ezequiel 38:2

Mijts ye'etyëjk, Nikajpx ëjts nxëëwkyëjxmës ko yë Magog yë nyaax kyajpn ëxëëk jyata'any kyëpäta'any ets xynyimëtya'akëty ëjts nxëëwkyëjxmës tii ëyo'on yë Gog pyatäämpyën, mëti'ipë wintsën ijtpën ma tsiptuunpëtëjkëtyën jam Mésec ets Tubal.

Ezequiel 39:1

Mijts ye'etyëjk, tukmëmëtya'ak yë Gog ëjts nxëëwkyëjxmës, jëtu'un xy'ënëëmëty: Jëtu'un yë Wintsën y'ënä'äny: Gog, mëti'ipë mëj wintsën'ajtpën jam Mésec ets Tubal, mmëtsipës yam n'awinpity ma mijtsën.

Ezequiel 39:6

Jëënës ntuknikäxäämpy yë Magog kajpn ets kajpn nëëpë'aaypyë yajpaatën ma ja'ay akujk jotkujk jyuuky'atën. Ënet nëjkx tnijawëtë ko ëjts Wintsënajtp.

Ezequiel 7:2

Ëjts, Wintsën, jëtu'unës n'ënëëmë yë Israel Naax Israel kajpn: Winkoomp ja ëyo'on jotmay, wiinkoonp ja ëyo'on jëna'a ja naaxwiinyëtë kyutëkoyä'änyën.

Hebreos 11:12

Jëtu'un ja Abraham, oy ënety të myëjja'ayënë, ojts ja y'u'unk y'ok tpaaty ets nimay tä maymyëtsa'a kyëxë'ëkyën jam tsajpwinm, tä jinën mejypyë'am, ka'apë tjëkyepyën wi'ix nmëtsyo'owmëtyën.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Dios Mëti'ipë Maaytyääyëpën Winë.

Apocalipsis 20:10

Ets ja mëjku'u mëti'ipë ënety të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënety të yajkupipëtën ja mëj jëyujk mëët ja mëti'ipë ja Dios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 20:3

Tää tkujëpijpëy ëyoowtaknjoty ets tku'ëkëëy ets ja y'akë'ë tpëjktakëy ja nyi''ijxwë'ëmën, jëtu'unts ka'ap t'ëkwin'ë'ënëty ja naaxwiinyëtë ja'ay koonëm tu'uk mil jëmëjt nyaxëty. Ënätnëm yajnajtsmatsëty jayiin jawään.

Apocalipsis 7:1

Ko jëtu'un y'ëkjajty, ënätës n'ijxy ko ja tsajpjotmëtë kukäjpxy nimajktaxk tyänëtë jam taxk täk këjxm ma ja naaxwiinyëtë ja tyäkën. Jamts ja poj t'awa'ktuktë oymyëti'ipë pojëty, naaxwinkëjxypë, mejy wiinkëjxypyë ets ujtskëjxypë.

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.

1 Samuel 13:5

Yë filistejë ja'ayëty näjyëtu'un ojts nyäyajmujkta'ajëtë ets mëët tsyiptuna'antë ja Israel ja'ayëty. Ja ënety tmëët'atë i'px majk mil yë pujxnwintëkäämpë mëti'ipë myëtsiptuuntëpën, nitëtujk mil mëti'ipë jëyujk këjxy nëjkxtëpën ets ja mëti'ipë tekyye'epy nëjkxtëpën jëtu'un nyimay'ajnëtë nëë'ajinën. Tä nyëjkxta'atë jam Micmás ets jam awinmtsow Bet-avén, jam y'ijtakn tyaj'ixtaktë.